^{13 14} 13 Gedeón, xkgawasa Joás, kitaspitlí nak pulatalatlau chu titaxtulh nak Heres. 14 Wa tatanokgli chatum kgawasa xa lak pulataman Sukot chu kgalskinilh.Chu ama kgawasa maxkilh anta niku xtatsokgni xtakuwinikán amakgolh tutumpuxamakutujún lakchixkuwen wanti lakan xtayana nak Sucot ^{15 16 17} 15 Gedeón alh niku xwilakgolh ama lak chixkuwen xla Sucot chu kawanilh; '' Kaukgxtit Zeba chu Zalmuna, xpalakata wixinan ki likgalhkamanantit chu wantit; '¿ mi makan wilakgolh Zeba chu Zalmuna? Ni katsiyau par nak kamawiyau mi maktakgalnanín.''' 16 Gedeón chipalh ti lakan xtayana nak ama pulataman chu ka kgalhiakgastakgyawalh ama lak chixkuwen xla Sukot akgtúm akgstu kiwi wantu xkgaliy lhtukún chu xpaken kiwi wantu slajaja xwantit xa lak kaskagni tiyat . 17 Chu lak tlawalh ama pumak takgalni nak Peniel chu kamakgnilh amakgólh lak chixkuwen xa lak ama pulatamam. ^{18 19} 18 Alistalh, Gedeón wanilh Zeba chu Zalmuna; '' ¿ Lakuntla xtasikgoy ama lak chixkuwen tiku kamakgnitit nak Tabor?'' Ama kgalhtinakgolh.'' Lakuntla tasiyá wix nachuna amakgolh xtasikgoy. Chatunu xlakan xtasikgoy xlak xkgawasan xla chatúm puxku. 19 Gedeón wa; '' Amakgolh kinatalakán xwanit, xlakg kgawasan ki nana. Kalatamalh kim PUCHINA, par wixinan nix timaknitit kinatalán akit ni xak tikamaknín. ^{20 21} 20 Chu wanilhJeter ( xkgawasa xapuxku ); ''¡Kataki chu kakamakgni!'' Chu ni maxtulh spada xapalaka xmakpuwama, ka akgtsu kgawasa xwanit. 21 Zeba chu Zalmuna wankgolh; ''¡ kataki wix chu ka ki lamakgniw!'' wa uma xtaskujut chatúm chixku tiku kgaliy litliweke.'' Chu Gedeón takilh chu makgnilh zeba chu Zalmuna. Nachuna chipalh wantu xtapixnukgoy camellos xtasiyuy la itat papa'. ^{22 23} 22 Alistalh, lak chixkuwen xalak Israel wanikgolh Gedeón; '' Kapuxnujnanti nak kilakstipankán, wix min kgawasa chu min tanat- xpalakata wix kilalak'maxtunitaw nak xmakan Madianitas. 23 Gedeón kawanilh; '' Akit ni par kin kgawasa xa puku kakj tiwaw mi lakatinkán . PUCHINÁ na mapeksinan nak mi lakatinkán. ²⁴ Gedeón kawanilh; '' Kamastatit talakaskin nak kaskiniyan litlan; chatunu wixinan kaki la maxiw akgastujut wantu kgalih xtapalh wantu xli tanitantit.'' ( Chu madianitas xkgalikgoy akgastujut wantu xkaliy xtapalh xpalakata ismaelitas xwankgonit.) ²⁵ Chu xlakan kgalhtinankgolh: "Xlakan mamigolh aktum lhakat chu chatunu, chatunu lak chixkuwen mamigolh akgastujut wantu xkgalhiy tapalh tu xlimikgonit.