¹ Wixinan natlawayatit aktum pulaktakilhputan ni nalhkuyukan limajinin. nalikaxtlawayatit xa kiwi matakaj'kiwí. ² Chu xlihman nawen akgtum makxpan chu xlititlanka akgtum makxpan. statijwa xliwanat chu xlitalhman akgtuy makgxpan. chu xak'kalokgot kampatuma xlilat. ³ Nalimaniyatit pulakgatakilhputan xla limajinin xa oro tu lustlan xkilhpanin, chu xak'kgalokgot. xlitlawatkan aktum litakilhpastukni xastilili xla oro. ⁴ Xlitlawatkan stilit xla oro nakalichikan yuma nak xtankilhpan la lakatiyunin kxpaxtunín. stililin likan ni nakamatantujukan talayaw tuku nachexa pulaktakilhputan. ⁵ Xlitlawatkan talayaw xla lhtakala xla matajkiwi xlitamanit xla oro. ⁶ Xliwalitkan pulakjtakilhputankan xla limajinin nak xlakatin lilakgatlapan wantu wi nak xpaxtun xla pumakakin xla xatlan tachiwin. pulanaja xlitawilat xkgalhtawelh xla tamatsankganin wantu wi xokspun pumakakin xla xlikana tachiwin, anta niku nak katatawilayan. ⁷ Aarón xlilhkuyut limajinin tuntlan muksun tsisa, tsisa. xlilhkuyut akxni nakalak'kaxwaliy limakskgon. ⁸ Akxni Aarón nakamapasiy limakskon akan natsiswampalay, xlilhkuyut nawan limajinin anta nak pulakgatakilhputan xla limajinin. Wa uma xlilhkut nawan ankgalhin nak kilakatin, wa PUCHINA, xli putum la mimakgocha militalakgapasni xalak minkachikin. ⁹ Wampi wixinin ni namastayatit nimpala aktum limajinin nak pulaktakilhputan xla limajinin, nimpala aktum likakni xalhkuni nimpala likakni xla talhtsi. Ni nakxtakgawakaya nimpal aktum likakni likgotnu nak xokspun. ¹⁰ Aarón natlaway xlikakni xla matsankganika anta nak xokgalokot xla pulakgatakilhputan xla limajin maktum aktum kata. xla nalimaklakaskin kgalhni wantu xla likakni tu xla talakgalhin. Xa puxku palakgachuwina chuna xlilat la mimakgocha militalakgapasni xla mimkachikin. Uma likakni lu tunung nakiwaliniya, wa PUCHINA." ¹¹ Wa PUCHINA xakgatlilh Moisés, wa: ¹² Akxni natlawaya aktum talaktsojkin xla Israelitas, wanchu chatunu latamanín namastay aktum lilaktaxtun xla xlatamat xla PUCHINA. chuna militlawat tunkan akan nakapu'tlakgakoya, xpalakata nitu naan masputuna nak xlakgstipankan akan nakapu'tlakgaya. ¹³ Putum wanti natapu'tlakgakgoy nak talaktsojkin xlixokot makitsis tumin xla plata chuna laxtapulhkanit tumin nak xchik Dios (santuario). Chu matuy a itat tumin aktum likakni nawan xla PUCHINA. ¹⁴ Putum tiku talakpu'tlakgakgonit, ti kgalhikgoy akpuxam kata chu ti liwka, nakimaxkiy aktum likakni. ¹⁵ Akxni latamanin nakimaxkikgoy uma likakni xla tamatsankgannin xlakata xlatamatkan, chu matamakúnanin ni liwka xlimastatkan maktuya itat tumin, chu limaxkganin na ni aktsu katimastakgolh. ¹⁶ Milimaklhtinat uma tumin xla tamatsakgannin xlakan Israelitas chu nalakgayawya aktum taskujut taktlapan xla tamaxtumit. xlikapastakan nawan Israelitas nak kilakatin, la nalitamatsankgannikgoy xlakata xlatamatkan." ¹⁷ WA PUCHINA xakgatlilh Moisés. wá: ¹⁸ Na natlawaya patum tlamanklh xla bronce chu tuku nachaxa xla bronce, patum tlamanklh niku namkgachakgankan. anta nayawaya nak taktlapan xla tamakxtumit chu nak pulaktakilhputan, na namajuya chuchut. ¹⁹ Aarón chu xkaman nachakgakgot xmakankan chu xtuwankan namajukgoy nak chuchut. ²⁰ Akan natanukgoy nak taktlapan xla tamakxtumit chu akan lakgatsu wilakgolh nak pulakgtakilhputan chu akan lakatsu lakayatit nawan nakilakskujniyatit nalhkuyuyatit aktum likakni, nalimakgatxkganatit chuchut lakimpi ni naniyatit. ²¹ Nachakgakgoy xmakankan chu xtuwankan xlakata xla'kan ni nanikgoy. Wa uma limapaksin xa xlipan xpalakata Aarón chu xlitalakgapasni tiku mimakgocha latamanin." ²² A PUCHINA xakgatlilh Moisés, wá: ²³ Kakatiya tipalhuwa palhma xlilakaxtlawkan: ajkitsis ciento kilos xla mirra, akgtuy ciento atipuxamakaw kilo canela xa sakgsi tu lutlan xmuksun, akgtuy ciento atipuxamakaw kilo chankat xa saksi tu lutlan xmuksun, ²⁴ ajkitsis ciento kilo xa kiwi casia, xlitalhkakgonit la xtsinkasa xchik Dios, laku xlitapulhkanit xchik Dios. la aktum apulhkan aceite xla oliva. ²⁵ Nalikaxtlawaya aceite tu akmawakanankan xa santujlani umakolh xlilakaxtlawakan, xtaskujut tilakaxtlaway limuksu. Lu xasantujlani nawan kimpalakata uma aceite tuku akatawakakan. ²⁶ Namawkaniya uma aceite taktlapan xla tamakxtumit, nachuna pumakakin xla xatlan tachiwin, ²⁷ wa mesa chu putum maklakaskinat, chu xputay makskot chu makalaskinat, chu pulakgatakilhputan xla limajin, ²⁸ pulaktakilhputan niku klhkuyukan likakni chu putum xmaklakaskinat, chu xputawelh tlamaklh. ²⁹ Nakimapapitsiniya xpalakata pi luxasantujlani nawankgoy kimpalakata, xatukawa nakaxamay na xasantujlani nawan. ³⁰ Nakmawakaya aceite Aarón chu xlakgawasan chu tunung nakiwilinya lakimpi nakiskujnanikgoy la palakachuwinanin. ³¹ Nakawaniya Israelitas: wa uma aceite tuku aktawakakan lu tununk xlitawilat xla PUCHINA xliputum xlitalakgapasni xla minkachikin. ^{32 33} v.32 Ni nakamawkanyatit nak xliwa la katiwa chixku, na ninakaxtlawayatit aceite tuku xtachuna uma, xlakata tununk walinikanit PUCHINA. xtachuna tuku lu xa santujlani nalimaxtuyatit. v.33 Kaxatikawa tiku natlaway uma xtachuna limuksu, chu kaxatikawa namaklakaskin, tima lataman natamakaxtukan nak xkachikin." ^{34 35 36} v.34 WA PUCHINA wanilh Moisés: "Kakatiya tipalhu palhma xlilakaxtlawakan