¹ Uii kolai, urang-urang Galatia am bungul! Sapa am jadie mamuji kolai? Bukan ka paharap mata mu Yesus Kristus diila disalibkan ka paharap urang banya? ² Suti hal am hona aku tanya kakolai, apakah kolai manarima Roh laie manurut Hukum Taurat, atau laie manongar honi iman? ³ Sabungul iyah kah kolai? Kolai jadie manampara honi Roh, apa kolai metuh itie hona maahirnya honi daging? ⁴ Sia-sia kolai bapanyakit am hurau banya bera iyah -- amun memang iyah kasiha-siha? ⁵ Jadie, apa Inya mangaruniakan Roh kakolai lalue mangawi mukjizat kaantara kolai laie kolai manjalankan Hukum Taurat, atau laie kolai manongar honi iman? ⁶ Samah bera Abraham am parcaya ka Hatalla nyaman hal iyah diperhitungkan ka inya sabagai kabujur. ⁷ Laie iyah, ingat amun urang-urang am beriman am dijoku ana-ana Abraham. ⁸ Kitab Barasih, am jadie maingat sahompan iyah laie akan mangona urang-urang bukan Yahudi laie iman, jadie lobih holu mangabar Injil ka Abraham lalue bapaner "Uras bangsa akan dituah malalu kolai." ⁹ Jadie, urang am beriman akan dituah barota Abraham, urang am parcaya iyah. ¹⁰ Uras urang am bagantung ka pangawi Hukum Taurat homan kaloba kutuk, laie tege tatulis: "Takutuk satiap urang am honta patuh kasagala suatu am tatulis lalam Kitab Hukum Taurat lalue mangawinya." ¹¹ Jadie, jelas metuh itie amun honta tege siku am dibujurkan ka paharap Hatalla laie Hukum Taurat, laie "Urang bujur akan hirup laie iman." ¹² Tapie, Hukum Taurat honta didasarkan ka iman. Sabalinya, "urang am mangawi Hukum Taurat akan hirup laie inya". ¹³ Kristus manobus dirie mula kutuk Hukum Taurat honi manjadie kutuk akan dirie, laie tege tatulis, "Takutuklah urang am digantung ka kayu salib!" ¹⁴ Laie tege lalam Yesus Kristus berkat Abraham tahu datang ka urang-urang bukan Yahudi nyaman honi iman dirie tahu manarima Roh am jadie kona janyi iyah. Janyi Hatalla lalue Hukum Taurat ¹⁵ Kawan manyari, aku akan mamori contoh mula pahirup saarie-arie: Amun perjanjian jadie di sahkan, biar pun baya kontrak antarkalunen, honta ara urang am tahu mamalang lalue manamah apa lalam perjanjian iyah. ¹⁶ Wayah itie, tuntang perjanjian am dikesah Hatalla ka Abraham lalue ka keturunannya. Hatalla honta bapaner,"... akan keturun-keturunannya," am manunyu ka banya keturunan,"... lalue ka keturunan hemu," baarti manunyu ka suti urang, iyah am Kristus. ¹⁷ Ka hona ku, Hukum Taurat am timul 430 tahun laie honta tahu dibalang perjanjian am jadie disahkan laie Hatalla. Jadie, perjanjian iyah honta tahu mayan. ¹⁸ Amun warisan didasarkan ka Hukum Taurat, maka warisan iyah honta mula didasarkan mula perjanjian. Tapie, Hatalla menganugerahkannya akan Abraham malalu suti perjanjian. ¹⁹ Jadie, ngapa tege Hukum Taurat? Hukum Taurat dibori laie pelanggaran-pelanggaran, sampai ka keturunanya iyah datang bera apa maksud perjanjian iyah dikaruh. Hukum Taurat dihoni malalu para malaikat honi perantara. ²⁰ Tapie, perantara honta honi mawakil siku urang, padahal Hatalla iyah am suti. Tujuan Hukum Taurat ²¹ Amun bera iyah, apa HUkum Taurat balawan kan perjanjian Hatalla? Mungkin meh honta! Laie, amun Hukum Taurat dibori honi tahu mamori hirup, kabujur pasti baasal mula Hukum Taurat. ²² Tapie, Kitab Barasih jadie manjajar sagala suatu lalue uras urang ka loba dosa nyaman perjanjian laie iman lalam Kristus Yesus tahu dibori ka urang am parcaya. ²³ Sahompan iman datang, dirie ditangkap ka loba Hukum Taurat, ditahan samahkan tawanan sampai iman am akan datang am nyata. ²⁴ Amun bera iyah, HUkum Taurat iyah am panantuani akan dirie sampai Kristus datang nyaman dirie tahu dibujur laie iman. ²⁵ Wayah itie, iman iyah jadie datang. Dirie honta mula mahoni Hukum Taurat samahkan panantuani dirie. ²⁶ Lalam Yesus Kristus, kolai urasnya iyah am ana-ana Hatalla malalu iman. ²⁷ Kolai urasnya am jadie dibabtis lalam Kristus jadie mangona Kristus. ²⁸ Honta ara mula urang Yahudi lalue urang Yunani, hulun lalue urang merdeka, kalaki-kalaki lalue labini laie kolai urasnya suti lalam Yesus Kristus. ²⁹ Amun kolai iyah am hompu Kristus, kolai iyah am keturunan-keturunan lalue ahli-ahli waris samahkan perjanjian.