¹ Awenchu akan tinilh Josúe, wa xkachikin Israel tikgalskilh PUCHINÁ: ''¿tinta pulna nakalakatawkgay cananeos kimpalkatakan lakimpi nakatalatlawkgoyaw?'' ² WA PUCHINÁ tiwa: '' Judá nalakatawkaninan. AKIT kamakamaxkinit uma tiyat.'' ³ Wa xtachixkuwitat Judá kawanikgolh xtachixkuwitat Simeón, xnatalan: ''Katantit nak tiyat tu kinkamakamaxkikan chu makgxtum tlan nakatalatlawyaw nakalakatawkgayaw cananeos. Nachuna kinin lakxtum najkatanan nak mimpultamankan wantu kamakamaxkikantit. chuna nchu xlitalakgapasni Simeón katalh. ⁴ Wa xtackixkuwitat judá lakatawkanakgolh, chu wa PUCHINÁ kamaxkilh nakatlaja amá cananeos chu ferezeos. Makgninankolh akgawmilh tixlakan nak Bezec. ⁵ Takgska Adoni Bezec nak Bezec, chu talatlawkgolh na titlajakgoka Cananeos chu Ferezeos. ⁶ Wampi wa Adoni Bezec tsalalh, chu akstalanikgolh chu kachipaka, kachukunika xa kgachu laktsu xmakankan chu xtantunkan. ⁷ Adoni Bezec tiwa: ''tutumpuxamakaw napuxkun, chu xa lakgachu laktsu xmakankan chu xtantunkan kachukinikga, xmakikoy xliwatkan xtámpin anta niku kwayán. Nachuna kit laktlawalh, nachuna PUCHINÁ tlawanit kimpalakgata. ''liminka nak Jerusalén chu nilh anta. ⁸ Chu xtachixkuwitat Judá talatlawkgolh xkachikin Jerusalén chu timakglhtinakgolh. Tilalkatawkakgolh xlistakaka spada chu lhkuykgolh kachikinin. ⁹ Awencho uma, xtachixkuwitat Judá taktakgolh chu talatlawakgolh cananeos tixwilkgolh kakiwin, nak Neguev, chu nak sipi ni tsankgay chichini. ¹⁰ Judá chunaku xkatalatlawama cananeos tixwilakgolh nak Hebrón ( wa xtakuwini Hebrón xa lipulna xwanikan Queriat Arba), chu makgatlajaka ama Sesai, chu Ahimán chu Talmai. ¹¹ Anta nchu, xtachixkuwitat Judá chunaku xkatalatlawama tixlamakgolh nak Debir ( wa xtakuwini Debir xa lipulna xwanikan Queriat Séfer). ¹² Caleb tiwa: '' Wa ti nalakatawkay Queriat Séfer chu nakgchipay kachikin, nak maxkiy Acsa, kintsumat, lakimpi xpuskat natlaway.'' ¹³ Otoniel, xkgawsa Quenaz, (wa xtala xa taju Caleb) chipalh Debir, chuna ncho Caleb maxkilh Acsa, xtsumat, chu xpuskat tiwa. ¹⁴ Lu lakapala Acsa lakgchalh Otoniel, wa xla wanilh pi kaskinilh xtlat akgtum tiyay. Axni aku xtakgtama nakx axnu, Caleb kgalskilh: ''¿Tuku tlan naklimakgtayayan?'' ¹⁵ Wá tiwánilh: ''Kakimxki akgtum tasikulnátlaw. Xpalkata aya kimaxkinita xa tiyat Neguev, nakakimaxki anta ni taxtuma chuchut.'' Chuna ncho Caleb timaxkilh niku xtaxtuma pakgajxtu chu xa lakgaju. ¹⁶ Chu xkilhtsukut ceneo xtlat xpuskat Moisés, talakakxtókolh xa kachikin Palmas chu xkgachikin Judá, xa kaskgakgni tiyat nak Judá wa amá Neguev, chu anta natawlakgoy kachikin xla Judá lakgatsu nak Arad. ¹⁷ Chu xtachixkuwitat judá katankgolh xtachixkuwitat Simeón, xnatalan, chu lakatawkakolh cananeos tixwilakgolh nak Sefat chu putum ti masputukgolh. Wa xtakuwini kachikin xlitapakuwi Horma. ¹⁸ Wa xa kachikin Judá na chípalh Gasa chu xa tiyat tu xwi xkilhapanin, chu Ascalón xtiyat chu xkilhapanin , chu nak Ecrón xtiyat chu xkilhapanin. ¹⁹ WA PUCHINÁ xkataláma xkgachikin Judá chu kamakgtayalh