¹ Akxni ama pulatamat ukxli pi Moises ni pala tagtama nak ama sipi, ama pulatamat ankgolh niku xwi Aarón chu wanikgolh: katlawa akgtum tamatalhitlau lakuntla na an kin lakatin. Xlakata ama Moisés, ama chisku tiku kin lakmaxtumil nak ama tiyat xla Egipto, nika siyaw tukú xpulanilh. ² chu Aarón kawanilh: kamakgtil xakgastujut xla min puskat, chu min kgamanan, chu ka kin maxiu.'' ³ xliputum pulatamat tamaxtulh xakgastujut tiku xwiliy xtakgen chu liminkgol Aarón. ⁴ chu chipalh tama tu xkgatli tapalh chu kaxtlolh xtamatalhitlau. chu pulatamat wa: Israel uma wa min dioskan tiku lakmaxtumilh xpulatamat Egipto.'' ^{5 6} Akxni Aarón ukxli ama, chu kaxtlawalh akgtum pulilakatilh nak tamatalhitlau chu kawanilh pulatamat; chu wa' ⁹ Wanchu PUCHINÁ wanilh Moisés: "Akit kukxnit uma pulatamat, lhu xa tsakat. ¹⁰ Chu lanchú nika kimachokgo. Kin tasitsi taliukinit xlakatinkán, chu akít nak kamasputuy. wanchu mimpalakata nak tlaway, mi lilakgapasni lanka pulatamat. ¹¹ Chu Moisés wanilh PUCHINÁ ¿ tuku xpalakata wix nakalimasputuya mim pulatamat wanti kalagmaxtu nak Egipto, nak militliweke? ¹² Chu par na kamasputuya, Egipcios nawankgoy: Katamakxtulh nak Egipto, laki nakamakniy xlakni katiyatni. Chu kamachokgo min tasitsi,chu ni kakamasputu umá pulatamat. ¹³ Kalakapastakti Abraham, Isaac chu Isarel mi lakgskujni, wanti kamalaknuni chu kawani: :"Nak tlaway mililakgapasni lanka pulatamat chuna lha staku xa lak akgapún, chu nak kamaxiy mililakgapasni putúm umá tiyat wantú kamalaknuninit. Chu xlipaks kilhtamakú xlakán nawán. ¹⁴ Wanchu PUCHINÁ ni tlawalh wantú xwanit. ¹⁵ Chu Moisés takgtalh nak sipi, xlimín nak xmkakán makgti chiwix antá nix tatsokni xlimapeksín DIOS. Chu ama tatsokni lakapumakti xwanit. ¹⁶ Chu ama tatsokni wa PUCHINA DIOS litsoknit xmakán ¹⁷ Chu akxni Josue kaxmatli pi xta akgtasamana pultamat, wanilh Moisés: "Wi akgtum takglhuwit nak pulatamat". ¹⁸ Moisés kgalhtilh: Akít ni kgaxmata pi ka ta akglhuwimakgolh, kaxmata akit pi ka paxawamakgolh. ¹⁹ Akgxni Moisés talakatsuwilh niku maxtum xtawilanalh, ukxli ama tamakatlaw chu pulatamat xtantlikoma. Lanka sitsilh. Makgalh tuku xlimin nak xmakan chu lakgpakli nak xtantun xla ama sipi. ²⁰ Chipalh ama tamakatlaw tuku xpulatamat xtlawanit, chu mapasilh, chu na malakxputulh, chu makalh nak chuchut. Chu pulatamat xa lak Israel kotkgolh ama chuchut. ²¹ Alistalh Moisés kagskinilh Aarón: ''¿Tuku tlawanitán uma pulatamat, pi litanita lanka talakgalín? ²² Aarón kalgtinalh: ''Ni ka sitsi kin puchina. Wix lakgapasa uma pulatamat, talakputakgoy tu ni xa tlan. ²³ Xlakan ki wanikgolh: '' ka tlawa agktum dios tiku nak ki lakatin naan. Xpalakata Moisés, tiku ki lakgmaxtunitan nak katiyatni Egipto, ni katsiyaw tuku akgxpulalh. ²⁴ Chu akit ka wanil, 'wantiku kgalilh oro ka maxtulh. Chu xlakan kimaxkikgolh oro chu akit makalh nak lhkuyat, chu taxtulh uma tamakanitlaw. ²⁵ Moisés ukgxli pulatamat skojsnankgoy ( Chu Aarón maxkilh talakaxkin, lata tuku xtatlawamanalh. ) ²⁶ Chu Moisés tachokgolh nak malakcha xla niku xtawilanalh chu xla wa: '' Wantiku skujniputun PUCHINA, kakin tamilh.'' Chu Levitas tamaxtumikgolh nak pakxtum. ²⁷ Chu xla kawanilh: '' Chu na wan PUCHINÁ Dios xla Israel, Chatunu chixku ka maxtulh spada chu ka tanutit chu ka taxtutit niku wilatit chu ka maknitit chatunu, chatunu xtalakan, nachuna tiku taminkgoy. ²⁸ Levitas tlawakgolh tuku Moisés xmapakxinanit. Ama kilhtamaku nikolh akgtutu mil lak chixkuwen. ²⁹ Moisés wanilh Levitas: '' Wixinan lakxaknitan chu wixinan nak skujniyatit PUCHINA'' Xpalakata wixinan maknikgotit min talakan nachuna min lakawasan, PUCHINÁ na maxiyan tasikulanin.'' ³⁰ Xli chali Moisés wanil pulatamat: ''Wixinan tlawanitantit lanka talakgalin. Chu akit nak tachiwinan Dios. Laki xla nak kakimakanseniyan. ³¹ Moisés ampá ukxla PUCHINÁ chu wanil: ''Uma pulatamat tlawanit lanka talakgalin chu tatlawanit tamakanitlaw xla oro. ³² Chu ka makanseni; chu par ni na tlaway, na naki makniya akit.'' ³³ PUCHINÁ kgaltil Moisés: '' Wantiku tlawanit talakgalin, ama lak chixkuwen na nikgoy. ³⁴ Chu lanchu kapit, kalipi kin pulatamat niku akit kwanin. Kaugxti, ki makatsininá na an nak min lakatin. Akxni nak akastakyawey, xpalakata xtalakgalin na wan.'' ³⁵ Chu PUCHINA makamilh masputuná lata xla putum na nikgoy nak ama pulatamat xpalakata xtlawani tamakanitlaw xla oro, tuku Aaróm kaxtlawalh