¹ Laie iyah, buang uras kagili, uras parongka, uras katamam, uras kahiri, umakan uras paner paru am honta baie. ² Bera onin am harue lahir, honanya kolaie bakahona bungie Tuhan nyaman kolaie hirup salamat, ³ jakai kolaie bujur-bujur mansaie laie Tuhan iyah am baie. ⁴ Metuh kolaie datang ka Kristus, Batu Hirup am honta ditarima laie kalunen, tapie am di pilih laie Hatalla umakan dijoku barogae akan inyae, ⁵ kolaie jam berae batu- batu hirup, am didirie jadie homan dangau rohani, imamat am kudus akan mampersembah kan kurban kurban rohani am basarah akan Hatala malauie Yesus Kristus. ⁶ Laie Kitap Barasih bapaner, ''Laielah, Aku maomah suti batu ka Sion, suti batu panjuru am tapilih kan am mulia, kan sapae ja am percaya kan-Nya hontae akan di pamalukan." Yesaya 28:16 ⁷ Jadi, batu inyah mulia akan kolaie am percaya,tapi kan am hontae percaya, "Batu am di buang laie tukang-tukang bangunan, akan manjadi batu panujuru,'' Mazmur 118:22 ⁸ lalue jadie, "Suti batu pahalang, lalue karang am mangaruh urang jatue." Yesaya 8:14 Urang taruntap laie hontae manulat akan Firman. Inyah am jalan jadi di sariae akan pamanya. ⁹ Jakae, kolaie iyaham bangsa am tapilih, imamat am ranjani, bangsa am kudus, umat ompunya Hatalla kaniri supaya kolaie ulih mangabar am baie-baie-Nya am jadi manimai kolaie maluar mulae am potang manguang am torang-Nya am ajaib. ¹⁰ "Hariah, kolaie bukan umat Hatalla, tapi botie kolaie tie umat Hatalla. Hariah, kolaie hontae manarima asae kasihae, tapie botie kolaie jadi manarima asae kasihan Hatalla." Hosea 2:23 Umae Hirup am Baie akan kamuliaan Hatalla ¹¹ Kulae manyarie am kukasih, aku hona manasehat kolaie berae panatang lalue urang asing ka dunia itie akan manyauh niriemu mulae kahona hawa gonang duniae am bakalahie malawan jiwamu. ¹² Jagae sagala kalakuanmu am baie ka antarae urang am hompan parcaya supayae pabilae pamanya manuduh kolaie berae ngaruh ka jahat, pamanya ulih mailae pangawiemu an baie, lalue kan mamuliakan Hatalla katikae arienya sampaie. Tundukja kan Panguasae ¹³ Honie nama Tuhan, tundukja akan satiap pamaretah am jadie di totap laie kalunen, baie kan rajae atawae panguasae tinggie, ¹⁴ atawae kawan gubernur am disuruh rajae akan mahukum am mangaruh kajahat lalue mamorie marogae urang am baie. ¹⁵ Sabab, itieam kahona Hatalla: kan pangawie am baie, kolaie mamompom sagala pangatahuan urang bunggol. ¹⁶ Hirupja berae urang am mardekae, tapie hinang mahonie kamardekaemu iyah akan am jahat. Sabienya, hirupja jadie hulun-hulun Hatalla. ¹⁷ Hormatja uras urang. Kasihja kan kulae-manyarie am sa iman, gola akan Hatalla, lalue hormat akn rajae. Kaoyoh Kristus akan Taladan Hirup ¹⁸ Kawan-hulun tundukja akan tuanmu honie sagala hormat. hontae bayae akan pamanya am baie hadat bahasae, tapie samah akan pamanya am karas bunggienya. ¹⁹ Sabab, iyah kasih pamorie, iyah suti kasadaran akan Hatalla, saurang hona batahan lalam kaoyoh sansara laie kahontae adil. ²⁰ Sabab, apa upahmu jakae laie katabah kolaie konae kian laie panyalahmu am badusae? Kan tapie, jakae kolaie oyoh laie pangawie am baie lalue kolaie manarimaenya laie katabah, pangawiemu iyah am dikohona Hatalla. ²¹ Sabab, akan iyaham kolaie ditiomaie, laie Kristus bebehjam sansara akan kolaie lalue mamorie kan taladan kakolaie supayae kolaie umae carae-Nya. ²² Inya hontae mangaruh dusae, mayan panyalah manipue hontae arae ka durung-Nya. Yesaya 59:9 ²³ Katikae Inya diolo, Inya hontae malas maolo; katikae Inya dipaoyoh, Inya hontae mangutu, tapie manyorah nirie-Nya akan Hatalla am mahakim sacarae adil. ²⁴ Inya kanirie jadie manangung dusae diriekan tuwuh-Nya kakayu salib supaya dirie matie akan dusae, lalue hirup kanam baie. Laie lukae-lukae-Nya, kaloie barigas. ²⁵ Hariah, kolaie berae tabiri-tabiri am tarus-manarus sosat, tapie botieti kolaie jadie baulang akan am hompue-Nya Sang Gambala Pahaga jiwaemu.