¹ Pamaner iti bujur, ''Amun siku urang bakahona jabatan panilik ungkup, inya hona bagawi am baie.'' ² Laie iyah, panilik ungkup harus urang am honta bacela, laki am siku bini, bijaksana, maguasa diri, kona hormat, rajin mamori tumpangan, lalu tarampil malajar, ³ bukan paminum, bukan urang am kasar tapi lomah lembut, honta rajin bakalahi, lalu bukan urang am cinta duit. ⁴ Inya harus ulih maurus pahirup diri kaniri nyaman baie lalu manyaga ana-ananya nyaman taat lalu rasa hormat. ⁵ Laie, amun inya honta tahu apa ulahnya pahirupnya kaniri, apa ulah inya maurus ungkup Hatalla? ⁶ Hinang inya siku urang patobatan baharu nyaman inya hinang sombong lalu jatu kalalam hukumam iblis. ⁷ Kona tamah mula, iyah harus siku urang am hompu reputasi am baie ka antara urang-urang luar. Nyaman inya honta jatu ka lalam jebakan iblis. (Syarat-Syarat Majelis Ungkup) ⁸ Bera iyah jam diaken, inya harus urang am kona hormat, honta bacabang lilah, honta kacanduan minuman anggur, lalue hontae mangau kauntungan am hontae jujur. ⁹ Urang harus tahu marigap rahasia kabujur iman honie hatie nuranie am barasih. ¹⁰ Urang jam harus konae ujie lobih holue lalue amun tabuktie hontae bacela, urang tahu malayani jadie diaken. ¹¹ Bera iyah jam bini-bini diaken, urang harus urang am konae hormat, bukan pemfitnah, tapi tahu manguasa dirie kanirie lalue tahu konae percaya lalam sagala hal. ¹² Diaken harus laki mulae sikue labini, tahu maatur anak-anaknya lalue pahirupnya kanirie am baie. ¹³ Laie, urang am jadie melayani jadi diaken am baie akan maulih kahormatan akan dirie urang kanirie lalue keyaninan am bakah akan imannya lalam Kristus. (Rahasia Kahormatan Dirie) ¹⁴ Aku baharap tahu lacak datang ka kolai, tapie aku manuliskan hal itie kan kolai amun ¹⁵ seandainya aku telamat, kolai jadie tahu apa ulah urang harus hirup lalam dangau Hatalla, iyah am gereja mulae Hatalla am hirup, tiang suaie, lalue dasar mulae kabujur. ¹⁶ Dirie mangakue bujur bakahnya rahasia kaharotie itie: "Inya, konae nyata lalam daging, konae borie laie Roh, konae ilae laie malaikat-malaikat, konae barita laie bangsa-bangsa, konae percaya lalam dunia, konae angkat kamuliaan."