¹ "Akan malaikat ungkup ka Efesus tuliskan: Itie am paner Inya am dirigap tujuh metue ka jarie Kanan-Nya lalue am bajalan antara tujuh kakie pelita amas yah: ² Aku ingat uras pegawiemu lalue kauyuhmu umakan karajinmu, ngapa kolai hontae tahan taharap am jahat, lalue kolaie maujie urang-urang am manyokue dirienya rasul,* ta pie sabujurnya urang yah bukannya rasul, lalue baulih amun urangnya palsu. ³ Kolai baulih karajin umakan batahan demi Nama-Ku lalue hontae mangonal uyuh. ⁴ Tapie, Aku kona panermu laie kolai jadie maningal kasihmu am saholunya. ⁵ Laie iyah, ingat mulae manih kolai jatue umakan batobat lalue gawie apa am jadie kolai gawie saholunya. Amun hontae, Aku datang ka kolai umakan maalap kakie pelitamu mulae homannya, kacuali kolai batobat. ⁶ Tapie, itie am kolai hompue: kolai benci akan pengawie-pengawie urang am mauma Nikolaus, am jam kubenci. ⁷ Inya bahompue poning biar am mandongar apa am dipaner Roh*akan ungkup-ungkup. Akan inya am monang, Aku honae mamorie makan mulae Puhun Pahirup am tege ka Taman Hatalla." (Surat akan Ungkup ka Smirna) ⁸ "Lalue, akan malaikat ungkup ka Smirna tuliskan: Itie am paner mulae Awal umakan am Akhir, am jadie matie umakan am bangkit: ⁹ Aku ingat kasusah umakan kamiskinmu, tapie sabujurnya kolai kaya! Aku ingat fitnah am dituju akan kolai laie urang am manyokue dirie urang Yahudi, tapie sabujurnya hontae, tapie sinagoge Iblis. ¹⁰ Hinang golae taharap apa am honae kolai derita. Ilae, setan honae manibar sabagian mulae kolai ka panjara nyaman kolai diuji, lalue kolai maalamie aniayaa palamat 10 arie. Satiae sampai matie, lalue Aku tahue mamorie akanmu mahkota kahidupan. ¹¹ Inya am bahompue poning biar am mandongar apa am dipaner Roh akan ungkup-ungkup. Urang am monang hontae akan manderita laie kamatian am kadua." (Surat akan Ungkup ka Pergamus) ¹² "Lalue, akan malaikat ungkup ka Pergamus tuliskan: Itie am paner Inya am tege pedang tajam bamata dua: ¹³ Aku ingat kamanih kolai tingal, ka homan takhta Iblis berada; tapi kolai barigap akan nama-Ku umakan hontae manyangkal iman-Ku bahkan metuh zaman Antipas, saksi-Ku am satiae am dipatie ka antaramu, homan Iblis tingal. ¹⁴ Tapie, aku manyalue laie tege sabagian ka antaramu am maumae ajaran Biliem, am maajar Balak akan maanae anak-anak Israel*, akan pamuseh am diborie akan imun* lalue mangawie dosae-dosae am hontae sanunuh. ¹⁵ Bera iyah jam, tege sabagian ka antaramu am barigap ka ajaran Nikolaus. ¹⁶ Laie iyah, batobatlah! amun hontae, aku akan lakas datang ka kolai lalue manorang urang honie pedang mulae nyawae-Ku. ¹⁷ Inya am bahompue poning biar am manongar apa am dipaner Roh akan ungkup-ungkup. Akan inya am monang, Aku akan mamorie manna* am mantawue; lalue Aku jam mamorie akannya sabuah batu putih, lalue sabuah nama baharue tatulis ka batu iyah, am hontae saurang am maingatnya kacualie urang am manarimanya." (Surat akan Ungkup ka Tiartira) ¹⁸ "Dan, akan malaikat ungkup ka Tiatira tuliskan: Itie paner Anak Hatalla, am mata-Nya bera nyala apie lalue am kaki-Nya manyalae bera tembaga lalam perapian: ¹⁹ Aku ingat pebgawiemu, kasih umakan imanmu, pengawiemu umakan kassabaranmu, lalue pengawie-pengawiemu am terakhir tie lobih mulae am pertama. ²⁰ Tapie, Aku manyalue laie kolai mambiar labinie Izebel iyah, am mangakue manjadie saurang nabiah, maajar umakan manyosatkan pelayan-pelayan-Ku nyaman bazina lalue mamuseh pamuseh am jadie diborie akan imun. ²¹ Aku jadie mamorienya waktu akan batobat, tapie inya honta honae batobat mulae zinanya. ²² Ilaie, Aku akan manibar inya ka tingie homan tidur panderitaan lalue urang am bazina* dengannya honae Kutibar ka lalam kasusah am bakah, kacuali urang batobat mulae pengawie-pengawie labinie iyah. ²³ Lalue, Aku jam honae mampatie anak-anaknya honie kematian; lalue uras ungkup nyaman maingat amun Aku tie am maujie pamikir umakan hatie urang, lalue Aku jam mamorie kolai masing-masing maumae pengawiemu. ²⁴ Tapie, akan kolai am bukan ka Tiarira, am hontae mauma ajaran itie, am hompan maingat rahasia Iblis, Aku mamaner: Aku hontae honae maanae beban am bukan katingie kolai. ²⁵ Tapie, barigap tarus akan apa am jadie kolai hompue sampai Aku datang. ²⁶ Lalue, akan urang am monang umakan mangawie gawie Ku sampai akhir, Aku honae mamorie kuasa katingie bangsa-bangsa, ²⁷ lalue urang akan mamerintah bangsa-bangsa iyah honie tongkat bosie, konae hancur lobur sama bera tukang pasue, laie Aku jam jadie manarimae kuasa mula Ompai-Ku. ²⁸ Lalue, Aku akan mamorie akannya bintang timur. ²⁹ Inya am mahompue poning biar am manongar apa am dipaner Roh akan ungkup-ungkup."