^{1 2} Xlama chatúm chixkú anta xakasipijni tiyat xla Efraín, chu xtakuwini wa Micaía.2 Xlá wánilh xtsé: "ama akgtúm mil akgtúm ciento túmin xla plata tu tamajkgalhánkgon, chu limakapi lixkán tachuwín, chu akit kgáxmatli-- ¡akit kgalhí amá túmin xla plata. Akit kgalhanít."Xtsé wánilh: ¡Wan PUCHINA kasikulnálin kin kgawasa!. ^{3 4} 3 Xlá puspitnilh xtsé akgtúm milh akgtúm ciento túmin xla plata chu xtsé wá: akit kmapitsilh ama plata xla kin Puchiná, laki chuná kin kgawasa na xwáka tatlawamakgxtu chu tamakanítlaw xla likan. Chuna lachiyu, kpuspitniparyán".4 Akxni xlá puspitnilh xtumin xtsé, chuná xtsé tiyalh akgtuy ciento túmin xla plata chu línilh chatum tiliskuja likan chu tlawá tatlawamakgxtu chu tamakanitlaw , chu wilikgolh nak xchik Micaía. ^{5 6} 5 Tama chixkú Micaía xlitsamá xchik tatlawamakgxtu chu xlá titláwalh maktúm lhákgat,chu tamakanítlaw xalak xchik,chu limaxtulh xkgawasa na skujní xtatlawamakgxtu. 6 Amá kilhtamakú nix'anan púxku nak Israel, chu putúm xtatlawá wantu xtalakpuwán pí tlan nak xlakatinkán. ^{7 8 9} 7 Xláma chatúm kgawasa xalak Belen anta nak Judá, xlitalakgapasni Judá, chatúm levita xwanít. Xlá antá tamakgxtakgli chu namakgantaxti wantu xlitláwat. 8 Ama kgawása táxtulh nak Belén xla Judá chu álh putsá niku nalatamá.Akxni xlá xtlawáma, xlá chálh nak xchík Micaía anta najkasipijni xlá Efraín.9 Micaía tiwanilh: "¿niku wíx tanápi?"ama kgawasa wánilh: "Akit chatúm Levita xalak Belén xla Judá, chu ktláwama lata niku nak takgasa tlan nak latamá. ^{10 11} 10 Micaía tiwánilh : kintatamakgxtakgti, chu wix kin tlat kalitaxtu chu kskujni kintatlawamakxtu. Akit nak maxkiyan majkaw tumin xla plata lata akgtum kata, lhákgat chu liwat."Chuná amá Levita tánulh nak xchik. 11 Ama Levita lu xpaxawanít xwí nak xchik ama chixkú chu amá kgawasa litaxtulh la chatúm xkgawasa Micaía. ^{12 13} 12Micaía tunu taskújut lilaksakli, chu amá kgawasa skujnilh xtatlawamakgxtu ,chu antá xwi nak xchik Micaía. 13 Chuna Micaía wá: "Lachiyú PUCHINA na kilisikulhnátlawa, xpalakata yuma Levita naskujní kin tatlawamakxtu."