¹ Ya erica nalecani yai cuyaluta yasuquei Moises nemiaca yacale iricuise ya nanaca aberi itanasi iwali cai canacata Amonita ibata Moabita yewa waiwacalica.

² Ya yeweri cai camita iyacate yanaca aley yacale yasu yai Israel yapicha pan yai unica , cai iyaca namaidaca yai Baalam yewanapina icuisacatena Israel caicanita, yai waniri iwenuada yai baweri iwali cayaberica.

³ Idecunita nemiacani yai itacai namusuadaca nia sisade Israel nese macaita weneica decuiseyeica. ⁴ Siucade ipichawaise Eliasib yai ibaiderica waiwacali iri , yate icuerina nawali niai nawenidacataica yasu capiricu yai waiwacali yate yenasairi yai Tobias.

⁵ Eliasib ichuniaca Tobias iri aberi nawenidaca manuiri, chai nadeniacataite yai nawacaideri ituina, yai pumeniri isani niai tacasisi, yai nawacaideri ituinaca, yai iracslesi walisai yasu, cai namaquericte nalipina niai ancianonai, niai icanteyica, niai icuiyei capinuma ya nawacuerica nalipina niai ibaideyica waiwacali iri. ⁶ Yaquewa iwali macaita yai erica, canaca neni nua chai Jerusalem iricu yacaina iwali ya camuica treinta y dos yasu Artajejes, icueri yacale yasu Babilonia, ya nuate icueri yacale idenami yai aiba erica, nusutaca numusuanapinawa icha yai icuerina yacale yewanapina wamusuacawa.

⁷ Ya nuapuacawa Jerusalen iricule ya nualiaca iwali yai bawerica yai Eliasib ideca imanica yanapina Tobias aberi nawenidacalu iyacatai yalusi cauri yasu cai iricu yai wanirica. ⁸ Nua caluacanua bawanama ya nucaca macaita niai tacaisi capi iwalirica yasuquei Tobias bachawale icha yai nawenidacaluca .

⁹ Nuaca nali wawasi masacanapina nia nawenidacalu ya naliadaca neni walisaita niai itacaina yasu capi yai waniri, yai nawacaideri yenacai ituinaca caitanacai, pumenirica isana. ¹⁰ Ya nualiaca iwali ya cai yai yacasi acumerica nerica nalipina niai ancianonai camita idecawa nawenuacani ya cai abechuanama nacawa nasu manucualibawa, niai ancianonai ya nia icanteyi cai namanica yai naibaidrrica.

¹¹ Iyuwa nuana ipuinta niai uwi iwitapunai ya numaca:"¿ cana cai iyaca bawawaca yai capica yasuquei wanirica?" nuwacaida nia nuaca nali nabaluacataipinawa, ¹² Nse macaita Juda yanaida yai nawacaiderica yenaca ituinaca, icha yai iracalesi walisai yai isenaca ya nawenidacalu.

¹³ Numacaca iyuwa iwacaideyeipina iwenisi nawali niai nawenidacalu yai Selemias, iri yai Zacur iri yai Matanias, cana yewa yebaidacani : piasu wawasi idecate nawacaucani yai yacasi nali niai imanubacacawa.

¹⁴ Piwawalitanua, pia nauniri, iwali yai ya pica pitunua yai cayaberi nuibaideri nuderica numanica iwali yai capi yasuquei nuanirica yai yasu ibaiderica. ¹⁵ Yate erica nua iwali Juda nia weneiwica nabawaidaca yalusi nabawaidacatai iyacanasi yasu eri yai nayamaidacataiwa yaa nanaidaca nmanuberi ituinaca ya yepunidaca nawali niai cuwesica, ya caitanacai iracalesi, iyacanasi, higos macaita icacanawsa yai nepuniderica imierica, cai nateca iricule yai Jerusalen yasu eri yai nayamaidacataiwa nua numanica cai nuyaca nuwenidaca ya erica. ¹⁶ Asianai wisiyai inuaca iyeiyeicate chai Jerusalenrica nanaidaca cubai ya macaita iwitana yai naweniderica ya nawenidacani yasu eri yai nayamaidacataiwa yasu weneiwica yai Juda alede yacalericule"

¹⁷ Nese nuipuintaidaca niai iwacacania yai Juda:"¿ chana yai bawericueca picha iyaca pimanica, namanica aberi wawasi yasiu eri yai nayamaidacataicawa.?

