¹ Wa PUCHINÁ wanilh Moisés: "Kachukú maktiy pakglhat xla chiwix lantla xwanit xapulana. Akit nak tsokga nak pakglhat xla chiwix tachuwin wantu xtatsokgnit nak xapulana, pakglhat wantú wix lakgpakglhtí. ² Chakatsiya kakgalhi chali tsisa chu katawaka nat sipi anta Sinaí, chu katalakatsuwi nak kilakatin nak sakgspun sipí. ³ Ni tiku achatúm tlan natatokayan. Ni kamasta talakaskin tiku natasiyayacha xlikalanka ksipi. Ni kalhnilos ni wakas tlan na putswanakgoy xlakatin nak sipi. ⁴ Chinachu Moisés chukulh maktiy pakglhat xla chiwix lantla xwanit xapulana; chu takilhtsisa chu tokalh nak sipí xla Sinaí, lantla PUCHINÁ xlimapakgsinit. Moisés lilh pakglhat xla chiwix. ⁵ Wa PUCHINÁ taktalh nak kapuklhnin chu anta tayalh nak xlakatin Moisés, chu wa ama takuwini PUCHINÁ. ⁶ Wa PUCHINÁ titaxtulh nak xlakatin xla chu wá: "PUCHINÁ, PUCHINÁ, Dios xalakgalhamanina chu tlan likatsí, lakgasiyu sitsi, chu lu tlan makgantaxtiy xatalak'kaxlan chu lu xakgstitum, ⁷ chu makiy xlalakgalhaman nak akgtum mil kilhtsukut matsakganiy takgtsankatay, talakgachixkumakan. Chu talakgalhin. Pini wanchu wamputum pi na matsanani wanti tlawalh talakgalhin. Pi wa xla nalimin xta'akgastakyaw xtalakgalhin xla xanatlatni nak xkaman chu xanatanatni chu xkamanan, xnatanatni. Xli kilhmaktutu chu xlikilhmaktati kilhtsukut." ⁸ Moisés lakapala maktilh xakgxekga nat katutsu chu lakgachixkuwilh. ⁹ Alistalh xla wa: "Chu ktakgsnit talakgalhamn nar milakatin, ki PUCHINÁ katlawa litlan kakinkatapi, xpalakata uma kachikin lu xapalha xlistakna. Kinkamatsankgani kintakgtsakgataykan chu kitalakgalhin, chu kinka makgamakglhtinanti la mi tatakin." ¹⁰ Wa PUCHINÁ wa: Akit kama tlaway aktum talak'kaxlan, xlakatin kachikin. Akit nak tlawa laklanka, lilakawan wantu ni ukxni lanit nak katiyatna lanit. Putum tachixkuwitat wanti wilakgolh nak mikamakgninkan na ukxkgoy lak lanka litalakawan xpalakata pi lu lipek'wa tu katatlawaman ¹¹ Kakgalhakgaxpat'ti tu klimapaksiman lanchu. Akit naktamakxtuya milakatinkan wa Amorreos, Cananeos, Hititas, Ferezeos, Heveos, chu Jebuseos. ¹² Lu kukxilhtit wixin ni natatlawakgoyatit talakaxlan tachixkuwitat salak pulataman niku wixin na pinatit, xpalaka ni nali akgchaxtayayatit wixin. ¹³ Tuku natlawayatit, nalaktilhyawayatin xpulakgachixkuinkan, chu nalak tilhpiyatit xtatlawamaxtukan, chu namalakapiniyatit xtalayaw xla Asera. ¹⁴ Xpalakata wixin ni lay katilakgachixkuwitit a tanu dios, chu Akit, wa PUCHINÁ, kintakuwini wa "Lakg'katsalakanan" A kit chatum Dios kakgkatsalakanan. ¹⁵ Chu lu kukxti laku ni natatlawaya talak'kaxlan tachixkuitat xalak pulataman, xlakan liakgtsakgatayakgoy xdioskan. Chu lipatinakgoy wa xdioseskan. Chanchu pi wi tiku xtasanin chu wix nawaya wan tu lilakgatayanit dioses. ¹⁶ Chu xtiya laktsuman xpalaka mi lak'kgawasan chu xlak tsuman na li akgtsatayakgoy xdioskan, chu xlakan natlawakgoy pi wa mi lak'kgawasakan na naliakgtsankgatayakgoy xdioseskan. ¹⁷ Ni katlawatit wixin mikstukan dioses xa stalanjni likan. ¹⁸ Wix natlawatilaya xatapaxuwan