1
Wikabe nokoali kala achink uchuanala echi chabe nirumi ra'ichali, echi namuti jiti mapu jipi tamuje yuwa ma ikisia iniare,
2
Mapurika aboni akina nijili, echi jare mapu ni chukuchi a la riwali nia mapu nili kala rumi echi ra'ichali.
3
Echijiti, nije ayenacho kala mayekin mapu ne kala ibil namuti machisá mapurika ikili ne chukuchi jonsa, nije osomé kala achink mapurika mi 'yarami nima muje, ne kala Teofilo.
4
jena ko jù mapurika muje machimea bichiwal nirà echi karunti namuti mapu rika muje binertami ju.
5
echali rawewali mapuali Herores nili walula, echona jureachi, niruli bile ro´obach nochame Zacarias riweami, mapu echi Abias yuwa niili. binoi upila Aron malala nili nia Elizabet riweami nili .
6
aboni nili we kala Riosi yua ne bachami nira, ali nijera riosi nulalil mina nijeuka Riosi yuwa .
7
chopi aboni ketasi kuchami nili, echirika Elizabet nili kie omerami kuchua aki an¡boni nili ma we ocherami echali rawe.
8
jipi nawali olasia mapu Zacarias asali echona Riosi atich, otoga binoinochali ali ni gala nira rojanaka.
9
ni kala nira aboni a ma riweli echi walula nochami, binoi nili jurami wikabe baminali niraa mapu bakimea echona Riosi kalilachi ali niili echi wikoskua muluaa
10
ni karka muchili pakotami tanika echiona machi mapu alii nima riweli echi muluaa wikoskuachi.
11
Jipi bile Riosi pionali riwirta bachami nira, ilible echona otona echona bachami mapona echi muluaa wikosrami nili.
12
Mapali Zacaria riwali echo asal majaka ichila echi jite.
13
chopi echi Riosi pionali aneli: kie majawa, Zacarias mapu muje anika tánali Riosi kala namtan nili. muje upila elizabet nijama bile ta towi. ali muje Juani riwama.
14
muje ne simira kanilma ali ne wikabe we kanilima mapuali ranaltachi.
15
Binoi ko ne wabe nateami nira ´nerami nima echi onoruami jiti. binoi ko ketasi bajimare ketasi sine echi uba bawila ali ketasi echi we jiwerami, ali binoi ko nima bochírami echi Riosi iwigali jiti echona binoi eyela ropalachi jonsa.
16
wika echi kuchi echona Israel ku simamare echi Walula Yua aboni Riosuala.
17
Binoi ne bachami inarma echi walula yuwa echi Riosi Iwigala ali Jiwerali mapu Elias níili. Binoi olamare jena jerika mapurika echi ´wenali kala tibuka nokome echi kuchali yuwa, mapurika echi ketasi nijewika pireami kala ku nataka isirma mapurika ka riwema echona pireami echi Walula jiti¨
18
Zacarias jeaneli echi Riosi pionali:¿chorika machime nije jena jiti? nije ko ju bile rijoi ma ocherami ali nije upila ma we ocherami ju.
19
echi Riosi pionali ju nijewika ali jeaneli echi binoi:¨nije jue chi Gabriel. kuwireanme kala nira echi Riosi jiti. ali nije ko ju rularami na ra´ichasia, apasia kara ra´ichali.
20
jena´i muje asimea kie anika, ketasi omerka ra´icha, yensi echali rawe mapuali jena namuti ikisá. jena ko ju mapujiti muje ketasi bichili jena ra´ichali, mapu ecchi ikimeare yensi risens ju.
21
jipi echi wikabe pakotamibuewe muchili echi Zacarias jiti. muchili aboni ketasi echirika maye mapu echi simirma riweli we ili nira echona ro´obachi.
22
chopi mapuali echi machinali. binoi jo ketasi omerali ra´icha. aboni machili mapu binoi machirtami nili mapuali echona pacha ro´obachi atiache.binoi minabi sikala nokerka ra´ichali ali ketasi anika asali.
23
ma echiyensi nili mapuali ma sunili echirika nochali binoi nila, ali binoi ma ku simili binoi bitelachi.