¹⁸ ¿ Camita namani yai piarinaica? yacata waniri,¿ camita yanaida macaita yai baweri iwali wiata iwali yai yacale? siuca piacue piyaca pianaidaca manuiri bawerica iwali Isareal namanica aberi wawasi yasu eri yai nayamaidacataicawa. ¹⁹ Idecunita catacayacawa ya inuma iricunbale yai Jerusalen ipiechawaise yai eri nayamaidacataisewa; nuchulia cai yai inuma nabaliacanami ya cai camita yewawa nacuacani idenamipina yai eri nayamaidacataicawa nuyamaida aibanai nausu ibaieyei nuli cai inumalicu ipichana ibata aberipina yasusi yeweripina nanedaca yasu eri yai nayamaidacataicawa.

²⁰ Niai nawenida ya niai iwenidayeica nacai iwitana yai walumaca nayamacawa iteseba yai Jerusalen aberi puchaibawiria. ²¹ Quewa nua nude nucalidaca nali: ¿ cana nayamawa bachawale icha yai yawanaca ? pepuacaliecue pimanicani niai nuibacania nucapi iyuwa" n ese idenami eri ipicale, camita nepuawa nese yasu eri nayamaidacataicawa.

²² Ya nubanua niai ancianonai masacacatena namani naiwitaisewa, nacatena nacuaca yai inuma yewanapina naucaca naiwitaisewa yai eri nayamaidecataicawa piwawali tanua iwali caitanacai pia nuaniri, calutecanua picacanua iwali yai cayaberi iwitaise cai ideniaca nuwere iwali wawasi yai imanirica. ²³ Yate erica caitanacai yai Judio iyericate icasacawa napicha Huai inanaica yasu Asdod, Amon yai Maob.

²⁴ Nema niai yenibeca natanica yai tacaisi yasuquei Asdod, nese camita nade natanica ya tacasi yasu yai Juda, quewa aberi yai tacaisi ya aberi nasu nia aibanai yacaleca. ²⁵ Ya nuacawa naipunta, nucuisacania, ya nuca pedania nenaca nuicaca iwitabaina, ya numanica aberi wawasi iwali wanirica, imaca: camita yapina nenibe niai penibe inanaica, camita nedaspinacue.

²⁶ ¿ Camita imani bawanasi Salomon, icueri yacale yasu Israel wawasi huwali hui inanaic? yewi manuberi yacale canacate icueri yacale cai iyuwani, yacatewa yai caininerica iwacali icaca ya waiwacali imacaca icuerina macaita iwali yai yacale Israel camita umni wawasi hui yacawetuaca aiba yacale iminalu nachuliaca imani ibayawanawa.

²⁷ ¿Yewa, nese, wemiaca piricue wamanica yai manuiri baweri namanica camiri baisiri wawasica ipuinta yai waiwacalica ya nayaca napicha niai inanai decuise yai?" ²⁸ Aberi nena niai yenibe yai Joiada, iri yai Eliasib, yai sumo ibaideyei waiwacali iri, yate isimale yai Sanbalat yai Morinita idecunita, nuwenuadaca icacawayu nuacauliesewa.

²⁹ Piwawalitanua, pia waiwacali, cana namani camiri yewa namanica wawasi yasuquei ibaideyeica waiwacali iri ya nasu niai ancianunai. ³⁰ Cai , nia masaca namani naiwitaisewa macaita wawasi aiba cali inataiserica, ya naca niai tacaisi nia ibaideyeica waiwacali iri yai nasuca ancianonai abechuyei nasu wawasi namaniri pina .

³¹ Numanica yacasi yasu quichaica iripina yai nawacaiderica yai aicuca yalipina erica nerica nali iripina yai idabericawa piwawalita nua pia nuiwacali.