makglhtinankgolh tiyat xakasipigna, wampi nilay katamakaxtukga tixlamakgolh xa kaxtum ,xpalakata wá xlakan xkgalhikgoy xputlawkan xla likan. ²⁰ Hebrón timakamaxkika Caleb ( chuna xwanit Moisés), chu xla katamakxtulh kgalhtutu xkaman Anac. ²¹ Wampi wa xkachikin Benjamín ni katamakxtulh jefuseos tixlamakgolh nak Jerusalén. Chuna nchu jefuseos wilakgolh xa kachikin Benjamín nak Jerusalén lanchiyu kilhtamaku. ²² Wa xchik José takaxtawilalh laka na'an lakatawkay Betel, wa PUCHINA anta xkatawi. ²³ Wa xlakan kamalakgachakgolh lakchixkuin ti naskgalhnakgoy nak Betel (wanta xwanikan xapulna Luz). ²⁴ wa skgalnanin ukxilhkgolh chatum chixku ti xtaxtumacha nak kachikin, wanikgolh: ''Katlawa litlan, kakinkamaukxilhni, nantla tlan tanukan nak kachikin, cho kinin nitu ktikatlawnin''. ²⁵ Wa xla kamasiynilh akgtum tiji ninta xlaktanukan nak kachikin. Wa xlakan lakatawkakgolh kachikin xlinkgoy spada nak xmakankan, ampi lakaskinkgolh xla chixku cho pogtu xlitatilakgapasni natsalkgoy. ²⁶ Wancho chixku alh nak xtiyat Hititas cho kaxtlawalh agtum kachikin cho limapakwilh Luz, lanchiyu waku litamapakwiy. ²⁷ Wa xkachikin Manasés nitu katamkaxtulh ti xwilkgolh nak xkachikin Bet Seán cho laktsu xkachikin, cho xla Taanac cho laktsu xkachikin cho tixwilkgolh nak Dor cho laktsu xkachikin, cho ti xwilhkgolh nak Ibleam cho laktsu xkachikin, cho ti xwilhkgolh nak Menguido cho laktsu kachikin, xpalakata am wa Cananeos tenksa xlakapastak'kgonit am anta natawalakgolh nak tiyma tiyat. ²⁸ Akan wa Israel tlakg tliwkga tawi, wa xlakan akgtliwkga kamaskujukgolh cananeos, tliwkga taskujut tikamaxkika, cho nixniku putum tikatamkaxtuka. ²⁹ Efrain nitikatamakaxtulh cananeos ti xwilakgolh nak Gezer, wancho cananeos chunku anta ti tawlakgolh nak Gezer nakxlakgstipankan. ³⁰ Zabulón nititikatamakaxtulh tachixkuitat ti xwilkgolh nak Quitrón, nipalhwa ti xwilkgolh nak Naalal, wancho cananeos chunku xwilkgolh nak xlakgstipankan, ampi wa cho Zabulón akgtliwkga kamalakskujulh, cananeos. ³¹ Aser nititikatamakaxtulh tachixkuitat ti xwilkgolh nak Aco, nipalhwa ti xwilkgolh nak Sidón, nilpalhwa ti xwilkgolh nak Ahlab, Aczib, Helba, Afec, cho Rehob. ³² wancho xlitalakgapsní Aser titawi nak xlakgstipankan cananeos, xpalkata ampi nitikatamakaxtuka xlakan. ³³ Wa xlitalakgapasní Neftalí nitikatamakaxtulh ti xlamakgolh nak Bet Semes, nipalhwa ti xwilhkgolh nak Bet Anat. Wancho xlitalakgapasní Neftalí tilatamalh nak xlagstipankan cananeos. Wa Neftalí tliwkga taskujut tikamaxkilh wanti xwilakgolh nak Bet Semes cho Bet Anat. ³⁴ Wa amorreos kamalakgachalh xlitalkgapasni Dan, nata'an talatamay nak kasipigna, cho niti kalkaskinka nataktakgoyacha nak xakaxtum. ³⁵ Wancho amorreos titawlakgolh nak Monte Heres, nak Ajalón, cho nak Saalbim, ampi wancho xmakgtakgalhnanin xlax xchik José akgchipwalikgolh, cho wa xlakan akgtliwkga tika maskujuka, tliwkga taskujut tikamaxkika. ³⁶ Wa takilhpastukat xla amorreos xtitaxtuy nak laktsu sipi xla Acrabim nak Sela, anta xkichan nak kasipigna.