¹ Javisión mali naa Abdías. Naa Biɤ̃-i Dios mogli jajaa naa Edom: Bit-ujri jabijui itrm not jashr naa Biɤ̃-i, Jasitrm-it-sicuiya naan Wryuteja, jasimog-ya: !Yajuicumig¡ !Bijuicami¡ jaubata moprtoyu Bimin-ɤ̃jee. ² Jamaulug jasimin-ɤ̃ya isrmwi jateeya natmoyán-or, manya jaeg masilugya ipeg-jet. ³ Naa maimasayu majerig majiteat, matejasisauɤ̃ya, man ijug isi-janyutee jaot jewalee, maot ijeitee; man imog majiteat:¿Br-ɤ̃-wrn jacrg-ɤ̃ɤ̃ atnandig anitisrt?. ⁴ Macutrg-u ishrmjet oje itrm jú trglouni shrnrja, jacugprilig-u maje-pequelrt-teja, jaquet-ɤ̃ mowon-ɤ̃u jayát jamog biɤ̃-i ⁵ Cayug-u malica iseot, maseeyug-je sairei, briwrn yãn yatshego wrijín¿jatquet-ɤ̃i jatseg-u wrijín itjeu? cayug-u málica nat uva-at juisut¿ brtcalɤ̃-ijam jam-u espiga.ot?. ⁶ Brjee Esau caseglig naa jatesoro itjamprndi naa itjrli. ⁷ Wrijín maepin-ot mot, cat-asibrnog-ya frontera. wrijín nat mot irig-otdi majet ijeijet, matecasauɤ̃, maubata mat-ɤ̃ wrijín majer nat yewaiot majer ieg caminɤ̃ majer mabata mat-ɤ̃ japisicasanwat. ⁸ Oowryulou jamog Bi-ɤ̃i¿cat. asinanya nat mot egu pisíwajat Edom tee pin-ot. wrijín nat Esau juletapin-ot?. ⁹ Wrijín nat mot ipenog-ot casibegya, ojeya casirí Wrijín nat mot Esau juletapinot. ¹⁰ Oje pri naa moprtoya itmin-ɤ̃sug mapewai Jacob, asirigya cau-yigsiríg, jatsipanya oje iricawiat. ¹¹ Oowryulon natdiɤ̃louli itrmbalat, oolou jat-ɤ̃noldi maplata, bryeat win ot dugli maotyeye, suerte camin-ɤ̃lig Jerusalen jaa, mandipri irig oje calijani. ¹² Majicuprijei jawryushrmmaa papewai, jawryushrm naa ieg, majicuprijei judá- jaa oo wryulou mat nandou, maimacupririɤ̃t oolou majishrndou. ¹³ Mauprilutya jayeyé naa ayãn, oolou majisrn, ɤ̃ira majijairig oolou mat-eb-ɤ̃g, mabigmacuprisagya maju yujín jaa, maubitbat. ¹⁴ Maimacupribrt nat iyijutlat naa najisrmbat. ¹⁵ Oosrt Janacatda Jawryu Bi-ɤ̃i Wrijín naa imamin-ɤ̃ jausi-prtya malei juyag-jaa. ¹⁶ Mawogshrmdi jrɤ̃ ajuleg santo-tee, casiwogya wrijín oiricawiat. casiwogya, jatsinandugya, ojeya jaisanmin-rlouni brilou. ¹⁷ casirigya isiculot sión juletaar, otyala santo-ot, jaotya jacobo jatsitairúɤ̃ya. ¹⁸ Jaotya naa Jacob dr-ɤ̃ya, ojeyapri José-ot drɤ̃yapri, jatsitaiya, jatsiwog-ya Brisirug-ya itrn isijugya jaot-tee naa Esaú ojera jamo Bi-ɤ̃i. ¹⁹ Neguev cou-olat Jasiwauɤ̃ya Esaú julee, sefala cou-olat jasiwauɤ̃ fliliteor niti oyeyapri Efraín niti, Samaria niti-pri. ²⁰ Jasoldawaot naa mayán Israel, jatsiwauɤ̃ya Canaan mití. ²¹ Nat et-usibebet casijunya sión juletaja, jaicajeujeeya Esaú julejín. naa moi-ijeuya jatsiriɤ̃ya Bi.ɤ̃yat.