2 Pemiacue yai, piacue beyei, ya nuemiaca, piacue macaita iyeiyeica cali inata.¿ ichabacawa abeyawiria yasu eri ya nia eri yasu balisaimi wawasi.?
3 Pitanicue iwali penibe iriwa, yewanapina nacalidaca nenibe iriwani, nenibenai iriwa niai iyeyeipinaca walisana weneica. 4 Ya cai enjambre yasu wiriechu, ide imacaca, yai manuiri wirichu ideca; nia cai manuiyei wirichu ideca namacaca, yai ipisiariwa analimaba ideca iyaca; ya cai ipisiaricawa analimaba ide imacaca, niai wirichu iyeyei aicu ibaina ya ideca iyacani. 5 Piwacuewa, icameyei. pichacue! Giman, macaita niai ireyeica yai iracalesi, yacaina iracalesi puchicherica ya yedacawa icha.
6 Ya aberi yacale ya imichaidacawa iwali nuasu calica cachainiri iputanawa, nia iyeica cai nia iyuwa yai aberi chawi, ya idenia iyeiwa cai iyuwaa abecua chawi.
7 Ya nuchacamaidaca nuasu banacale aibacatale cayeininacatale ide naiwisaca nausu banacale nadeca nedaca yasu cayaberi ya ideca naucacani; ya yanaca nayaca cabalewaca. 8 Achumacue piwawa cai iyuwa abechua manacau iwalichuaca yapicha aberi camisa iwali yetanacawa yai uculiri uacaweri.
9 Ya nawacaideri icha yai ituinaca ya nawacaiderica icha yai iracañesica ya ideca nawichuacani icape nses waiwacali: niai naiwacananai, niai weneicaca yai waiwacali achumca nawawa.
10 Niai manucuali ya ideca icaluadacawa, ya calica ideca, machawacani ya caina yai ituinaca ya ideca isuberiacawa, yai iracalesi walisaica ideca chuwicani yai ituninaca ideca bawacani. 11 Pibainiacuewa, ibaneyeica, ya Giman, imaniyeica iracalesi, iwali yai banacale yai cebada. yacaina yai iyacanaca ya niai manucuali ideca yucacawa.
12 Yai Vides granada awisicani yai banacale ideca chuwicanim, niai aicuca yai granada caitanacai yai wisinalima niai banacale quireyei macaita niai aicuca iyeiyeica manucuali ideca chuwicani. yai cayaberi wawasi ideca chuwicani ya niai itaquenaimi niai weneica. 13 Pipachia yacuewa iyu yai camisa piyacue awisiwaca, naiwacananai! Giman, ibaideri nasu naibaidacatai. aqueile pichabacue macaita taiyapi aberi camisa, piacue yasu weneiwica yai nuiwacalica, yacaina yai nawacaiderica yai ituinaca nawacaiderica icha yai iracalesi ya ideca yedacawa icapericuise yai piwacali.
14 Pimanicue aberi pidacaw masacawaca, ya pimaidacue abechua masaquechua nawacaidacataicawa, piwacaida niai beyeica macaita niai iyeiyeica cali inata icape yai waiwacali yai piwacali ya pisutacueca icha yai waiwacalica. 15 Iyaca eriapi! caica yai erii yasu waiwacali ya mawianica iyaca chai, yapica yana imalaidaca yasu yenawa yai mainiri cachainica.
16 ¿ Camita ide idaluaca yai yacasica watui ipichale, yai cayaberi, ya casimaiwaca icape nece yai waiwacalica.
17 Yai wabaneripina ya ibadacawa yawiba yai piasu calica, nia icaleyeica nayaca nasuberiacani ya nayacataica niai ya ideca isuberiacawa, yacaina yai ituinaca ya ideca chuwicani. 18 ¡ Iyuwa Gimen niai cuwesinai! ya nayacataica niai cuwesica nayaca nauwichacawa canacaina nali imasicai, caitanacai niai nayacatai niai cuwesi nauwichacawa.
19 Naiwacali, nua nasutaca ícha ina yai quichai iyaca yemaca niai yemacawa macaita niai aicuca iyeiyeica manucuali iricu.
20 Iyuwa niai cuwesinai iyeiyeica manucuali naichaca piwali, caita nia unibaca ya ideca chiuwicania, ya quichai ideca yemaca niai masicai iyeiyeica maisawalicatai.