¹ Siuca, ya maisibana camui ichulia yai Oseas, irica yai Ela, icuerica israelnai, Ezequias, irica yai Acaz, idabacawa yasu reino.

² Ya ideniacali veinticinco camui(25) idebecali irainaca, ya ichuliaca (29) camui alede jerusalen nere. ya uipidena uai yatuaca Abi, ya uaca idu yai Zacarias.

³ Ya imanica cayabata itui ipichale yai waiwacali, nacawa yami iyuwata imanina macaita yai david, iyuwata yawirinaimi imanicate. ⁴ Ya icusuaca yalusi chenunire, imalaidacani nia pilare nai ibanaica, ichuacania niai poste yasunaica yai Asera. ya imadaca iwaliaba yai serpiente broncerica Moises imaniricate yacaina erica neniali niai weneica asraelnai nemacate nayaca incienso, nacate ipidena" nehustan".

⁵ Ezequias iberiwawa waiwacali iwere yai Dios Israelnai yasu DIosca, caicanita quewa idenami yai canacata ideri caicade iyuwani newi niai macaita reyenaica, juda neyeica, caita newise niai ipichawaiseyica reye naimaca. ⁶ Yacaina ya iferracawa waiwacali iri. ya camita imaca yawawa yamita, quewa ideniaca iriwa yai mandamiento, cairinate waiwacali ichulia moises imanica.

⁷ Quewa yai waiwacalica iyacate Ezequia yapicha, alenacalita yepuniwa iprosferacawa. yucawe irebelacawa ipunita yai icuerica yacale Asiria neni camita ibaida irita.

⁸ Ya ipeliaca naipunta niai Filisteonaica alede Gaza, cali inunami inatabawa, sisade , torres guardia naica alede yacale nacuerica. ⁹ Iricu yai bainuacana camuica ibaiderica iricu yai rey Ezequia, quewa siete (7) camui iderica ibaidaca iricu yai Oseas, irica icuerina yacale Israel,Salmanasar, icuerica yacale Asiria, ya iriacawa samaria ipunita ya itesiacani.

¹⁰ Imalaidana maisiba camuica ya naibacali seis(6) camui ibaidacataica yai Ezequia ya nueve(9) camui ibaidecate yai Oseas, icuerina yacale Israel; caica icacanawa namaweniada Samaria mica. ¹¹ Nese yai icuerina yacale Asiria iteca Israelnai iripina Asiriaca imacaca nia alede Hala, alede uni Habor ale Gozan nere alede nayacale nere nia medo nai.

¹² Ya imanica caide camicaina nebaida isana yai waiwacli nasu Diosca, ya namadaca icha iyuwa ideniaca napicha wawasi, macaita yai Moises, waiwacali yasu weneica ichuliana nia, ya nia camita nawawa nemiaca camita nacai nawawa namanica quirinamani. ¹³ Nese, iricu yai catorce(14) camui ichuliaca yai icuerica yacale Ezequias, Senaquerib, icuerica yacale Asiria, ipeliaca macaita yacale cawenirica ya Juda ya ibamicani.

¹⁴ Nese yai Ezequiaca, icuerica yacale juda iricu, ibanuaca tacaisi iriya icuerica yacale Asiria iricu,iyerica alede Laquis neni, imaca:" nucuisacali pia.piawa nucha. caicalita yewa pima nuwali, yewa nuideniacawani" ya icuerica yacale Asiria neni iwawacata Ezequias, icuerica yacale Juda neni, yewacatena ipaidaca (300) ṭalento oro iyu.

¹⁵ Nese yai Ezequias yaca iri macaita palata yanerica waiwacali icape iricu alede tesoreria nasu palacio iricu yai reica. ¹⁶ Nese, Ezequia imadaca oro inuba yai waiwacali yasu templo yasu pilares queirica ide ibaluada; ya yacaoro iriyai icuerica yacale Asiria

¹⁷ Quewa yai icuerica yacale Asiria iwacaida yasunaiwa manubasiwata uwinai, ibanuaca Tartan yai Rabsaris iwacalica yai comandante LOquis iriyai icuerica yacale Ezequia alede Jerusalen nere ya nairiacawa ayapulicuba nanaca maisawali Jerusalen icha. ya nia nacawa mawiuni iri conducta yai estanque superior, alede ayapuricuba yericawa alede lavadores ya nayamacawa iwalibata.

¹⁸ Caicalina ide imaida rei Ezequia Elakim. irica yai Hilcias cairica, yaca iwali yai capica, ya Sebna itaquerica, yai Joa irica yai Aset cronitasairi, namusuaca naipunta icani. ¹⁹ Nese, yai jefe comandante imaca nali caicatena naima Ezequias iri yai manuiri reyca naicha, ya rey Asiria neseri, imaca "¿ chanayai fuente piasu confianserica?.

