¹ Mulae Paulus, Silwanus, lalue Timotius akan ungkup ka Tesolonika, am tege lalam Hatalla Bapa lalue lalam Tuhan Yesus Kristus. Anugerah lalue damai barsamah kolai. ² Kami batarima kasih ka Hatalla akan dirie uras, lalue manyoku kolai lalam doa kamie, ³ lalue maingat pangawie iman, usaha kasih, lalue rajin baharap ka lalam Tuhan dirie, Yesus Kristus, ka paharap Hatalla lalue Bapa dirie. ⁴ Kawan-manyarie am disiha laie Hatalla, ingat laie inya jadie mamilih kolai, ⁵ Laie, Injil * kamie honta datang kakolai lalam paner me, tapie inyae lalam kuasa, lalam Roh Barasia *, lalue percaya ponuh; samah kan kolai di ingat urang-urang samah kan berakan apa kamie tie antara kolai, laie kapentinganmu. ⁶ Kolai jadie urang am manulat kamie lalue Tuhan laie kolai manarima firman lalam banya siha-siha laie suka cita mula Roh barasih, ⁷ nyaman kolai jadie contoh am baie kan urang am percaya ka Makedonia lalue Akhaya. ⁸ Laie, mulae firman Tuhan bargema hontae banya ka Mekedonia lalue Akhaya, bukan nya satiap homan, imanmu ka Hatalla jadie tarsebar sampai kamie hontae perlu mamaner apa mulae. ⁹ Laie, ikam kanirie mamaner tentang kamie, apa ulah kami nyoku kamie, lalue apa ulah kolai babali ka Hatalla mulae barhala-barhala * honie malayan Hatalla am hirup lalue bujur, ¹⁰ lalue honae manantie panatang Ana-Nya mulae surga, am jadie inyae huwas mulae urang matie, inyae am Yesus, am manyalamat dirie mulae murka am honae datang.