24
ali mina me rawe, ali ke binoi upila echi Elizabeth ma raneali, Binoi ko mina simili mali micha nira.Binoi jeanili:
25
Jena ko ju mapurika echi Walula olali tami jiti mapu ali tami kala natimaka ineli mapurika ´yerami nima echi riweeli jare yuwa.
26
echali kicha micha inarachi, bile Riosi pionali Gabriel Riosi jiti jularami nili achona bileni ika rijowachi echona Galileachi riweami Razaret,
27
mina bile muki ke sine bile rijoi machime mapu ma mulipi kunema riweli bile rijoi yuwa mapuJose riweami nili. Echi ko David ritemali jonsa nawakami nili, ali echi muki Maria Riweami nili.
28
Echi ko nawiali echi muki ali jeaneli: ¡skuir, muje mapu ne we simirra kalerami ju! echi Walula muje yua ati
29
chopi binoi asali ne we ikiaka mapu na raichala jiti na rukueka isili mapu cho aniwami kire jena rika sukuira.
30
Riosi Pionali ko jeanela rua echi: kie majawa Maria, mapuirka Riosi mi kala nira ineli.
31
ali ine, muje bile ranelama echoma ropochi jonsa ali bike towi nawarama. muje riwama Jesusi.
32
Binoi ne Walu nira nime ali Echi nima echi ne we Ripa atime Ranala.echi Walula Riosi Yama echona Nulámi nira mapurika echi David.
33
Bacha chukumi nira nima echina Jacob bitelachi ne sinibi nira ali ketasi sine suniame nira walula nima.
34
Maria ko jeaneli echi Riosi pionali : ¿chorika ikimea jena, mapujiti nije ke sine bile rijoi yuwa kochisá?
35
Echi Riosi Pionali ku nijewili a li jeaneli echi muki: echi Riosi Iwikala nawama muje yuwa ali echi jiwerali echi ne wabe Ripa atiame nawama muje yuwa. echali ko echi kala olami mapu ralemami riweami nima echi Riosi Ranala.
36
ali mina nie, muje ritemoali Elisabet, ayenacho ropeali bile ta towi ma ocherami ka. jipi ma kicha micheami ju echi, echi binoi mapu ketasi raneami riwarami nili.
37
mapujiti Ketasi biri ke omertami ju Riosi jiti.
3839
echali jonsa Maria iliali echali rawewali ali we sapuni simili echona rabotachi, echomi wika rijowachi Jedea aniliwachi.
40
binoi bakili echona Zacarias bitelachi ali sukirli E;lizabeth.
41
ali ko binoi elizabeth namali echi Maria sukuirl ali echi ta muchi pachani ropochi we iwemi pochili ali echi Elizabeth Jiwerli 'yarami nili Rioi iwiga jiti
42
Binoi oko ilisali ali weli ra' ichaka aloi jeanili:" ne we kala simarika ju muje jena wikabe mu'kui yua ali we sima rika nima mapona pachani muje ropalachi jona inari.
43
¿ali churikare echi Walula eyela akina tami koolsia nawali?
44
kala ine, mapuali namsa muje sukuirachi, jena muchi pachana ropochi jonsa we iwemi nokali we kanilika.
45
ali we sima rika ju mi muki mapujiti binoi bichili mapurika ikemea rutelti echi Walula jiti"
46
Maria jeanili: nije aliwala mi nawajini echi Walula
47
ali nije iwigala we kanili echi Riosi tami Ku'wirami jiti.
48
mapujiti Binoi ineli we risua nilami echi binoi yuwa nochami,chopi ine, jipi jonsa minami kara suwaba mapu iki pirelma re tami riwama we kala ku'wirtami.
49
mapujiti echi we jiwerami ju wika wali namuti olali tami jiti ali Binoi rawala ko ju ne we kala.
50
Bonoi kuwirl ko mapu iki pirelka simari mapu iki a majako echi. Binoi Omerka echi binoi sikala jiwerami jiti.
51
Binoi rojanali echi jare mapu we simirka nochami nili nataka echona pachana sulalachi jonsa.
