¹ Ilawilik te chajb xk'uxul yot'an tajtojoltik tej tatik Diose te bit'il xnich'anotikix Dios, yu'unix jo'otikixa in to, ja' ta swenta, te balumilal ma sna'batikbaix, melel ma' la snabeysbaik te Diose. ² Ja' ex te k'uxex taj kot'ane, yotik xnich'anotik me ix te Diose, sok ma to xk'ot na' el stojol te beluk ay ta jtojoltik, yaj na' tik te k'alal ya xchiknajtel te Cristo, jich ya xk'ootik te bit'il stalele, melel yaj kitik te bin stalele. ³ Spisil te mach'atik jun ya't'anik ta stojol, sok te ya k'ojik ta sk'ab te xkuxinelike lekubenikix k'o'em jich bit'il te lekix stukele. ⁴ Spisil te mach'a ya sle smul yakta spasel te beluk ma stak' spasixe, melel te mulile ma xch'uun te beluk stojile. ⁵ Ja'ex ja na' ojik te Cristo yak'oj ta na'el stojol te ja' ya sk'ej spisil te mulile, sok ta swenta mayukix mulil. ⁶ Mayuk te mach'a ayix ta stojol ya spas xan te mulilitike. Mayuk te mach'a yak spasel mulil yilojix sok ma ba sna'ojbey sba. ⁷ Jich'nab ja'ex te k'uxex ta jkot'ane, ma xa wak'ik te ya yak'ex ta ch'ayele. Te mach'a ya spas te slekile toj me, jich bit'il te Cristoe toj me stukel. ⁸ Te mach'a ya spas te mulile ja' me yu'un pukuj, melel te pukuje yalemta mulil k'alal xjajch'ibal. Melel ja' ta swenta te xnich'an Dios ak'bot yil, ta swenta te ja' ya slajinbey yat'el te pukuje. ⁹ Te mach'a ainem ta stojol Dios ma stak' spasix muliletik, melel te awlil yu'un Dios ts'umbilix ta stojol. Ma stak' te ya spas xan mulil melel ainem ta stojol Dios. ¹⁰ Ta swenta into te xnich'nab Dios sok nix te xnich'ab te pukuj chikan ye yak' sbanik ta ilel. Mach'atik ma snop te beluk lek yu'un te Dio, ja' nix jichuk aa ta: stojol te mach'a ma sk'an te yermanoe. ¹¹ Melel ja' in k'op te la wayikix stojol ta xjajch'ibal: Te ya sk'an k'ux yaj kaybatik ta tulutul. ¹² Ma' jichuk te bit'il Cain te ja' amene la smil te yijts'ine ¿bistuuk te la smile? melel ma ba lek te yat'ele yan stukel te yu'un yijts'ine lek stukel. ¹³ Ma' me cham xa wayik kermanotak, te me ma sk'anatik te ants winike. ¹⁴ Jna'ojtik te k'axematikix ta lajel ta kuxinel melel k'ux ya jkaytik te jkermanotaktike. Spisil te mach'a ma xk'anwane ay me ta lajel. ¹⁵ Te mach'a ya skantroin te yermanoe milaw me k'oema bi. Ja jna'ojik me te mach'a ya xmilwane ma me ayuk skolel, sbajt'el k'iinal nainem ta stojol. ¹⁶ Ta swenta jna'ojtik te k'ux at'ane melel te Cristoe la yak te xkuxinel ta jtojoltik jichotiknix ya sk'an yaj kak'tik tej kuxineltik ta stojol te jkermanotaktike. ¹⁷ Ja'uk meto te beluy lek yax ain yu'un ta balumilal ya yil te ay swokol te yermanoe ya smuk ta yot'an sok te ma skoltaye ¿bit'il ay ta k'anel yu'un Dios a bi? ¹⁸ Jnich'nab te k'uxex taj kot'ane manchuk me k'ux yaj kaybatik ta jk'optik nax ni ja'a knax taj ketik, ja'ukme te smelelil yaj pastike. ¹⁹ Ja' uk meto ja' yaj na'tik te jo'otik te smelelile, jok te ja yaj k'ak'tik te jko't'antik tastojole. ²⁰ Melel te me ja' tej ko't'antik te yak'otik ta k'abale, te Diose ja' xan muk' te bit'il jkot'antike sna'aj spisil te beluk aye. ²¹ Ja'ex te k'uxex taj kot'an te me ja' tej ko't'antik te ma yak'otik ta k'abale, jun me jk'ot'antik ta stojol te Diose. ²² Spisil te beluk ya jk'antike, ja' me ya yak'batik stukel melel jk'ejobeytik te mantaliletik yu'une sok ya jpastik te beluk ya smulan stukele. ²³ Ja'ito ja te Mantaliletik: Te ayuk xch'unjel jko't'antik ta stojol te sbill te xnich'ane Jesucristo sok te yakuk jk'anbatik ta tulu tule, jich tebit'il la yak'botikix te mantaliletik yu'une. ²⁴ Te mach'a ya sk'ej te mantaliletik yu'un Dios stalel me ay ta stojol sok nix te Diose ay me taj tojoltik. Ja' yaj na'tikte ayix ta jtojoltik, ta swenta te Espiritu la yak'botike.