xla kaxlanchu tu ni kalhi tama limaxkutin (levadura) lantla Akit kli mapaxsin, wix nawaya kaxlanchu tu ni kgalhi limaxkutin aktujun kilhtamaku lantla litalhkanit kilhtamaku xa papaá Abib,xpalakata xwanit ama papá Abib akxni taxtupí nak Egipto. ¹⁹ Putum wanti pulna skgatankgoy wa kila nawankgoy lata xalakgkawasan wanti pulanana skgatankgoy mi wakax. Nachuna mi wakax chu kalhnilos tu xalak'kgawasan. ²⁰ Wantu pulna naskgatan mi axno nalitamawaxtuya tantum kalhnilo, chu pi ni la xtamawaxtu chu wix na pixtukxa. Natamawaxtuparaya putum wanti pulna lakachinkgonit. Min kaman. Nitiku tlan natalakatsuwi nak kilakatin ka kamachunta na'an. ²¹ Tlan na skuja akgchaxan kilhtamaku, chu xli akgtujun kilhtamaku wix najaxa. Nachuna akxni lakwaxnapat chu akxni xkganampat, wix milijaxat. ²² Na nalakapastaka chu nalipaxuwaya ama semana wa xapulana chu xalakwan mintalakgamanan xla trigo, na nalakapastaka na nalipaxuwaya mi talakgamanan xlisputni kata. ²³ Putum mi tachixkuwitat natalakatsuwikgoy nak kilakatin, wa PUCHINÁ, xDIOS, Israel, makgtutu lata akgtum kata. ²⁴ Akit nak limin kachikinin nak milakatin chu nak matilankiy mi pulataman. Nitiku wanti nakg akgchipaputum mi tiyan chu xla natlawaputun akxni wix natana nak kilakati, wa PUCHINÁ mi DIOS, maktutu lata akgtum kata natalakatsuwiya. ²⁵ Nila kintililakgataya wantu kgalhi limaxkutin akxni wix kililakgachixkuipat xkgalhni mi takgalhin ni tuku liway wantu wix kililakataya tlan na tamakgaxtakga xli chalí. ²⁶ Nalitana xalakwan mitamakgalanan wantu pulna lanit nak mi katakuxtu anta kinchik. Ni natalapuya stsikit stse mi kabrito. ²⁷ Wa PUCHINÁ wanilh Moisés: "katsokgti wa tachuwin, xpalaka Akit kmalaknuy uma tachuwin wantu klichuwinanit, chu ktatlawanitan akgtum talak'kaxlan wix chu Israel. ²⁸ Moisés xtáwi anta PUCHINÁ tipuxum kilhtamaku kakuwini chu katsisni: xla ni wayalh chu ni kgotnalh. Xla tsokgnalh nak pakglhat tachuwin xlá talak'kaxlan, wa akgkaw limapaksin. ²⁹ Akxní Moisés taktalh nak sipi xa Sinaí xlimin nak xmakan ama maktiy pakglhat xla talak'kaxlan xla limapaksin, xla nixkatsi piwa xlakan lu xmakgaxkgakganan axni xtachuwinama Dios. ³⁰ Akxni Aarón chu wa Israelitas ukxkgolh Moisés, pi xlakan lukskgoma, chu xlakan makpuwankgolh natalakatsuwikgoy nak xlakatin. ³¹ Cha Moisés ka tasanilh, chu Aarón chu puttum ti xlakatin xyakgolh nak kachikin lak minkgolh alistalh Moisés katachuwinalh xlakan. ³² Chu alistalh, putum xkachikin xla Israel talakatsuwikgolh niku Moisés xya, chu xla kawanilh putum limapaksin wantu PUCHINÁ xmaxkinit anta sipi Sinaí. ³³ Akxní Moisés hay xtachuwinakgonita xlakan, xla talakgatlapalh. ³⁴ Akxní makgatunu Moisés xtalakatsuwi nak xlkatin PUCHINÁ xpalakata natachuwinan, xla xmaktiy xakgtlapat chu akxni taspita xtakgtlapaparay. Chu akxni xtaxtuy, xkawani wa Israelitas wantu xlimapaksikanit nawan. ³⁵ Akxni wa Israelita ukxkgolh xlakapun Moisés pikskgoma, xla xwili xak'tlapat xpalakata na li talakgatlapay chu akxni xtanuparay na an tachuwinan PUCHINÁ xtakg'kgaparay.