Bile Rojanarami.
1
Nije ocherami, je´na osili yarami nima echi natimari Riosi jiti alí binoi kuchala, echi mapu nije we kalie ni bichiwa nira alí kie pi nije bi, ayenacho karka echi mapu iki ma ku machika piré echi bichíwali;
2
Mapalí jonsa ku machisá echi bichiwa nirá ra´ichala tamuje echirika piré alí sinibi echirika pirelbo nakupi kanilka.
3
ku´wirtami nisa, natimarami nisa alí Riosi sinibí we kanilkuami mi yama, Riosi nijima, Onorúami alí echi Jesukristo, Onorúami Ranala, ne bichiwa nirá kanílkuami.
4
Nije we kanili riwisá mapu yem ibíl piré mapurika ani echi bichiwa ra´ichala; ni echirika mapu tamuje chapili ra´ichala mapu Onorúami nulali.
5
Jipko mi tanman, kie kuluam, chopí noprika anili ne sukuchi jonsa, sineami nakupi ku natimasi.
6
Alí jeriká ju nakupi natimakuami, mapu isirbo nijewika echi nulalila. Jerika jú echi nulárami; noprika namli muje ne sukuchi; mapu echirika inarmaré muje echi yuwa.
7
Mapujiti kia nirú jena´í kawirli mapu kie bichil ra´ichka nawesami jú, alí aboni kie bichiwami jú mapu Jesukristo nawali bile rijoi jena´í kawirli. Je ´nako kie bichiwa ra´ichami jú alí Kristo sayel jú.
8
Kala anaka yemi aboni, yem kie biyir ikiábo mapu tamuje olalí, mapuriká yem natetarami nibo ne suwaba.
9
Chukue bile we bacha simika alí su´win simisa kie mapurika binerli Kristo, kie Onorúami yuwa ati. Chukue bile mapu inari najata mapu binerli Kristo, okuana niwami jú, echi Onorúami alí binoi Onorúami Ranala.
10
Bile echomi nawasa alí kie jena jiti binersa, kie nakibo bakimea muje bitelchi alí kiecho narepi.
11
Echi mapu ayena narepikó echokoriká si chati olami jú.
12
Wika namuti jiti ra´ichka osonali nije, chopi kie osonalin jena osolil. Kie sainat, buwen mapu echomi sime yem yuwa alí ra´ichama ne nakupi nenka, mapuika waminabi kanilbo tamuje.
13
Walu sukuirl naresi jena´i pireami bichiwami Riosi kuchuala jiti.