¹ Wa PUCHINA xakgatlilh Moises chu wanil, ² '' Ka kawani israelitas pi kataspitkgol chu yanta katawilakgol xapulana la wi Pi Hahirot, lak xlakitat Migdol chu pupunu xapulana la wi Baal Zefón. Wixinin yanta na tawilayatit nak xlakatin pupunu yakgalhpatu Pi Hahirot. ³ Faraón na kayakgsan israelitas , xlakan talakgachinokgonit nak katuxawat. Xa skakni tiyat ka lakgachinunit. ⁴ Yikit nak mapalhi xyanima Faraón, chu xla na ka yakstalayan. Yikit nak takakni xpalakata faraón chu pokgtu xmakgtakgalhnan. Chi egipcios na kasekgoy pi yikit PUCHINA''. Na ma yanta tawilakgol israelitas chuna la kawanika. ⁵ Yakxni wanekgol xpuxku Egipto pi wa israelitas xtsalakgonit, xtalakapastakni Faraón chu xlakskujni katasitsinitaspitkgolh xkachikin Israel. Wankgol xlakan ''¿Tuna tlawaw yakxni makgaxtakgwi nal na ki kaskujnikgoyan israelitas?''. ⁶ Faraón kaxtlawalh putlaw tuku lhtankaliyankgo kaguayo chu tiyal xmakgtakgalhnina. ⁷ Xla tiyal yakgchaxan ciento putlaw tuku lhtankaliyankgo kaguayo xa talaksakni chu pokgtu putlaw tuku lhtankaliyankgo kaguayo xla Egipto, chu xapuxku maktakgalhninanin xli pokgtu. ⁸ Chi PUCHINA mapalhil xyanima Faraón, Xpuxku Egipto, chu xla kayakstalalh israelitas. Lanchiyu chi israelitas lajakgolh chu yankgolh. ⁹ Wambi wa Egipcios xkastalanimakgo, chu pokgtu xkaguayo chu xputlaw tuku lhtankaliyankgo kaguayo, chu xlaakchixkuin ti yankgo nak kaguayo, chu xmakgtakgalhanin. Xlakan kamatakxtukgol israelitas ti xwilakgo nak xlakatin pupunu nak xpaxtun Pi Hahirot, nak xpaxtun Baal Zefeón. ¹⁰ Yakxni Faraón talakatswilh, wa israelitas lakankgolh talhman chu kakskamalakawanekgolh. Chi Egipcios xyankgo nak xkgenkan, chu xlakan lu xpekuankgonit. Chi israelitas tasaskinekgol PUCHINA. ¹¹ Wanekgolh Moisés,''¿Walila ni tu xwan putaknun nak Egipto, pi wix ki katamakaxtuya nak niyaw nak xakaskakani tiyat?¿Lajku nama ki kalikatsiniya,ki katamakaxtuya nak Egipto?. ¹² ¿Ni wa yuma tu kawuanin nak Egipto? Ka wanin,' Yakgatsiyanka ki kamakgaxtakgti, pi wa nakalakskujniyaw Egipcios'.Wata xatlan xkikataxtuniyan xkalakskujniw la wata a nak niyau chu nak skakni tiyat''. ¹³ Moisés ka wanilh latamanina, ''Ni kapekuantit. Kaks ka tawilatit chu kawakxitit talakgmaxtut tu PUCHINA na katlawaniyan wixinin chiyu. Nal katikawakxitit Egipcios ti kawakxiyatit chiyu. ¹⁴ Xla PUCHINA nakapalakatalatlawayan, chu wixinin xman kaks mi litayat kan''. ^{15 16 17 18} 15 PUCHINA wanil Moisés,''¿Lajku wila wix, Moisés, pekua ki tasanipat? Kakawani israelitas pi katlhawankholh lakatin.16 Ka makgayawa mi satuy kiwi, chu ka stonkgti nak pupunu chu yakgtuy kamapipitsi, na ma lakchixkuin yanta na titaxtukgo nak xpuyatat nak tiyat xa skakni.17 Ka pastakti pi yikit nak ka mapalhi xyanima Egipcios .