¹ Sanson mȩyȩhui̧nö ji̧yȩtȩ mo̧ro̧ Timnat ötahuiyära̧'acu̧, jahuanö ja̧'a̧ topinö muäyajuru Filisteos ttöja̧ ttittijuru. ² Jahua'atö ojuisodera'a ppa̧'a̧chö jä'orö'inä ja̧ju̧ru̧i̧nä jiäu päinö:"Ttö topäjisä Timnatra̧'a̧tö Filisteos ttöja̧ ttittijuru. Oäjätucuiju ttö chirecua pä'iönä. ³ Jä'oinä ja̧ju̧i̧nä pättinäcu̧:"Juiyó to'atȩji̧ ucutä cuahuaruhuä ttittijumä, ujutu o'catoinä tö'quetȩtömä yori'isotä toa'atö ja̧'a̧tȩji̧.? Filisteos ttöja̧tö ti̧jȩta̧ cuiocuocotöttö cuirecua päíönä cuema pä'öjätȩjí.? Sansón jäorö päinö:" ⁴ Jahuäju muäyajurutä chöjö'cönä topusä, chirecua päiönämä.Jahuanö ja'anä jäo'nä ja̧ju̧'inä jerupinätö pa'anö cuä'opumä̧ Tu̧ru̧hua̧tä̧ iyö ja̧'a̧ pä'ömä, juhua'amä huȩnȩ juepapä'ö pähuäröjinäcu̧ Filisteos ttöja̧cu̧ CJua'amä ja̧u̧nö̧ pänämä Filisteos ttöjä̧mä ruhuo hueö ka̧'cuí̧nätö Israel ⁵ Ja̧hua̧nö̧ ja̧'a̧ Sansonmä̧ meyȩhuinö̧ Timnat'ra̧'a̧cu̧ jä'ocu ja̧hua̧ta'a̧nö̧ ja̧ju̧'i̧nä̧, rä̧bȩhui̧nä̧tö uva ku̧nä̧huo̧ca̧ ko̧me Timnat'nä̧. Ja̧hua̧nö̧ tti̧'cho̧menä̧, mö̧ yähui i̧tti̧ ichi'ö duruinä̧cu̧. ⁶ Tu̧ru̧hua̧ Dios a̧'cua̧ruhua̧mä̧ jeru'unä̧tä̧ ja̧u̧nä̧ ichi'inö̧, ja̧hua̧nö̧ päi'omenä̧ ja̧u̧mä̧ mö yähuirö pä̧cua̧da̧ päi'önä̧ saropö icuinö̧ rö̧'ä̧nä̧ jö̧ juiyönä̧ cabra i̧tti̧rö̧ saropö tticua'a jä̧'i̧nö̧'a̧nö̧. Ja̧hua̧nö̧ ja̧jimä̧ jä'orö ja̧ju̧ru̧'i̧nä̧ ji'ähuocö pinö̧ jȩä̧ji̧mä̧. ^{7 8 9} Ja̧u̧tä̧ 'chänö uhuocuinö juahuäju isajucu ,jahua'anö ucuocu toäcua röä̧nä 'kö'cönö topinäju̧ Sansonmä. Rehuonänö mo̧ro̧ cuä'opinöo'ca'a ppa̧'a̧chinö jahuäjucu ö'cähuapäö, ja̧u̧ ma̧na̧nä̧ i̧cho̧mȩtö 'kä̧i̧pä̧chi̧nö muyähui uhuapare ȩmapäö.Jahua'anö ja̧näi̧nä ki̧na̧'a̧ ja̧u̧ idepä̧nämä mayá ttä'ca salvada. ¹⁰ Sansón jä'omä̧ isaju kö̧jo̧mecu̧ 'chi̧nö̧, ja̧hua̧nö̧ ja̧'a̧ttö̧ Sansónmä̧ pä'cäri juorötä cuinö̧, ihueyetä ttihueye ji̧na̧'a̧ u̧mä̧tö̧ mö̧äyotömä̧. ¹¹ Yaju kahuaruhuä tottö i̧yȩcu̧, jahuätömä̧ ttahuaruhuä 30nö̧ jo̧menä̧ i'chächinä̧tö̧ ja̧u̧cu̧ 'cuättopapä'ö. ¹² Sanson jahuätörö pä'nö "Mäcuetó ji̧yȩtȩ tu̧cuȩpä̧rä̧chi̧ä̧tu̧cua̧ja̧ pä'ö päda'anä. Ucutu yątę jueö pä'ötömä pįyę jimųtę todärenö mǫrǫ pä'cäri pänä päi'omenämä chiyächäcuąsä 30nö adihuäjuhuai lino ǫtą