¹ Alistalh xla Abimelec, takilh Tola xkawasa Púa, xkawasa Dodo, chixku xla Isacar tiku latamalh nak Samir nak sipi xla Efrain, tiku xama malakgtaxtuy Israel. ² Xla putsanil Israel puxamatutu kata. Nilh chu magknukalh nak Samir. ³ Jair Galaadita xa puxku wa. Chu maputsalilh Israel puxamatuy kata. ⁴ Waxa khalilh puxamakáw xlag kawasan tuku xkegtolekgoy puxamakáw burros xla kan xkalikgoy puxamakáw pulatamat nak katiyatni xla Galaad, xwanikan Havot Jair hasta lauku. ⁵ Jair nilh chu magnukal nak Camón. ⁶ Pulatamat xla Israel stukukolh tlawaparkgoy tuku ni xa tlan nak xlakatin PUCHINA, laka chix kuwikgolh Baales, Astarod, chu xdioskan xla Aram, nachuna xdioses xla Sidón, dioses xla Moab, dioses xa lak pulatamat Amón chu dioses xla Filisteos. Ama maxtatkgolh PUCHINA chu niel laka chix kuwikgolh. ⁷ PUCHINA lanka sitsilh lata Israel tuku xtlawanit chu mastakalh lak Filisteos chu xma kankan Amonitas. ⁸ Xlakan xlipumakgolh chu lanka makgawikgolh xpulatamat Israel ama kilhtamaku agkusayan kata xlakan kgamakgapatinakgolh xliputum pulatamat xla Israel tiku xwilakgolh xa akilhtutu Jordán nak katiyatni xla amorreos, Galaad. ⁹ Chu amonitas patakutkgolh Jordán xamakgolh taratlawanakgoy Judá, chu Benjamín chu nak xchiki Efraín, chu Israel lu tuwa patinakgol ¹⁰ Chu pulatamat xla Israel akaxkuwilikgolh PUCHINA chu wanikgolh, ''Akinan xlikana tlawanitaw tu ni xa tlan nak min lakatan, maxtakgnitao kin PUCHINAKAN chu laka chix kuwikgolh Baales.'' ¹¹ PUCHINA wanil pulatamat Israel, '' ¿ Ni akit malakgtaxtunitan xmakankan Egipsios, chu Amorreos, chu Amonitas, chu Filisteos ¹² nachuna Sidoneos?'' Amalecitas chu Moanitas akan lanka makagwikgolh chu wixinan ki akaxkuwilikgotit chu akit lakgmaxtunita nak litliwakge. ¹³ Chu wixinan ki maxtaktit chu laka chix kuwitit a chatuu dioses. Chu akit niel nak malakgtaxtuyan. ¹⁴ Kapitit chu ka akaxkuwilitit mi dioskan tiku wixinan laka chix kuwinatit. Kamaxtakgtit amakgolh nak lakgmaxtuyan akan wixinan na tawalayatit nak takg lhuwit ¹⁵ Pulatamat xa lak Israel wanil PUCHINA, ''xlikana makg lhakgalhinanitaw. Ka ki tlawao lata wixh malh kaxiya. Man wa uma xkiniyan ka ki lakgmaxtuy uma kilhtamaku. ¹⁶ Chu mapanukalh xdioses tiku laka chix kuwamakgolh chu stukukgolh laka chix kuwinakgoy PUCHINA. Chu PUCHINA niel ugxputum tama lak chixkuwen patinankgoy. ¹⁷ Alistalh Amonitas, tamashtumikgolh chú tawilakgolh nak Galaad. Chu Israelitas tamashtumikgolh chu tawalakgolh nak Mizpa. ¹⁸ Xa puxkukan xla ama pulatamat xla Galaad wanimakalh chutunu chatunu, ''¿ Tiku ama chixku tiku na matsukiy lataratlaw amakgolh Amonitas? Xla na litaxtuy xa puxku xli pax tiku xtawilanalh nak Galaad