52
Binoi jawabali echi wikabe 'wela nulami mapona muchili nula ali jawili jare mapu iki we risuti nili.
53
Binoi kala posawali echi we 'lowami karunti ne we kala namuti aka, chopi echi we niwami ketasi biiri niika achali.
54
Binoi ko iyali kuirl echona Israelchi kawirali pireami, mapujiti echirika ku ´natarma churika olali ku´ira.
55
(mapurika aneli echi aboni ´wenali) echi Abraham ali mapu iki kuchali sinibi nira.
56
Maria ko ripili Elizabet yuwa osoki bakia micha ali jubami ko ku nawali binoibitelachi.
57
Jipi ko ma sebali nili mapu echi Elizabet ranamea rieli echi ta ´muchi, ali echi ma nawarali echi binoi ranal.
58
echomi mulipi pireami ali echi binoi ritemali namali mapu echi Walula ne we kala natimami nili echi yuwa a li we kanili binoi yuwa
59
jipi ikili mapu osanao rawe inarachi aboni isili rawala uchesia echi ta towi, aboniko riwama riweli "Zacarias", mapurika binoi onola.
60
chopi binoi eyela ku nijewika ali jeanili: " kie. binoi ko Juan riwarami nima".
61
aboni jeaneli echi: " Kie wesi niru ýemi ritemuala mapu jena jerika riweami"
62
aboni olali inerika echi onola rukueka mapurika binoi nakili riwabo.
63
Binoi onola tali bile tabli osowami mina osali:"binoi raula Juani ju". karka echi winenika ripili echi jiti.
64
we saponu binoi chumula ma iraprami nili a li echi chameli ma ku botonaprami nili. binoi ra´ichali ali nawajinali Riosi.
65
kara suwaba mapu iki mulipi `piréli echomi ´ami pireli echi yuwa. karka jena ra´ichali ikirtami nili echomi rabo judeachi.
66
ali karka
su´waba mapu iki namali ne kala katewali ni sulachi mina anili: "¿ cho pir olámi nima jena towi? mapujiti echi Walula sikala echi yuwa ati.
67
Echi Zacarias binoi onola inili bochirami echi Riosi iwalati jitimina ra´ichali, Jeanika:
68
"nawajintami nima echi Riosi, echi Riosi Israeli níle, mapujiti Binoi nawali ku´wirsia ali Binoi sunili kara biwa echi binoi nila bilen wipo pireami.
69
Binoi wilasli bile jiwerami tamuje yuwa ali echona David kalilachi Riosi yuwa inarami,
70
Mapurika Binoi ra´ichali echona chumula jonsa mapurika nili ni bacha nira.
71
Binoi pama echi kuu ni´ukuami echi ayeli ali echi sikala ni mapu kara iki akina ikichi.
72
Binoi echirika olama inerma ruwa mapurika natima tamuje´wenali aliku natarma mapurika binoi ra´ichaka anili,
73
Binoi ne wachinka anili echi Abrahamtamuje onola yuwa,
74
Binoi ne achinika ra´ichali tamuje jiti, mapuku niýubrami nibo echi tamiuje sayelajiti. ketasi majaka yuwa nochabo tamuje"
75
mapurika pirelbo tamuje ke chati oloka ali we kala oloka pirelia echi Binoi yuwa
76
yena,ali muje, nawesami riwarami nima echi ne wabe ri`pa biteami nila, muje bacha nawama echi
77
echirika echona pakotami machime churika niyukuami echi chati olalila jiti ku wikawitami niso.
78
jena ikimearemapujiti binoi Riosi we natima, echijiti, echi rajeami echona ripa atiami jonsa nawama tamuje ku´irsa,
79
mapujiti rajema echi jare mapu echona cho´wirali muchuwi ali echona echi mukuwami akabchi.Binoi jena jerika olama mapurika tamuje omerbo simiba echona we kanilkuachi buwe"
80
Echaliko echi towi ma ocherali ali we jiwerami najitali binoi iwigala ali Binoi asali mina akicheachi yensi echali rawewali mapuali Binoi riwirali ne sineami echona Israel pireami