¹ wa chu PUCHINÁ wanilh Moisés; ''chu wix naukxilha wantu akit nak tlawani wa Faraón. wix naukxilha uma, wampi wa xla nakamakgaxtekgan ka xpalakata kilimakgatliwekge. ka xpalakata xlitliwekge ki makan, wa xla nakatamakaxtuyan xkatiyatna. ² Dios tachiwinalh Moisés chu chune wanilh ; Akit PUCHINÁ . ³ Akit kattasininit wa Abraham, wa Isaac chu wa Jacob lantla Dios ti kgalhiy xlipaks litliwekge; wampi kintakuni , PUCHINÁ , akit ni xkilakgapaskgoy xlakan. ⁴ Akit katatlawa aktum talakaxlan xpalakatakan , xpalakata pi wa nakamaxkiy tiyat xala Canaan, tiyat tani ni anta xtapeksikgoy, nak katiyatna anta ni kajxmakgtawilapulakgoy. ⁵ wampi nachuna , akit kgaxmatnit xtakatsanawatkan Israelitas wanti amakgolh Egipcios ti kachinit , chu wa klilakapastakma kintalakaxlan. ⁶ wa kliwaniyan, kakawani Israelitas: Akit PUCHINÁ . Akit nakatamakaxtuyan lantla tachin wilatit xmakan Egipcios , chu akit nakalakgmaxtuyan nak xlimakgatliwekge, . Akit nakalakgmaxtuyan laki pi nak kalimauxilhni kilimakgatliwekge, chu laktlanka kiliakgastakyawan . ⁷ akit nak kaliminan kilakatin wixinan kilakgskgatan , chu akit miDioskan . wixinan nakatsiyatit pi akit MINPUCHINAKAN DIOS , wa ti katamakaxtun lantla tachin xwilatit xmakankan Egipcios ⁸ akit nak kalenan nak katiyakna wan tu kalitayaninit Abraham, Isaac chu Jacob . akit nak kamakamaxkiyan lakimpi milakan nawan . Akit MIMPUCHINAKAN . ⁹ Akxni Moisés kawanilh uma Israelitas , wa xlakan nikgaxmatnikgolh xpalakata xtaxlawanitkan lantla snun xkamakgapatinamakalh . ¹⁰ PUCHINÁ xakgatlilh Moisés chu wanilh: ¹¹ "kapit chu kawani Faraón, mapekgsina xalak Egipto, kakamakgaxtakgli chu kakamakalh ama chixkuwin xalak Israel nak xkatiyatna" ¹² Moisés wanilh PUCHINA:''wampi wa Israelitas nikinkgaxmatnikgolh akit, ¿lantla chu Faraón nakinkgaxmatni, wampi akit nilulay kchiwinan?". ¹³ wa PUCHINA xakgatlilh Moisés chu Aarón. wá kamaxkilh limapeksin xpalakatakan Israelitas chu Faraón , mapekgsina xalak Egipto, laki pi natamakaxtukgoy Israelitas nak xtiyat Egipto. / ¹⁴ Wá uma xwankgonit xakgxakga xchiki xtlatikan; xkamanan Rubén , xapuxku xkgawasa Israel, wa umakgolh , Hanóc, Falú , Hezrón chu Carmi. wa uma xwankgonit xkilhtsukut Rubén . ¹⁵ xlakgawasán Simeón wa umakgolh, Jemuel , Jamín , Ohad , Jaquín , Zohar , chu Saúl, xkgawasa chatum puskat Cananea. wa uma kamanan xkilhsukut Simeón. ¹⁶ Unu wilakgolh xtakuwinikan xlakgawasan Leví, xliputum xlikilhtsukun. Amakgolh wa xwankgonit Gersón, Coat chu Merari. Leví latamalh akgtumciento akgpuxamakutujun kata. ¹⁷ wa xlakawasan Gersón xwankgonit Libni chu Simei. ¹⁸ xlakgawasan Cohat xwankgonit Amram, Izhar, Hebrón chu Uziel. Cohat latamalh akgtumciento akgpuxamakututu xkata . ¹⁹ wa xlakgawasan Merari xwankgonit Mahli, Musi. Wa uma litaxtukgolh xakgxakga xlikilhtsukun Levitas, xlipaks xlikihltsukun. ²⁰ Amram tatapuchawalh Jocabed , xtalatsumat xtlati . Wa xla malakachinilh Aarón chu Moisés . Amram latamalh akgtumciento akgpuxamakutujún kata chu nilh . ²¹ wa xlakgawasan Izhar xwankgonit Coré , Nefeg chu Zicri . ²² wa xlakgawasan Uziel xwankgonit Misael , Elzafán chu Sitri. ²³ Aarón tatapuchawalh Eliseba, xstsumat Aminadab , xtalatsumat Naasón. wa xla tikalhilh Nadab , Abiú, Eleazar chu Itamar . ²⁴ wa xlakgawasan Coré xwankgonit Asir , Elcana chu Abiasaf . Wa umakgolh xwankgonit xakgxakga xkamanan Coerítas. ²⁵ Eleazar , xkgawasa Aarón , tatapuchawalh chatum xstsumat Futiel . wa xla timalakachinilh Finees. Wa uma xwankgonit xakgxaka chiki xtlati wanti xwilakgolh xlakgstipankan Levitas, xliputum wanti xlikihltsukun xwankgonit. ²⁶ wa uma chati chixkuwin xwankgonit Aarón chu Moisés wanti PUCHINÁ tikawanilh: katamakaxtutit Israelitas xtiyat Egipcios, wa kakamamakxtumi ti katsikgoy taratlawanankgoy . ²⁷ Aarón chu Moisés tachiwinankgolh Faraón , mapekgsina xalak Egipto, laki pi nakamaxki talakaskin natamakxtukgoy Israelitas nak xtiyat Egipto. Watiya umakgolh Moisés chu Aarón . ²⁸ akxni PUCHINA tachiwinalh Moisés nak xtiyat Egipto, ²⁹ wa wanilh ; akit PUCHINA. Kawani Faraón , mapeksina xalak Egipto, putum tu akit nak waniyan. ³⁰ wampi Moisés wanilh PUCHINA; Akit ni lu lay kchiwinan, ¿tu xpalakata Faraón na kilikgaxmatni.