¹ Nese, ya WAIWACALI ibanua Natan David nere , ya yaca yatale ima iri: " nayate puchaiba asianai yacale iricu. ² ya aberi asiali ricuiri ya aibaca caneri yasu. Ya asiali ricuirica idenia manuba ipirawa, ³ Ya asiali catulequenerica cana idenierica, idenia abechua ipirawa cordero, iweniechua, ya uyaa idauna uaa. ya udaunacawa yapicha yenibe yapicha. ua corderaca uya yapicha uira yapicha aberi copa iricuise, imaa ua iricu caichua iyuwa idu. ⁴ aberi eri yana yatale asiali ricuiri, ya quewa asiali ricuirica camita iwawata yeada cubesi yasuwa iyeripina, ya quewa , yedaca uaacorderita yasuque asiali catulecanerica ya ichanaca uaa naya nia ipachiayica. ⁵ "David calua ipunta yai asiali ricuirica , ya imaida Natan iri." nua numaca caide iyuwana cauna yai Waiwacali, ya asiali imanirica iworta nanuacani. ⁶ ya iworta ipaida bainuaca yawiri imanirica imalise canaca bainani ya asiali catulequenerica." ⁷ Nese Natan imaca David iri:"¡ pia asiali ! yai Waiwacali, ya Dios Israel, imaca: nua nua ungi pia rey Isarel yasu , nuedaca pia icapi iricuise Saul. ⁸ Nua nua piri ya icape yae piwacali icapeca , nie aiba nie inunai , piwacali picapi iricu. ya aiba ya icape israel juda aiba, ya canami camiri manui . nua pina piri aiba wawasi . ⁹ Ina yewa, ¿cana yewa pimacaca ichulianaca yai waiwacalica, pimanicatena yai bawerica ipichale? pia pinuaca yai Urias yai hititasca espada iyu ya pedaca uaa inuca pinuca uaa . pia pinuaca espada uwinai yasu iyu yai Amonca. ¹⁰ Ina siuca yai espadaca camita imaca picape, bawaquina picaca nua pedaquina inuca yai Urias yai hitita inuca. ¹¹ Ya imaa WAIWACAl : pica, nua numichaya pibaida baweri pipunta picape iricu. pitui ipichale, nueda pina nia pinunaica nuapina pimanubaca iri , ya pina ima napicha eriapita. ¹² Pia pimani pibayawanawa ibacaneri iyu nua nuasaida pina macaita Israel icani, eriapita ." ¹³ Nese Dacid imaca Natan iri:" nua numani nubayawanawa ipunta NUIWACALIWA." Natan yeba isana David : "ya WIAWACALI imaichapinaca ya pibayawana. camita petawa. ¹⁴ Yaquewa, ya pimanirica bawerica ica picha WAIWACALI, ya piri asairica yetapinacawa." ¹⁵ Nese Natan yacawa icapenerewa, ya WAIWACALI yaca yatale yaa sumaica uaa inu Urias ueri David iri, ya caulaicacani. ¹⁶ David icuta iwali DIOS icha sumai iwali. David i ayuna ya yacawa cpi iricule ya iriecawa cali iricu macai cata. ¹⁷ Niai beyinai icape neniyica namichacawa nabaluacawa iwaliba , camita iya napicha. ¹⁸ Ichabawa septimo dia yetacawa, niai yasu weneica David caluca niai naimana pina iri yetacawa, naima quina :" pica, caucanamicawa irica watani iri, camita yemia wasana.¿ ¡cainasica imani yawawa waimaca nami iri yetacawa sumaica?! ¹⁹ Quewa icacanami David yasu weneica natani nariwacawa, David yemia ya sumaica yetacawa. ya ima nali niai yasu weneicacawa:"¿ ya sumai yetawaa?" ya naimaca:" ya sumaica yetacawa." ²⁰ Nese, David imachacawa cali inataise, iungicawa yawatawa icambia ibalewa. ya yacawa icapericule yai WAIWACALICA ya iadora neni, nese ya yepuacawa yasu palacio nerewa. icutacani niai naunaida yacasi ipichale , ya iyacaa. ²¹ Nese , niai yasu weneica naima iri:"¿ cana pimani cai? pia piayuna pichani iwali yai sumaica caucanamicawani, yetacanamiwa, pia pimichawa ya piyaca." ²² David yeba nasana:" caucanamicawa sumai nua nuayuna nuichani , numaca..¿ cainasica yaliawa ya WAIWACALI ide misericordia nuapicha, ya sumaica caupinacani? ²³ Yaquewa yetacawa, ¿ cana yewana nuaayunaca? ¿ idesica nuepuada neseni ? nua yatale, ya quewa camita yepua nuatale."" ²⁴ David iconsola uaa Betsabe, uaa inu, ya yawawa uatale, nese asaica uri aberi sumai, ya sumai ya ipedena Salamon. ya WAIWACALI iwoweri. ²⁵ Ya ienvie tacaisi yapicha ya Natan, ya profeta yacatena ipidena Jedidias, ya quina waiwacali iwawacani. ²⁶ Siuca, Joab ipelia ipunta Raba, ya yacale yasu Amon, ya ibaca yasu fortalez. ²⁷ Nees Joab ienvia tacaisi David iri imaca: " ide nupeliaca ipunta Raba, ya ide nuibaca ya nairataiseca uni yasu yacaleca. ²⁸ Siuca, piwacaida niai uwinai iqueyicawa ya cu piabalua ipunta ya yacale iderica quedaca , ya quedacani nua nami yedani ya nuaca nuipidenawa iri. ²⁹ Ya David iwacaida macaita nie uwinai ya yacawa Raba nere; ipelia ipunta yacale ya ibacani. ³⁰ David yeda yasu corona iwita iwalise nasu rey imieri aberi talento oroo, iya neni iba melu meluiri iwali. ya corona nachanaida iwita iwali rey David, nese iwusuada botin yacale iricuise . manubaa. ³¹ Ya itraslada nie weeica iyeyica neni aiba yacale iricule, ya ichulieca naibaida serrucho iyu, pico hierro hacha; ichiacata nacai anibaida horno ladrilo neni. David ichulia naibaida macaita nie iyeyica yacale Amon iricu. nese, David macaita nie yasu uwinai nepuacawa Jerusalen nere.