¹ Yanna, de ca guenda roo ni ra'ta' l ca bido': Nana penú" la'anu nápanu guendabia'ani'." guenda riuxpiaani lá rirá, peru guenda ranaxii lá cha'aui tóbi. ² Pa tutica sii naa' deque nannabe xixa lá, laabé que ganadibé pa cayaadxa' ganacha'aubenii. ³ Pa tóbi nadxii Diuxi lá,Diuxi sacabiaa' la'abé. ⁴ Yanna de gootu guendaroo ni ra'ta'lú ca bido' lá: la'anu nanapenú " ti bido' lá guxtii naca nda'anii guidxilayú" nee "gaxtiru xtóbi pa cadi Diuxi sii." ⁵ Necape nannanú nuu' bido', bido de xa ibaa', bido' de guidxilayú, saca nu xtale bido', ne xtale ni runi bishote binii. ⁶ Peru la'anu "napanu tobisii Diuxi, bishozenú, xtibe nga iraá ni ru'yanú, pur la'abe nga nabáninu, ne tobisii xpi xhuaana' n'u Jesucristo, pur la nga náca irá xixee ni ru'yanú, ne pur la nga guyaanú." ⁷ Peru, cadi guiraa' nánna ndi'. Nanna pia', nuu' de la'atu bisisacatu bido', ne gudoca' guendaroo neca nánnaca' gu'tani luu bido', ne gudoca' guendaroo neca nánnaca' gu'tani luu bido'. Ma uca biidi'ca', purti' nabee nauiini xquendabiaanica'. ⁸ Peru cadi guendaroo nga chi guchiña la'anu ranuu' Dioxi. Cadi nácanu ni ma nayuudxu' pa que guidoono, nin ca ni ma risáca pá guidoono. ⁹ Peru lagápa la'atu, cadi pur tisi sunda gúnitu ni naatú, gacani ni usába tobi de laatú ni que suhuaa cha'qui lu neza' di'. ¹⁰ Yanna pa chu'tu gu'ya laatu, tobi ni ma nánna, cayóto ti guendaroo ndaani yu'du' xti ti bido'. ¿raabú xguendabiaanibe que rucaa' laabe góbe ni ma gu'ta lu bido' la? ¹¹ Yanna pur lii' ni ma nanu' padé seeda' ca' bido', saniti ni que suhuaa chaaui, biichilu' ni Cristo guti' pur laa'qué. ¹² Ne sacaa, de ora laatú rucheenetuca bi'chitu nee guninátu guendabaaniuiini' xtiica', la'atu cuche'enetu Diuxi. ¹³ Yanna, pa guendaroo ca' gacanii ni gusába biche', naa ma que siuú dxi gahua' beela. Ti ma que pur gunni naa' biche' guiába'.