¹ Pablo, echi bile Riosi anajatame chopi Riosi nakisa ali chopi mina mapo anaprami chati olowame jiti echona efesochi ali mapu ala ola echi Jesukristo. ² suikuirli ali ne kili nira nisare ti emi echi Riosi tamuje Onola ali walubela jesukristo ³ Echi Riosi ali onola walubela jesukristo nawajinika, Mapurika tamuje kuwirtame kala wikala nira jiti kuwirtame echona ripa riwigachi echi kristo jiti. ⁴ Riosi tamuje chapili ne bacha rawe jenai wichimobachi, Mapurika tamuje nima ne galabela ali kiesi chokila ineka. ⁵ Riosi ne chabé tamujé bukurulí mapurika aboni kuchwuala chopi Jesukristo, mapurika binoy nakili. ⁶ Riosi tamujé echiriká chapili mapurika ku nawajimbo, mapurika echi tamujé ne bota'ame ali nijili mapú we kaleli. ⁷ Echi Jesukristo yua tamujé ko ma ku bi´warami jú echi binoy la´la jiti, ali echi wikawri chati orowam, jiti binoy we ará simati jú. ⁸ Echi tamujé ´yari biré kwirtam, ali we machiame ju ali we ará namram. ⁹ Binoy tamujé machirtri bilé namuti mapú ichipa asari, nopiriká binoy nakiri, nop chabé jónsa echiriká natri nopirika orama riweri echi Jesukristo nirá. ¹⁰ Echi nochili Riosi nila nili bilé ma kariwerame a´li ma súnirame raweuli niraka, mapurika pamaria karika namuti napabuka, kara namuti ripa Riwigachi ali je na´i wichimoba, napaburam biré pi nirá, ari echi nuram bineri Kristo nimaré. ¹¹ Echi kristo jiti tamujé chapibo´are, kara namuti nopi binoy niwa.. ¹² Riosi tamuje chapili mapurika chapirutami nopirika tamuje ompabo ne bachami nira echi buyekuame ali bichiwa echi Cristo nira, mapurika tamuje nibo echi nawajiname ali jiwerali binoi Riosi ¹³ Echi kristo, ti emi achio, mapali namsatmo echi raichili ne bichiwa, echi nawesali mapurika ku ni'upa ali mapali bichiwsatmo echi ali bawirarame mapu Riosi nijili echi Riosi iwigala. ¹⁴ Echi Riosi iwigala ju mapu tamujé naré bachá, a´li ma ariká ma kara swaba naresat echi mapu Riosi warubela jú. ¹⁵ Ali nije echirika, mapali nije namki echi bichiluame echi walubela jesukristo, ali echi kalekuame kara echi wika rijowachi pireme bichiwame. ¹⁶ Nije ketasi riweki echi natetara yakuame Riosi ti emi jiti mapurika nije chulubi tana ti emi jiti. ¹⁷ Jeko tani echi Riosi walubela Jesukristo, echi onola jimerami binoi Riosi, ti emi iama bile iwigala ne gala namkuame echi riwirtame ali echi machiwame binoy niraka. ¹⁸ Nije tana emí ara machirtam nima mapurika machisboa chuyiri ju echi biré buwekam japirika bayertam niri, chuyen wika ju echi namuti mapu Riosi ´yamare echi nop bichiwam jú. ¹⁹ Mapali nije tana mapurika ti emi ala machibo echi Riosi walu omerami ju ne minapi chio mapu ayena bichi, mapu tamuje nira ola. ²⁰ Jena ko ju echi bilepi omerami Riosi nochili echi Jesukristo echi ku wilasli echona mukuame jona ali achali echona otona we bayoachi. ²¹ Echi binoila ko achali Kristo karika nira walubela mina jiwertia mina binoy nira karaka riwala riwarame ju. kristo nulamare ke tasi pi jipe rawe bi, yenacho minanami rawe. ²² Riosi achali kara namuti echona binoy ronolachi, ali iali echi ro'oba mapurika walula nira. ²³ Echi ro'oba ju ropogala mapu bochiwa echi biteluame ali kara namuti.