¹ Echalí minami rawe, jare ralamulí, echona rahicalí echi Riohosi riwala jiti, chiriga rala jiti, Pilato nasowili minoy echiriga olali. ² Jesús nije wiga jeaniga: "¿Ti hemiga nata echi galileos ga ju we walu chati olame, ke tasi walu ju galileos we risa niliga símarilí? ³ Ke, nije nimi anema, echigoriga ti lehmi ke tasi ku rowisaga, sawabaga ti emi nima mapuiriga bile pi nima muje. ⁴ Echi ochejare makoy osanaho ralamulí echi Siloé ko, chigoriga nima mapuriga wichile echi bile walu cali rípa Wílíme wika milalí, ¿Ti hemiga nata echi ko ja walu chati o la mi, ja, ke wesi uche jare ralamulí echi Jerusaléní? ⁵ Ke níje anime, ti hemi ketasi ku rowisaga, suwabaga echigoriga nima muje ke nateami". ⁶ Jesusi rahi chali echi bile parabola: "Aniliwame, echi jare niwasa bile rojua chona wilasa echona muje betachi echiga asa muje bale raka, alí biche ke riwisa kewesi. ⁷ Echi rijoy aneli echi mapu hichali ta hinebo, jipi baikia bami, nije nehema echi chuna acha rakela, echi rojua chuna, ke tasi ni biwalí echi raka, ketasi. Ripuna. ¿Ke bala ala nima wilisa rojua pi wiye nosowima? ⁸ Echiria hichame ga ku aniga, aneli: ´Ah riwe bileni jena bami, nijeko sawabama buchuwi noreriga echi jare uchename estiércoli aneluame. ⁹ Achame rakesaga eche raka uche beleana bami, amo o ke echo ¡ripuna!" ¹⁰ Jipo Jesusi asali bineria echi uchejare sinagoga riweame a biguena samalachi. ¹¹ Je nahi, bile mukui iguenali makoy osanaho bamí bili echi niwili bave chati iwiga ketasi ala ayena riwali, bayeka aneli muje mukui make tasi niwa echi ke jiwarame ju. ¹² Napali Jesúsi ineli echi balleli echiriga aneli: "muje mukui, ma kumi alaju". ¹³ echiriga nochali binoy sikala echi mukui echiriga we sapuka wilisaga taniga binoy tanili Dios. ¹⁴ Echi balu siliame echona sinagogachi asali wabe nataga churiga Jesúsi ko aneli echi ralamulí, a nirú: "usani rawe a ala nochakame, aki na simasi inesi echi ku sawame ali biche, ketasi sawalachi." ¹⁵ Echi Rijoy ko nijewiga aneli siwinariga ola muje, ¿Churiga muje ketasi wetamo ke botana echi bulito o bilecho wakasi echona etachi, ma tosa mujelí bajima bawi sawalachi rawe? ¹⁶ ¿Ali uchesine echi ranalata tiwe Abrahmi , echi riablo buleli chusine makohi osanaho , mikabe rame, ke olasare echi ligadura jipi ke solonasare echali rawe sabalachi rawe? ¹⁷ Echiriga aniga nokuali echi namuti ju, suba echi ke ni olami ju echiko asali we riweliga, echi ju a wikabe situluga echona osaga oliwika echi walu nawajinika, echiriga olali. ¹⁸ Ali biche jesúsi aneli:"¿Echi mapuriga nije gala iretaga nawisama echi jare pasotamo? ¹⁹ Echi ju panuga bile turio ichami jiti, Riosi gala nure jenahi wichobachi pireame ariga ketasi". ²⁰ Uchesine aniga: "¿Churiga omero, nijeko nawesaga sima anira simiriga omerame bile Dios? ²¹ Mapurigabile levadura echi bile mukui nasowili bahikia tetaga echiriga walu sajabaca ripiri". ²² Jesusi ko iyenali cawirali mapomi pireare mapona mulave heye Jerusalén vinera mirili. ²³ Uchejare anega mujue: "Rijohi, ¿pi okua ralamulí ka nakuliawara nima?" ²⁴ "Jiwerca nokusi mapurigatamo bakibo echi baye taha, echigoriga bika ke homerima muhu ya". ²⁵ Uche sine rawe mapu tibarica chuku ma ka wilisiga errama echi kali, echiriga machiga jama michoni echi erra we juweriga ochoma echi erra je hini me muje Rijohi, Rijohi, tami riwe bakia echona pacha. Echiko ku ka nijewiga je anema nijeka ke machi chika ju ti hemi komi yonatamo sili. ²⁶ Echigoriga anibo tamuje kohali ayenacho bajica echi bawi naju piraweka muje ko nawesaga sili bile bulle. ²⁷ Echiko jipi ku aniga sima, nijeni ke machi komi biteami ju ¡bamina ku simiga, ke ala olame! ²⁸ A nirurlama risu niluame echi ramilako raname, mapali ilenesa echi Abrahami, Isaac, Jacob ayena jakobi echi subavaga profeta mapu Riosi niwala nili, kecho tihemi, nima mikabe machikiei ilurame nima. ²⁹ Uche jare ko nawama echi, o bamina, norteachi ayenacho sur ku kaniliga muchima echona mesachi mopona Riosi atí. ³⁰ Pipi machime, jubarasa rawe a bachaga ju bacha ku ju ba". ³¹ Ali juba, jere farise si hineniga anega je onesi, echiko kú: "simika je nahi Herodes ko nimi milinale". ³² Jesusi anili: Ku simika echi Zorro: Ku ninesi, neje ja mapu ku machi pama echi siti kani sawama jipi ju bahali biya ku bahikia rawe kuni sibama maponani nawamare. ³³ Na puyiri namuti ne bichiwika najatasi tami jipi rawe a yena bahali rawe ayena jabami rawe ma kujuba rawe ke mi narerame nima ku miliruame nima echi profeta tachi bami mika Jerusaléni. ³⁴ Jerusaleni, Jerusaléni, echika milali uche jare profeta ne napavaka a la le napu julare ju echi. Ne gala ju mapali napawika muje cachuwala, mapali bile oto li napabusa echi rosokuala echona rale pachaga anala, alibiche kie kanilisa echona. ³⁵ Ku hinesi echi bile kali napu riwerame ju. Nije ko Kunimi anema, tehe mi kie nema napali nije anisa: Ne gala kuirtami echi ku nawasa echi Riosi riwala jiti".