¹ Tabe mula Paulus, Silwanus, lalue Timotius, ka ungkup ka Tesalonika lalam Hatalla, Bapa dirie, lalue Tuhan Yesus Kristus. ² Anugerah lalue damai sejahtera akan kolai mula Hatalla, Bapa dirie, lalue Tuhan Yesus Kristus. ³ Kamie harus tarus basyukur ka Hatalla kan kolai, Kawan manyari, lalue memang saharusnya bera iyah. Laie, imanmu batumuh malimpah lalue kasih am kolai hompu kaniri taharap sasama kolai makin bakah. ⁴ Laie iyah, kolai kaniri bapaner rami ku kan kolai kapaharap ungkup Hatalla laie kasabar lalue iman mu katongah uras pangian lalue panyakit am disai mu (Tuntang Penghakiman Hatalla) ⁵ Itie iyah am bukti penghakiman am adil mula Hatalla, laie kolai dianggap rajin akan dangau Hatalla laie kolai samah panyakit. ⁶ Apa lagie, adil kan Hatalla honi mamalas kasalah ka urang am mangaruh kolai panyakit, ⁷ tapie mamori kalapang kan kolai am ditindas, lalue ka kamie, metuh Tuhan Yesus tampa mula surga barota kan malaikat-Nya am dahsyat, ⁸ lalam api am manyala, akan mangruh pambalasan ka urang am honta mangasene Hatalla lalue honta taat ka Injil* Yesus, Tuhan dirie. ⁹ Urang akan mansai hukuman pamati am kekal, jauh mula hadirat Tuhan lalue mula kemuliaan kuasa-Nya ¹⁰ metuh Inya datang akan mmuliakan ka antara urang barasih-Nya lalue dipuji kaantara uras urang am jadie percaya -- laie kesaksian kamie kan kolai dipercaya. ¹¹ Laie iyah, kamie tarus badoa kan kolai, kiranya Hatalla dirie maanggap kolai layak akan panimai mu lalue mamonuh satiap kahona akan dikaruh baie lalue pangawi iman honi kuasa-Nya, ¹² nyaman nama Tuhan Yesus diri dimuliakan kalalam kolai, lalue kolai kalalam Inya, sasuai akan anugerah Hatalla dirie lalue Tuhan Yesus Kristus.