¹ Sabab, akue hona kolai ingat puna boratnyae perjuangan am jari akue karuhkan akan kolai, lalue akan urang am tege ka Laodikia,lalue akan uras urang am hampan batampai muhae akan akue. ² Tujuankue adalah supayae hatie rang usas tahibur lalue di paumaekan ka lalam kasih supayae urang uras bagorae sabalae kasugih am baasal mulae rahasia Hatalla, inyah am Kristus kanirie. ³ Kalalam Iyae, mantabu sagalae harta mulae kapintar lalue pangingat. ⁴ Akue mamarah hal itie supayae hontae arae urang am akan manipumu akan badebat am didangar tamae akal. ⁵ Sabab, aluh tubuh jasmani kue hontae arae umae kolai, tapie akue umae kolai kalalam roh, lalue akue ramie mailae kadisiplinanmu am baik lalu katoguh imanmu lalam Krstus. (Tarusja Mairing Kristus Yesus) ⁶ Jari, laie kolai jari manarimae Yesus Kristus akan Tuhan, hirupja tarus ka lalam Iya, ⁷ baurat lalue madirie pahirupmu kalalam Iya, toguhkanja imanmu berae apae jari dilajarkan akan kolai,lalue malimpahja umae kan bungi syukurmu. ⁸ Bahati-hatilah supayae hinam tege siku urang jam am mamansu kolai honie kajie patua am kosong lalue manyosatkan, am baasal mulae panguasa hakalunen lalue turun-tamurun roh duniae,lalue hontae bahonie prinsip-prinsip Kristus. ⁹ Sabab,lalam Iyae diam saluruh sipat-sipat kailahian am hirup lalam tubuh kalunen biasa. ¹⁰ Kolai jam manjadi ponuh kalalam Iya, am jari kapalae katingi saluruh pamarintah tuntang panguasa. ¹¹ Lalam Iya,kolai jam disunat, bukan sunat am dikaruh laie kalunen, tapie sunat am dikaruh laie Kristus, iyaham manota tubuh duniawi am badusae. ¹² Lalam baptisan atau pampanie,kolai dikuburkan baumae akan Kristus, lalue jam diharupiekan basama-samah umae Iyae malalui imanmu kalalam kuasa Hatalla am maharupiekan Iyae mulae antara urang am matie. ¹³ Aluh jam holue kolai matie lalam palanggaran-palanggaranmu lalue lalam kaduniawimu am hontae basunat, Hatalla mangaruh mu hirup baumae akan Iyae salipas Iyae maampun saluruh palanggaran dirie. ¹⁴ Iyae jari mambatalkan surat hutang lalue aturan-aturan tuntutannyae am mahalang hubungan antara Hatalla umaekan dirie.Iyae jari mangalapnyae lalue mamakue kannyae ka tingi kayu salib. ¹⁵ Iyae mancabut kaban pamarentah umaekan panguasa, lalu manjadikan urang tontonan am mamalukan laie kamonangan-Nyae ka tingi kayu salib. (Hinam Umae Aturan-Aturan am Dikaruh Kalunen) ¹⁶ Laie iyah, himam mauwah urang manyalahkan kolai laie masalah makanan tamarai atau arie raya kaagamaan,parayaan bulan baharue atau jam arie sabat. ¹⁷ Saluruhnyae iyah bayae bayangan masalah hal-hal am akan datang, tatapie wujud am sabujurnyae iyaham Kristus. ¹⁸ Hinam maubahnyae urang am sanang umaekan maloba hatienyae am palsu lalue manyomah akan malekat-malekat lalue mahakim kolai.Urang berae iyah am suka mahonie sagala pailanyae hal-hal am aneh sampai mangaruh pikiran rang sombong laie carae-carae duniawi. ¹⁹ Urang am berae iyah hontae barigap toguh ka Kristus. Iyae berae kapalae am manahan saluruh tubuh, lalu saluruh tubuh disutikan laie sendi-sendi lalue otot-otot, saluruhnyae batumuh am baasal mulae Hatalla. ²⁰ Amun umae Kristus kolai jari matie mulae roh-roh dunia, ngapae saolah-olah kolai masih takobat laie panguasa dunia,am masih akan aturan-aturan berae iyah: ²¹ "Himam manyoput, himam mansaie koci, himam manyuntue"? ²² Aturan-aturan iyah dikaruh badasarkan parentah tuntang ajaran kalunen. ²³ Aturan--berae iyah memang diilae bijaksana umaekan ibadah am mahonie kahona kanirie lalu loba hatie am palsu samil manyakit tubuh kanirie. tapie saluruh iyah hontae arae artienyae hontae honie mamuaskan hawa napsu duniawi.