jahuanö ją'ąnäinä 30nö jǫmęnä pä'cäri pänä 'cątäcuäcuä̧ o̧ta̧. ¹³ Jahuänö ja̧'anä ucutu cuädätätucuoca'a jötömä,ttörö cuiyäcuotöjä 30nö adihuähuä'i lino o̧ta̧ jahuanö ja̧'anä'í̧nä 30nö jo̧mȩnä pä'cäri pänä 'ca̧ta̧cuä̧cua̧ o̧ta̧.Jahuätö pä'ttina̧cu̧: Ja̧u̧tömä ucu päitö jeru'unä huetö pähuä tä̧ju̧cua̧." ¹⁴ Ja̧u̧mä̧ pä̧i̧nä̧u̧: "u̧cuä̧ cuttumä̧ räopina̧'a̧ cuäcuähuätä ju̧ru̧hua̧ttö̧mä̧ räopina̧'a̧ tta̧'cua̧ diyautä." Ja̧hua̧nö̧ ja̧'a̧nä̧ a̧tȩpä̧jä̧u̧mä̧ jäepäjimä̧ ttädätöjuiyönä̧ ji̧na'a̧ huäbodäcuä mo̧ro̧ jo̧menä̧. ¹⁵ Pa̧ja̧cuä̧ mo̧ro̧mä̧ Sansón irecuarö pä'inätö̧: "Cuirecuo jeröticu jäepäji jä̧ji̧ jiäcuatu yapare jȩpi̧, ja̧hua̧nö̧ jȩ'cui̧yö̧ttö̧mä̧ ucurutä'inä ja̧'hua̧ta̧'a̧nö̧ cuä'o ojusode'inä ku ticuäcuotöjä. ¿Usuräsotö cu̧ju̧ni̧ä̧tö̧hua̧tö̧ pä'ö cuä̧tȩpä̧jö̧jä̧ji̧ tä̧ji̧?" ¹⁶ Sansón irecua rötädö ajuähuinä̧ju̧ kirecuo ö'ä ä'catö; Jahuäju pä'inä̧ju̧: "! ucumä a̧u̧tu̧tä̧ cua̧u̧tä̧cua̧sä̧ !. Törömä repeocöjä. Ucumä päinöjä jeruhuönä huȩnȩtö pähuänätä ttö chahuaruhuärö, ja̧hua̧nö ja̧'a̧nä̧ jicuähuococuasä jeru'unä̧ huä̧nȩtö̧ päcuäjimä̧. "Sansón jähuäjuru pä'inö̧:" Topi, chäorö'inä̧ cha̧ju̧ru'inä̧ jidähucö jä̧'i̧ö̧mä̧, ¿ucuri jidähuäcua'a tä̧jí? ¹⁷ Jahuäju ajuähuinä̧ju̧ ji̧mu̧tȩ ta'arenö̧ mo̧ro̧ jo̧mȩ kiäre pä'cäri beipomejubu. Ji̧mu̧tȩ ta'arenö mo̧ro̧ päi'omenä̧ ädätö jiähuinä̧cua̧ juiyó jä̧jȩpä̧rä̧cu̧. Jahuäjumä̧ jiähuinä̧ju̧ kahuaruhuärö ja̧u̧ jiähuäjimä̧. ¹⁸ ja̧hua̧nö̧ ja̧'a̧ ötahuiyä ttö̧ja̧mä̧ pättinä̧cu̧ ji̧mu̧tȩ ya'atenö̧ ja̧'a̧ kä̧hua̧'i̧nä̧ räopäcua'a ä'canä̧: "¿Däjé jaä̧ttö̧ rö̧'ä̧nä̧ sa̧dö̧mä̧ mayatto'inä̧ abonä̧nö̧? ¿Däjé jä̧ttö̧ juiyó juru'umä̧ mö̧ yähuittö'inä̧ abonä̧nö̧?" Sansón jahuätörö pä'inö̧: "Chirecuarö rö'ä̧inä̧ jäcuepätucu juiyäjittömä̧, ucutumä̧ yorö'iso ädätocotö pajátöjä jeru'unä̧ huä̧nȩtö̧ pähuä ja̧ji̧mä̧" ¹⁹ Ja̧hua̧nö̧ ja̧'a̧ DIOS A̧'CUA̧RUHUA̧MÄ̧ jeruhuara'atä ichiö Sansón ujuru päi'önä̧ kä̧mädi̧nö̧.Ja̧hua̧nö̧ ja̧'a̧ttö̧ Sansónmä̧ Ascalónra̧'a̧ mȩyȩhuä̧ji'cä̧ umä̧to treintanö̧ huotörö cuä'ö icuinö ja̧u ötahuiyättömä. ²⁰ Jahuätöttömä ri̧ä̧nä micuäu juäi ȩminö̧, ja̧hua̧ta̧'a̧nö̧ jeru'u juäinä jäepomenä̧ ädätätörömä isäta̧ iyä'chinäu