¹ Mula Paulus, akan manjadie rasul Yesus Kristus laie parintah Hatalla,Juru Selamat dirie , umakan Yesus Kristus, pengharapan dirie. ² Akan Timotius, anae am sah lalam iman. Anugrah ,belas kasih, umakan damai sejahtera mula Hatalla ompaie dirie umakan Yesus Kristus, Tuhan dirie. (Manyalu Malawan Ajaran Sosat) ³ Berae iyah aku maminta ka kolaie katika aku ingkas ka Makedonia, totap diam ka Efesus nyaman kolaie bulih manasehat babarapa urang nyaman pamanya hontae maajar ajaran-ajaran bukan, ⁴ atau mamusat perhatian pamanya akan karadau umakan jereh-jereh am hontae tege pahabisnya. Iyah justru manatangkan basual, hontae manjalan tugas pelayanan Hatalla akan kona gawie laie iman. ⁵ Tapie, tujuan mula perintah iyah am mula kasih am baasal mula hati am murni, nurani am baie, barota iman am tulus. ⁶ babarapa urang jadie mayimpang mula tujuan itie umakan tasosat lalam paner am sia-sia. ⁷ pamanya hona jadie ahli Hukum Taurat, tapie hontae paham apa am pamanya parah atau hal-hal am pamanya yakin. ⁸ Akan tapie, dirie ingat Hukum Taurat iyah baie jakae urang mahoni berae iyah saharusnya. ⁹ umakan kasadaran laie Hukum Taurat hontae kona karuh akan urang bujur, tapie akan malanggar hukum umakan peberontak, urang fasik umakan urang badusa, urang am hontae barasih lalu duniawi, pamanya akan mampatie ompai umakan inaie kanirie, pamatie, ¹⁰ urang asusila akan mangaruh dusa seksual, homoseksual, kona kolit, pangarongka, saksi dusta, umakan sapa am malawan ajaran am sehat, ¹¹ iyah am ajaran Injil akan mulia mula Hatalla Sumber Berkat, am jadie kona parcaya kan aku. (Ucapan Syukur Paulus akan Rahmat Hatalla) ¹² Aku basukur ka Inyae am jadie manguatkan aku, iyah am Yesus kristus, Tuhan dirie, laie Inyae manyoku aku setia umakan mangora aku lalam palayanan itie. ¹³ biar hariah aku urang payumpah serapah, palaie, umakan urang am jahat, tapie aku manarima belas kasih laie hariah aku mangaruhnya hontae paham umakan lalam hontae parcaya. ¹⁴ Tuhan mamori kan aku pamori am banya, barota akan iman umakan kasih lalam Yesus Kristus. ¹⁵ Pamaner itie ulih kona pacaya umakan layak kona tarima urasnyae laie Yesus Kristus datang ke dunia akan manyalamat urang-urang badusa; ka antara pamanya, aku am paling badusa. ¹⁶ Laie alasan itie am, aku baulih belas kasih , iyah am nyaman ka lalam aku, urang am paling badusa itie, Yesus Kristus manunyu kasabaran-Nya am sampurna akan contoh akan pamanya am akan pacaya kan-Nya akan bulih hirup am kekal. ¹⁷ Akan Raja katingie sagala zaman, am kekal, umakan am hontae ilae, Sutie-sutie Hatalla, hormat umakan kemuliaan sampai satarusnya. Amin. ¹⁸ parintah itie di bori ku kan kolaie, Timotius anaku, sasuai akan pesan am basa diborie tuntang kolaie ,umakan pesan iyah bajuang lalam perjuagan am baie, ¹⁹ samil barigap akan iman umakan hati nurani am baie.Babarapa urang jadie manula mangaruhnya sampai kandas iman pamanya. ²⁰ Ka antaranya iyah am Himeneus umakan Aleksander, am jadie disorah akan Setan nyaman pamanya balajar nyaman hontae panyumpah serapah.