²⁰ Pia itaniri tacaisi maweniri, imaca caide iyaca yacaweriderina ichainisi pina imanica uwicai. siucata,¿ caina pebeideri iwali? ¿caina yapiri chainisi piacatenawa nuipunita?.

²¹ Picaca, pia pebeidaca bastoni waipinerica iwaliideca imaltrataca caña yasu Egipto, quewasi aberi asiali iriacanami iwere ya isutapinaca icapi yewise ya imusuapinacawa yaquei ya quewa Faraon, rey Egipto neseri, yai yebaidericaa iwali pina. ²² Quewa pimacalicue nuli wia quewa yebaideyica waiwacali iwali, wasu Diosca, ¿ camita quewa yana, yade chenuniri yalubaisi, yalubaisinaica Ezequias yedacania, ideyei imanali iwali Juda irinacai yai Jerusalen: piacue yeweyai yaca iri cayaberi ipichawaise yai yalubaisi Jerusalen nenirica?.

²³ Siuca nesequewa, nuwawaca numanica aberi cayaberi wawasica yasu wawasi yai waiwacali, yai rey, Asiria neserica, nuacueca pirini "Dos mil(2000) caballonai baisicalita pialimaca pianaca jinetenai nalipina. ²⁴ ¿Cainacue piaca camita pide pideniaca iri tai aberi capitanca achumerica newise nia ibaideyica nuiwacali iri?.¡piacue ideca pimacaca piwawa iwali alede Egipto nere iripina yai carro jinetenaica!

²⁵ ¿Ideca nuiriacawa nua chai canerita iwacali nupelianapina ipunita chai iricu numalaidapinani? yai nuiwacali imaca nuli; "piawa ipunita chai iricu yai yaluquei pimalaidani." ²⁶ Nese, Eliaquin, irica yai Hilcias, yai Sebna, yai joa imaca nali, naiwitapu comandante: "pimani nuli cayaberi, pima iri yai piasu wenaicaca arameo itacai iyu, cana wiaqueina wemia cani. picacue pitana wapicha natacai iyu juda nese yeica nauwiricu nia weneicanaica iyeyeica alede muralla neni ".

²⁷ Quewa ya naiwitapu ichuliaricania imaca nali:" ¿Ichuliacanua yai nuiwacali piwacalica nacai ya piacueca pitaninapina ya tacaisica? ¿camita ibanua nua nali nia asianaica yaneyeicawa alede muralla inata, caiyeipina ideniaca iyacalewa nasu yacasisiwatawa nairapinaca nainisiwatawa piapichacuewa?". ²⁸ Nese, yai naiwitapu naiwacali imichaca ibaluacawa imaidaca chainisi judio nai itacai iyu, imaca: pemiacue itacai yai rey Asiria neserica.

²⁹ Ya rey imaca: picacue pimaca Ezequias imeniadacueca pia, yacaina camita yalima yedacuecapia pia nuicha.

³⁰ Picacue pibata Ezequis imacaca pebeida iwalli, imacanita:" ya waiwacali baisisiwatapina yedacawia. ya yacate camitapina yepuadapina icapiriculeni, ya rey Asiriaca.": ³¹ Picacue pemia iriyai Ezequias, yacainata imaca yai rey Asiriaca: piyacue nuapicha matuibanaita piacue nuataleta, nese pialimawanama pinacue piyaca piasu vino iyacanawa caita nacai piyacueca piasu higuera iyacanawa, pirapina uni piasu cisterna iricuisewa.

³² Piacue pimanipina yai idecunita nuanacawa nese ya nutepinacueca piawa alede aberi cali nere piya pinacueca neni caide iyuwata piasu cali, aberi cali yawamita grano ya vino nacai walisaica, aberi cali pan yawamiri ya viñedo nacai aberi cali olivo yawami ya maba ituninacai, yewacatena piyacueca neni pichana petacuecawa. picacue pemia Ezequias iri iwawacanita iwenuada piwitaisewa piacueca imacanitacue piriwa;" ya waiwacali yedapinaca wiawa." ³³ ¿Alena naya nia Hamat yanacai Arfad yasu Diosenaica

³⁴ ¿ Alena naya niai Serfavim yasu diosenaica? ¿caicalina nia ideca nedacania samaria iminanaica metacuta nucapi iricuise?.

³⁵ Newise macaita niai nasu dionai cali inata ¿nayaca aibanai dios ideyeica yedaca piasu cali nuchaini icha,? ¿cainapina imanica yai waiwacali ichuliadapina jerusalen iminanai nuchaini icha.? ³⁶ Quewa nia weneicaca masanacatania camita nebata isana yacaina rey ideca imaca nali aberi wawasi:" picacue peba isanawa."

³⁷ Nese Eliaquim, yai irica yai HIlcias, iyerica capi iwacalita, Sebna ya itaquerica; yai Joa, irica yai Asaf, yai cronistaca, nacawa Ezequias yatale nabale icacaneriwa iricutawa nacaidaca iri itacai uwi iwitapuca.