¹ Mi litlhawat pulagtakilhputan xla matan kajkiwi, yakgkitsis makxpan xli lhman chu yakgkitsis makxpan xli titlanka. Pulagtakilhputan xlakaskinka statijua na wan xli yakxtutu makxpan xli tlanka. ² Chi xyakgtatai kgansastun xtachuna xyakgalokgot wakax mi liltlhawat. Chi yakgalokgot yakgtum na tawankgo pulagtakilhputan, chu wix na kamaukaniya bronce. ³ Mi litlhawat wantw na liyan pulagtakilhputan : yakgtum tlhamanklh xla lhkaka, chu malakgaspitni, xapulhman puway, lilaklhtukun xla liguay chu pulhkuyhat. Paks yuma tu kuanin xa bronce na litlhawaya. ⁴ Mi litlahuat pulhkuyat pulagtakilhputan, yakgtum sala likan xla bronce. Katlhawa stilili likan xla bronce xla yakgtunu lakatati xkgansastun. ⁵ Mi liwalit pulhkuyat xlakgaju xkilhpan pulagtakilhputan, lak xyatata antanak xtantun. ⁶ Militlhawat tsatsu kiwi xla pulagtakilhputan, xatsatsu kiwi matan kajkiwi, chu na lilimaktlhawaya bronce. ⁷ Chi tsastu kiwi mi limanut nak stilili likan, chu tsastu kiwi yanta xli tawilat nak xyaktwy paxtun pulagtakilhputan, nama na lichaxnankan. ⁸ Pulakwankala mi litlhawat pulagtakilhputan, mak tabla. Chuna mi litlhawat la masinikanti nak kasipijni. ⁹ Mi litlawat yaktum xkilhtin xla xchik Dios. Xlitawilat lilakgatlhapan nak xpaxtun xlakgaju xkilhtin, xlilakgatlhapan lino tu lu xatlhan xli yakgkitsispuxam makxpan xli lhman. ¹⁰ Chi lilakgatlhapan xli kgalhit taliyau, chu xakgpuxam putay xla bronce.Na xli kgalhit kgalhakgxtokge xatachin nak taliyaw, na chuna xa lhman plata. ¹¹ Na chuna nak xpaxtun xpekegxtu, xli tawilat lilakgatlhapan tu yakgkitsispuxam makxpan xlilhman chu yakgpuxam taliyaw , yakgpuxam xputay bronce, kgalakgxtokge xatachin nak taliyau, chu lhman plata. ¹² Xli lhman kgepun xpaxtun anta ni tzankgay chichini xli tawilat yakgtum lilakgtlhapan wantu tipuxumakaw makxpan xli lhman. Xlitawi yakgkaw taliyau chu yakgkaw putay. ¹³ Xkgepun na tipuxamakaw makxpan xli lhman xlilat nak xpaxtun xlipulhni chichini. ¹⁴ Xlilakgatlhapan yakgtum xkilhpan xlilaktanun yakgkukitsis makxpan xli lhman xlilat. Xli kgalhit kgantutu taliyau tu xlikgalhit yakgtutu putay. ¹⁵ Yakgtum xpaxtun na xlikgalhit lilakgatlhapan kukitsis makxpan xli lhman. Xli kgalhit yakgtutu taliyau chu yakgtutu putay. ¹⁶ Xlax malkcha kgepun xli kgalhit lilakgatlhapan akguxum makxpan xli lhman. Xlilakgatlhapan wa na litlhawakan wantu spupuku, mandajua chu spinini chu lino tu lu xa tlan xa talakgawilekgxni, xtaskujni wanti lakgtspanan. Xlikalhit yakgtati taliyau chu yakgtati putay. ¹⁷ Pokgtu taliyau nak kgepun xli kgalhit lhman plata, kgalakgxtokge plata, chu putay bronce. ¹⁸ Xli lhman kgepun kitsispuxam makxpan xlilhman xlilat, tipuxumakau makxpan xlilat xtitlhanka, chu litalhman yakgkitsis makxpan chu lilakgalthapan lino fino xatalakswitni la xli pokgtu xlilhman,chu xaputay bronce. ¹⁹ Pokgtu tu liyan xlitalakaskit nak xchiki Dios,chu pokgtu yakgkaw xatankalhpitni kiwi xla xchiki Dios chu xkgepun wa xlitalakaxlaw bronce xlilat. ²⁰ Mi limapekgsit xkachikin Israel pi na limenkgo xaceite oliva xa talakgxkgota, xla limakgskgo pi titum na lakgskgokgo . ²¹ Nak yakgtlhapan anta ni tamakgastokgkan, nak xkgepun lilakgtlhapan tu wi nak xlakatin xchiki Dios tu kgalhi pumakaki xla xlikana tachiwin, Aarón chu xkaman na wakxekgo pi tiwan xli pasat limakgskgot nak xliakatin PUCHINA, la tsuku siswan chu na kitsuku punsisa. Wa uma tu kaskiniman limapakgsina xli wanat xlitiwan la mekgoyacha mi lilakgapasni xlak xkachikin Isarel