¹ Mulae Paulus, am jarie rasul hontae laie kalunen atau malalue kalunen, tapie malalue Kristus Yesus umakan Hatalla Ompai dirie am Inya hirup mulae antara urang matie. ² Akan jam, mulae uras kawan manyarie am saiman am barota aku, akan ungkup-ungkup ka Galatia. ³ Pamorie tuntang damai sejahtera akan kolai mulae Hatalla Ompai dirie lalue Tuhan Yesus Kristus, ⁴ am jarie mamorie kan dirie-Nya akan dosa-dosa akan manyalamatkan ⁵ dirie mulae zaman am jahat keken tie sasuai dengan kahona Hatalla tuntangkan Ompai dirie. Akan Inya am kamuliaan akan sapalamatnya. Amin. (Baya Tege Sutie Injil) ⁶ Aku bingung, terlalu copat kolai maningal Inya, am manimaie kolai malalue pamorie Kristus, lalue baulang akan injil am bukan. ⁷ Padahal, hontae arae injil am bukan yah. Tapie, tege babarapa urang am jarie manderoh kolai lalue hona mamutarkan Injil Kristus yah. ⁸ Bahkan, amun kami atawa sikue malaikat mulae surga mamaner akan kolai injil am batontangan dengan apa am jarie kami paner akan kolai, tasumpahlah inya! ⁹ Bera am jarie kami paner sahompannya lalue aku mamanernya mulae, amun tege urang am mamanerkan akan kolai injil am balawan akan apa am jarie kolai tarima, biar am inya tasumpah. ¹⁰ Apa keken tie aku mangaue parsatujuan mulae kalunen atau mulae Hatalla? Atau, apa aku honae manyoba manyonangkan kalunen? Sakiranya aku honae manyoba manyonangkan kalunen, aku hontae nya hulun Kristus. (Pambelaan Paulus akan Karasulannya) ¹¹ Kawan manyarie, aku honae kolai ingat amun Injil am jarie ku paner akan mu hontae nya Injil am dikaruh laie kalunen. ¹² Aku hontae manarimanya mulae kalunen, atau aku belajar mulae kalunen, tapie aku manarimanya malalue pernyataan mulae Kristus Yesus. ¹³ Laie, kolai jarie mandongar akan cara hirupku am lamat mulae agama Yahudi, aku manjera ungkup Hatalla dengan kejam lalue bausaha hona mahancurnyaa. ¹⁴ Aku maju lalam hal agama Yahudi, jauh lobih maju mulae urang-urang sapantar ka antara bangsaku. Aku rajin lalam mamolihara adat istiadat hiya umuh ku. ¹⁵ Tapie, katika Hatalla, am jarie mamisahkan aku mulae lalam porut inayku lalue am jarie manimay aku malalue pamorie-Nya,bakahona ¹⁶ manyatakan Anak-Nya lalam aku nyaman aku ulih mamanerkan Inya ka urang-urang bukan Yahudi, aku hontae langsung maminta saran akan sutie urang. ¹⁷ Aku jam hontae ingkas ka kota Yerusalem akan badapat dengan urang am jarie rasul sahompan aku, Tapie aku langsung ingkas ka wilayah Arab lalue baulang ka kota Damaskus. ¹⁸ Tolu tahun mulae lipas iyah, aku ingkas ka kota Yerusalem akan bakonalan dengan Kefas lalue tingal dengan inya palamat lima bolas arie. ¹⁹ Tapie, aku hontae maila sutie mulae rasul-rasul bukan, kacuali Yakobus, manyarie Tuhan. ²⁰ Aku manyakinkan kolai ka paharap Tuhan amun apa am ku tulis akan mu tie hontae nya dusta. ²¹ Salopas iyah, aku ingkas ka wilayah Siria uma kan Kilikia. ²² Aku hompan dikonal sacara pribadi laie ungkup-ungkup ka lalam Kristus am tege ka wilayah Yudea. ²³ Urang yah rajin mandongar, "Inya, am huran manjera dirie, keken tie inya mamaner kan iman am huran inya hancurkan." ²⁴ Urang mamuliakan Hatalla laie aku.