¹ Na tuwëkp, äts nkapxjot mëëj, jëts xtuntët munukxtaken nukxtakën nikapxtsokën, nits yës kujuyën tiunët ma nitukëy ja'ay. ² Ma niwintsëntëëkj mëët tukëy kutunk tëëkj, ntso njukiatën tu'uk oy juky atj oyjiaay ntsompiaty. ³ yats oy jëts kuent peky Dios winkukm ätëm nyikmatakp. ⁴ Je tsokp nits tukëyë jääy miadakjt nits m'intët ma nijaw'at mati tiëywë. ⁵ ku je tu'uk Dios, jets tu'uk mati itkuky ma Dios jets yaatyek jaay, je yaytiejk Cristo Jesus tsje. ⁶ Mati ots niakiëyëky jets tputckjt nitukëy, ots yiknikëpx ma ots jumëtj tpaaty. ⁷ Yat këxm äts ots n'yikpemy tumpj jats. Matiakpj tieywy ats nwany. ke äts n'äny. Yik ixpökp äts may jaay akuky jëntxawën këxm nits tëyjawën këxm. ⁸ Jë këxts, ats ntsëky jets tukeyë yaytëëk jaay niukxtakt oymiayë jets kië tkonjëkt waats, niti jot'aam jets niti atukën. ⁹ Naina'm äts ntsëky jets toxtiëëk wiit xoox tpëmt ntsoom piatyë naxkëx winmany jets këm niayixit't mati jap tëkxp, ok wit mati tsownëx. ¹⁰ Äts tsëkyp jets jë niaxoxët ntsom piatyë toxtiëky mati tkapxnaxtëp oy jaayatën ma yoywië tuny. ¹¹ Jëts toxtiëky tni ixpëkët amöny a'ayë ma tukëy kipx kiapxën. ¹² Ke ats nkupeky ye toxtiëkj nits yik ixpëkët ok yik'kutuktj ma ya'aytiëk, amony ayë y'itjt. ¹³ Ku Adan ots jawin yoyë, nits Eva. ¹⁴ Jëts Adan kë ots yikwin äny, toxtiëkj ts'ots yikwin änkidaky jets ots tiakoy. ¹⁵ Jëts na, yë miadakt ku unaak tyik jatjt. Ku yë it't jëntxäwen këxm, tsokënkëxm jets watsatën winmany jotyp.