¹ Paulus, ditimai manjadi rasul Yesus Kristus laie kahona Hatlla, lalu Sostenes, manyari diri. ² Akan ungkup Hatalla amtege ka Korintus, akan urang am di barasihkan ka lalam Kristus Yesus,am ditimai akan manjadi urang-urang am barasih barota saluruh urang ka satip homan am nama Tuhan diri Yesus Kristus, baik ka homan urang atawa ka homan diri. ³ Pamorie akan kolai am damai sejahtera mula Hatalla Opai diri umakan Tuhan diri Yesus Kristus. (Paulus Basyukur Akan Hatalla) ⁴ Aku halajur manyoku syukur akan Hatallaku masalah kolai laie pamorie Hatalla am di borie akan kolai kalalam Yesus Kristus, ⁵ baik kalalam sagala hal ,kolai diperkaya kalalam Iya,kalalam saluruh pamaner,lalu saluruh pangingat, ⁶ samah bera kasaksian manahoyu Kristus jadi di kuatkan kalalam kolai. ⁷ Memang bera iyah, kolai hontae akan kakurangan lalam sagala pamorienya samantara kolai manantie panatang Tuhan diri, Yesus Kristus, ⁸ Iya jam manguat kan kolai sampai akan akhirnya nyaman kolai hontae isa pas arie Tuhan diri Yesus Kristus. ⁹ Hatalla iyah satia, am laie-Nya kolai ditimai ka lalam pesekutuan akan Anak-Nya,Kristus Yesus, Tuhan dirie. (Pocah Bolah lalam Ungkup) ¹⁰ Metuh,aku mori nasehat kan kolai kaban manyarie, demi nama Tuhan Yesus Kristus nyaman kolai urasnya mamarah hal am samah supaya hontae arae am pisah biar ka antara kolai, tapi supaya kolai dicukupkan lalam pikiran am samah lalu lalam pandapat am samah. ¹¹ Laie,jadi diparah ka aku masalah kolai, tuntang kaban manyarieku, kaluarga Kloe, laie tege masalah ka antara kolai. ¹² Maksudku metuh itie iyaham kolai am masing-masing bapaner,''Aku umae Paulus,''lalu ''Aku umae Apolos,'' lalu ''Aku umae Kefas,'' lalu tege mulae ''Aku umae Kristus.'' ¹³ Apakah Kristus yah tabagi-bagi? Apakah Paulus disalibkan akan kolai? Atau, apakah kolai dipanie lalam nama Paulus? ¹⁴ Aku basyukur akan Hatalla laie aku hontae mamanie siku pun mula kolai, kecuali Krispus lalu Gayus, supaya hinam arae siku urang jam am bapaner bahwa kolai ¹⁵ dipanie lalam namaku. ¹⁶ Aku jam mamanie saisie dangau Stefanus; salobihnya, aku hontae ingat apakah aku jari mamanie urang am bukannya. ¹⁷ Sabab, Kristus hontae manyuruh aku akan mamanie,urang tapie manyuruh aku mambaritakan kabar baik, bukan honie kapintar bapaner sacara kalunen, supaya salib Kristus hontae jadi sia-sia. (Kuasa Kalunen umakan Kuasa Hatalla) ¹⁸ Laie, tahoyu masalah salib tege am manyoku parongka akan urang ammanuju kabinasaan, tapi akan dirie am disalamatkan, ajaran iyah kakuatan Hatalla. ¹⁹ Sabab,tege tatulis, ''Aku akan mahancurkan kapintar urang bijaksana, lalu kapintar urang am paling pintar, Aku akan mahilanya.''Yesaya 29:14 ²⁰ Kamanihkah urang ambijak? Kamanihkah ahli Agama? lalu Kamanihkah ahli debat metuh iti? hontakah Hatalla jadi mangaruh bungul, kapintar dunia iti? ²¹ Laie lalam kapintar Hatalla,dunia mahonie kapintarnya honta mangenal hatalla,maka Hatalla Hona mahonie kabungul pamaritaan kabar baik akan manyalamat kan ampacaya akan iya. ²² Laie urang-urang Yahudi maminta tanae-tanae lalu urang-urang Yunani mangau kapintar. ²³ Tapie, kamie mambaritakan Kristus am disalibkan, tapie akan urang-urang Yahudi manjadi batu pahalang, lalu akan urang-urang am honta Yahudi,iyah kabungul. ²⁴ Tapi,akan urang amditimai,baik urang-urang Yahudi ataunjam urang-urang Yunani, Kristus manjadi kakuatan Hatalla tuntang kapintar Hatalla. ²⁵ Laie am dijoku bungul mulae Hatalla lobih pintar mulae kalunen, lalu am dijoku lomah mulae Hatalla lobih kuat mulae hakalunen. ²⁶ Ilaeja kaban manyarie, metuh kolai ditimai Hatalla, hontae banyak urang am bijaksana manurut panampai kalunen,hontae banyak am bakuasa,hontae banyak am tapandang, ²⁷ tapi Hatalla jadi mamilih am bungul manurut kalunen honienya mamalue ambijaksana, lalu Hatalla mamilih apa amlomah mulae dunia itie honienya mamaluekan am kuat. ²⁸ Lalu,Hatalla mamilih am hontae tapandang mulae dunia lalu di ilae remeh,bahkan hontae baguna manurut kalunen hontae baarti, ²⁹ supaya satiap kalunen hontae ulih bapangaruh ka paharap Hatalla. ³⁰ Tapie laie Iya, kolai tege kalalam Yesus Kristus, am akan dirie jadikan kapintar kaharoty, tuntang kabujur, kabarasih hatie,lalu panobusan mula Hatalla, ³¹ supaya bera am jadi tatulis, ''Nauhnya urang am maningi arepnya, tapie maningi lalam Tuhan.''