¹ Ku Jesús kiex Jëm Belen de Judea je xëëw ma Herodes niwintsën tiuny, nits yaitiëjkjaaytë mati wíytë ots jia'të Jerusalen mati tsontëpj maam xëëw pitsëmj nits wiant. ² ¿ma jë yity Judios nyiwintsën mati të kiex? të ääts n'ixt jë miatsa Jem maam xëëw pitsëm jëts ääts nimimpy nits nwintsëkj wiany. ³ kots jë niwintsën Herodes, tmatooy yaat, nits ots winmay kieky mëëtj tukëyë Jerusalen. ⁴ Nits Herodes twamukëx tukëyë teety nyiwintsën mëëtj jaywtëëk mati jëm kaapjotm nits t'yixtëëy "¿mait jë Cristo Kiëxjëk wany?" ⁵ nits jë iatsootë jem Belen de Judea jë ku ná akapxp ots jaywiety, ⁶ jets mits Belen mati Juda yitjootm ke mits mnimutsk maam Juda wiintuwek'eew yakujky, jets ma mits jëmts pitsmt tuuk nitenewy mati t'ixitpj ëts njay mati jëm Israel. ⁷ Nits Herodes otsj twatsoy jë yaaytyëjk jaay mati wíytë amëëtskj nits tyikte'ey yik xon junë të jë matsá kiëxjëëky. ⁸ Jets ots tpakex Belen Jëts tnémjaay. Nëkxt nits yikxonëm x'ixtatë jë unaak. kots xpa'atët nits xnikapxt nits äts nëkxt jets nikx nwintskë. ⁹ Nits ko tnijaweety ko niwintsën ots nyiëmxitë nits jiaktuyooytë jëts matsá matiwë wiënë të t'ixt mä jem xëëw pitsëm. Jets yitj wintuwëk atëp jets jem wiaktany maam jen yikj jë unaak. ¹⁰ Kots jë ots t'ixt jë matsá nits ots mä ka jë ots xontaakjtë. ¹¹ Nits nyëkxt jem tëkën'tum, nits t'ixt jë unaakj mëëtj tiaakj Maria jets twinkuxtenetyë nits wintsekëny tmoytë, jets tik awatst lakon mati tsowatjp, nits kemoytë tsow pux mati meen oyieepj (oro), poom (incienso), on mati paak xukpj (mirra). ¹² Nits Dios wianx kumayiotyp Jëts kë iukj winpitnëtët ma jem Herodes je kexts ots niëkxnëtë kiapjot nyiaxjotm ayam tuu. ¹³ Nits jety ku je nyëkxnëtë, nits ots José kumay iojp miukëpx wintsën tiumpj (angel) jets nyëmx "tenkiukë pakonyë unaak jets meet tyaak xpawajët nits xmetkektsookt jem Egipto. Jëmts mtant koomëm äts nikapxt, jë ku Herodes ixtawempy jë unaakj nits tyiki ookwany." ¹⁴ je koots José tienkiuk'aty jets t'pakoon unaak mëtëjë tiaakj nits nyikx Egipto. ¹⁵ Nits jëm txënaay konem ots ioknë Herodes jets ots kiuytyunye ntsom wiënë akapxp kiëxm të Dios yäny Egipto ats n'uunk ots nwatsoy." ¹⁶ jets ko Herodes ots kuentë tuny ku te wiiy jaaytë nihotë tiaxiky nits ots mäknex iampeky nits tyiknikutuukj aty jets nikx tik ooktaay tukëyë mix iuunk mitiw mëtsk jumëts okj mati namiax mati jem Belen mets tukeye jë itjotm, na tsom ots wiiy jiaaytë tianijawëty jatiëy jë jumetj. ¹⁷ Ixëts ots kiuytiuny tukëyë ntson akapxp Jeremias ots t'a këpx, ¹⁸ ots yikmatoy tuuk ayuuk, jem Ramá, jëyën yaxën më ka jë, ku Raquel iunkj teekj tniyaxnëx nits kë ots tkupeky kapxjotmë any ku ity jë nipën kiaopën itnëtë. ¹⁹ Ku Herodes ots ioknë, nits wintsën tiumpë (angel) ots kiëxjëëky José kiumayjiotyp jem Egipto jets nyëmx, ²⁰ tenkiukj pakonyë unaak mëëtyë tyaakj jets nëkx Israel itjootm jë ku të iokëxnëtë mati yitj unaak jiuukyat iit tixtayjiëtyëpj. ²¹ Nits José tienkiuk'aty nits tpakoony unaak mëëtj jë tiaak nits minkomë Israel yit jootm. ²² Jets ku tnijaw aty ku Arquelao tam jem yik kutukomëp jem Judea mam yity tyeety Herodes nits ots txëk jets kë nyëkxwany, nits ku Dios ots kumay jiotyp wianxë, nits nyikx Galilea iit jootm ²³ nits nyikx jets txënaay jem kaapjootm mati txëëw Nazaret. Jets kiuytiunë tsom akapxptëëk te iitj t'akapxtë jets ku je yiktijt Nazareno.