¹ Samuel kathachiwina xlhiputum Israel. Amá kilhtamakú tihalh Israel tatanokglha akgtum putalatlaw xtalhanamakgolh amá Filisteos, tawlhakgolh lhakatsu Eben-ezer, nachuná xlhakan Filisteos tawlhakgolh nak Afec. ² Wa xlha Filisteos masikgolh xputalatlawkgan xpalakgata Israel, xlha nitlan kgataxtunilh, wa cha xlha Israel makgatlhajakgalh, Filisteos tamakgahua, wa cha xlhakan kgamakawuika nak putalatlaw akgtati milh xkarsiano. ³ Akxní kitaspitkgolh lhiputum kachikin tahalh anta ni makxtum xtawilkgolh, lhak kgolhon xa lhak Israel tachiwina: ¿tukunchu kin kalhislhakgni lhanchú Jehová, kinkamakamastan xlhakatin Filisteos? Kalhimiuj akinan xpumakin xla thalakgaxlhan xla Jehová ntu wilhacha nak Silo, lhatá tlhan nak kinkalhakstipatanuyan, lhatá wua xla nakinkalhakmaxtuyan nak xmakankan nti kintalatlawnakan. ⁴ Wa cachikin alh nak Silo, nachuná talhimilh xpumakin xlha thalakgaxlhan ntu xlha Jehová xapuxku makgtakalhnanin, nti xkalhaktipatanumakgolh querubines, nachuná chatiy xkgaman Elí, Ofní chu Finees, antá xthallakgayanalh xpumakin xlha thakakgaxlhan xlha PUCHINÁ. ⁵ Akxni chilh antani tamakxtumikgoy xpumakin xlha talhakgaxlan xlha Puchiná, lhiputum Israel lhipekua katasakgolh, nachuná tachikilh tiyat. ⁶ Akxni amakgolh Filisteos kaxmathkgolh pi lhipekua katasakgolh wa xlha wankgolh: ¿Tuku ama takaxmata tapaxahuani-takathasa antaní tamakxtumikgoy Hebreos?, wa xlha amá talhikatsilh mpi lhiminkgolh xpumakin xlhatalakgaxlhan xlha Puchiná antaní makgxtum xtaulhakan. ⁷ Wa Filisteos pekuankgolh, wa xlha xtawuan: minith Puchiná antaní magkgtum tahulhakan, xlha tiwankgolh: ¡kgoxotanin akinan! Xapulh nachuná xwanith. ⁸ ¡kgoxotanin akinan! ¿Tiku tlan xkinkgalhakmaxtun kxmakankan amakgolh lhakgtliweke dioses?. Amakgolh xdioses nti malhakaputsikgolh Egipto akgxní makgaminikgolh xplaga nak descierto. ⁹ Katuxkanitith wixinan Filisteos, katachixkuwitith lhaki ni nakgalhakgachiskuwiya Hebreos, latá xlha kinkgalhakachixkuwiman, kachixkujnantith, katalhanahu. ¹⁰ Talhanakgolh amá Filisteos, wa xlha Israle kamakgatlajakalh, tatsalalh xlhakan antaní xtaulhakgoy, amá kilhtamakú analh lhankga nitat, wa cha xlha Israel, xlhakchixkuin tutunpuxakauj milh talhakaputsikgolh. ¹¹ Wa cha xpumakin Puchiná tikalh, nachuná chatij xkamanan Elí nikgolh, Ofní nachuna Finees. ¹² Katukgosní timilh chatum chixku xlitalhakapasni Benjamin, aktum ti kilhtamaku alh nak Silo, xataxtitni klhakath, chu x' akgxakga tiyat aktokganit. ¹³ Akxní xlha milh, Elí xwui nak xputahuilh, xmakthakalhnama lakatsu tijí, wa xnakú xmakpuwama xpalhakatha amá xpumakin Puchiná. Akxni xlha chilh amá chixku nak kachikin nachuná xlha kawanilh ntu tamakatsinin xlhimin, putum cachikin makatasinalh. ¹⁴ akxní amá Elí kaxmatlhi amá takathasá wa: ¿tuku amá takathasá kaxmathmá?, wa xlha amá milh katukgosní wanilh Elí tamakatsinin. ¹⁵ Elí xa amá kilhtamakú xkalhí tatipuxam akgawuitu xkatha, wa xthalhakawan nej xtachuná xwanith, wa xlha nej x' ukxilhnan. ¹⁶ Wa xlha wanilh amá chixkú Elí: akith kitaspitlhí antaní lhatalhatawmakalh akith tsalhalh lhanchu. Elí xlha kalhtilh: ¿tukú okgspulhamath? ¹⁷ Wa xlha makatsiná tiwá akxni kaltinalh:Israel tsalhanilh Filisteos, nachuna milh lankga nitath amá nak kachikin nachuná chatiy minkgaman Ofní nachuná Finees, nikgolh, xpumakin PUCHINÁ xlha talhakgaxlhan tikanith. ¹⁸ Akxní amá lhichiwinalh xpumakin xla thalakgaxlhan ntu xlha Puchiná, Elí lakgachakgenña takpuspitlhi lhakgatsu xputawuilh xpaxtun xmalhakcha, tahalhtampixwuakgalh antá nilh; wua xlha xkgolhonitá, nachuná tsinkga xwanith. Nachuná xkgawilininith lhimapeksin Israel tipuxam kathá ¹⁹ Nachuná nchu xputhy xpuskath Finees, nti xlhitamakgtakgalhath xwanith, lhakatsuwa xlhakchamá, akxní xlha kgaxmatlhí mpi amá xpumakin xlha talhakgaxlan tikanith, nachuná katsilh mpi talhakaputsilh xputhy, nachuná xchixku, lakgtsokosta teyalh, nchu lhaktaxtutelh; wa xlha xamakgtum kalhilh takatsanajwa. ²⁰ Akxní xlha amá xnimá xwanimakgolh nti lhakatsu xtáyanalh: Ni kgamakpunti, khausa malhakgachininita. Wa xlha nej kalhtinalh, nej akatakslhi ntu wanikgalh. ²¹ Wa xlha amá kam Wanikgalh Icabod, ntu wamputum: Tipulhaktaxtunith xtamaktayan Israel, wa cha xpalhakathá mpi tikanith xpumakin xlha thalakgaxlhan xlha Puchiná, nachuná xpalhakgata mpi nilh xputhy nachuná xchixku. ²² Wa xlha ntiwa: tipulhaktaxtunith xtamaktayan Israel. Xpalhakgata mpi tikanith xpumakin xlha thalakgaxlhan Puchiná.