¹ Pablo, Dios tyumpë më'ët Jesucristo tyumpë, äjäwën këxm matii ojts Dios käjp nwinxy ku tyëy ajtën nijäw eenyë matii myëtnyawyjtëp tu pä'äyoon xmë'ët eenyë. ² Ku miit xtëyjäw eenyëjtë jukyajtë matii xëme këxm, matii Dios matii ka'a y'ëëny, xip eewyë kyapx'ääW tyëktany. ³ Maj ojts täpääty junë, nits ojts tyëknikajxëky y'ääw äyujk, käpxënkëxm ëts ojts xtëy äwë juts nmunëkx näjtäm ëts jyexë ntunyëj Dios pyäwän ëënwintsën. ⁴ Tito, matii tyëywyë nyim uunk eepyë äjäwën këxm oy'ajtiënkëxm, pä'äyo'onkëxm Dios jyotkujaajtën këxm matiiniteety Cristo Jesus ëënyëkmätäkpë. ⁵ Äkëxts ëts mits nikeky Creta, jats mëjä'äyteyëjk xyëëw tu'uk käjp atuk käjp tso'om ëts mits mpäwä'äny tëj. ⁶ Mati'i mäjäy kätij poky tmëtë, matii tu'uk toxtyëj myët ämatsk tsënaapy, y'uunk tëjk matii mutëy näjts ka'a yëkniwämpat ku kya'oy tyunyë oku kyä'oy jäyë. ⁷ Päjt äjtptsa'a teety nyiwintsën, ku Dios tëëntyëjk t'ixitë, nitij tako'ony tkamëtët. Ni mäwäät kyäkäpxkaaketë nikyä kapx wintë'ët. Ni jatyë kyä'äm pëktë ni mukp nëj tkawk wä'änt, nikyätsxiptu'unt, ni meeny tkämaatst. ⁸ Matii tyu'umpeë jä'äy tyëkmä'äktä'änt, ja'ayët nyämyäyëp matii oy jä'äy. Amutsk nyapeektä'äkët, wä'äts, pä'äyo'op, jats kë'ëm nyäy'ixitët. ⁹ Jam mëk nyakumätsët mäj tëykyapxy tso'om yëkta'awääny tso näy nyäj tuk tunwä'änt oy'ixpëjkën jats tkäpx wijt matii yëk tu'u tukwäjnëp. ¹⁰ ja muntuun jä'äy matii kämätotëp, matii äyëpk päwä'än pyätuntëp, katsxowä'äty tsoj jäkäpxtë yëë jä'äy wyin 'ëëntp näjts twintuwëkë jats äyäm tyëknëkxnë. ¹¹ Päjt ajtp tsaa jäyë nyëk ätujkën, jayë j'äwä'äntëp matii jyexëj kyäwäntëp me'enkyëxm jats jääy tu'uk tejk tkapxmuuky jyätkexy. ¹² Yëë nitukën, yääy tyëjk jä'äy matii wijym ojts ya'ajny: "yë cretenses kyojyë y'ën itë, ätsëjk eewyëm tso'om ka'oy tyä tyänëëk, äkäxnajxy nu'uxnajxy. ¹³ Tyëywyë xyäwyä'äny, mëk yëk xon xtä'änwäänt jato tukyë y ijt äjäwën këxm. ¹⁴ Katii judios xmëjpëktäjkë mätyäky, yääy tyëjk jä'äy pyäwä'än matii yo'oy tyäkotyp mätyëy äjtën. ¹⁵ Matii wäätstë, tukëyë tsa'a wä'äts y'ijty jats matii pyu utypyätnë kätëy jäw etyëp nitij wääts kyati ity tëj wyinmä'äny myät këxne. ¹⁶ Nämtsë jä wä'äntë jats y'ixe ja Dios, jats tku'ëëntë tsoj ätëtstë. Äxë'ëkpë jats kämätotëp, kaa tänäx matii oy tyu'unk.