¹ Puxamakaw akgchaxan lata xpuxkujnama Asa, Baasa, Puxku xalak Israel, titalalakatawaya Judá chu titlawalh Ramá, ni mastalh talakaskin tin tlan nataxtuy osu natanuy nak xakatiyatna xala Asa, puxku xalak Judá. ² Sampi wa Asa limilh xaplata chu xaoro kilhtin antanix maquinanin chik PUCHINA chu nak chik puxku, chu timakanilh nak Ben Adad, puxku xalak Aram, wanti xlamacha nak Damasco. Wa xla tiwa: katlawaw akgtum talajkaxlan kinpalakataksan talakaxlan kin tlati chu min tlati. Ukxilhti, akit makanininchan plata chu oro. ³ "Katalaktlowa min talajkaslan Baasa. Puxku xalak Israel, la ki piwa xala nakimakgaxtakga katakaksni." ⁴ Ben Adad kgaxmathilh puxku Asa chu makalh xanapuxkun xmakgtakhalhna laki pi natalay xkachikin Israel. Xlakan putsastalakgolh Ijón, dan, Bel Maín chu putum anta nix makinanin xkachikin xala Neftali. ⁵ Chu ladlh akxni Baasa kgaxmatgli uma, wa xla timachokgolh wan to xtlawamaka nak Ramá ti malakgtlawinalh taskujut. ⁶ Chan chu wa Asa puxku tikalelh putum Judá ea xlakan titamakaxtukgol chiwix chu lakchatlanka kiwi xalo Ramá wan tu Baasa xlikaxtlawama nak kachikin. Chan chu wa puxku Asa wa timakglakaski ama liskujni wan tu xamaka limakikan nak Geba chu Mizpa. ⁷ Ama kilhtamaku Hanani wanti skujma lakalh Asa, puxku xalak Judá chu wanilh: "Xpalakata wix lipawanita tlak nakxpalakata puxku Aram chu ni wa lipawanita kin PUCHINAKAN Dios, wo xmakgtakgal na xala puxku xla Aram tsalanit nak mi makan. ⁸ ¿Ni wa xwankgonit lietiopes cho li libios tlanka makgtakgalhnanin lhuwaxnin kgalhikgo putlaw cho chixkuwin ti xkgalhikgo xkawayukan? Xpalakata pi wix lipawanti PUCHINA, wa xla maxkin tatlaja xpalakglakan. ⁹ Wampi wa xlakgastapu PUCHINA ujxila putum xlikatlanka katiyatna lakipi limasikam pi wa xla tliwekge nakx takunikan putum amakgolh wanti akgstitum xnakujkan nakxlakatin. Wampi wix aktotonanita uma nak talakapastakni. Uma kilhtamaku chun tu namin, nakgalhiya tatatlaw. ¹⁰ Chan chu Asa sitsinilh wanti kskujnanima: tamaknulh pulachin, wampi wo xla ksilsininit putum tux tlawanit xtlalakapastajni, watiyu ama kamakglhit, Asa kalaktlawawililh makpapisin xalax kachikin. ¹¹ Wo uma tux tatlaw Asa, lata xlitsukunit chuna kiliakasputtli, anta talakgsokgtolanit nax xala libro xana puxkun nak Judá nak Israel. ¹² Nakx kata puxamakaw akgnajatsa lata xpuxkujnama, Asa xkgalhi akgtum tajaktat nakx tantun; wa xtajatta lutlaktuwa xwani. Ni pala chuna wa xla ni skilh tamakgtay nak PUCHINA xman nak kuchina xla kattutsu. ¹³ Asa titataknulh xlikitsukuti wa xla nilh ama kata puxamati aktum kata lata xwi lipuxku. ¹⁴ Xlakan makgnulgolh tu xtlawanit xputaknun wantu xman xtlawanit nak xkachikin David. Wa xlakon mujukgolh anta tlan xtajuma mujtsu tu lakgsekgsi chu kganpakgo tu xlakgaxtlawakanit limujtsun tlan xkinkalay. Wamp, wa xlakan tlonikgolh aktum lhkuyat kani aktum tlanka likajni.