wendyc-mch_gen_text

Capítulo 1

¹ Awadene yaajäntadawä Wanaadi cönamodenäi caju nono mmaja. ² Chäänonge tödööeda cönäjaacä yaawa nono tasseda mmaja tööjema cönäjaacä tuna decäcä Wanaadi amodedä töwadema cönäjaacä täjato ai tuna ejoodhacääcä ³ Wanaadi cönädöacä Tawaanato töweiye nädöñojo que cönädöacä tawane conodoi yaawa. ⁴ Ashicha Wanaadi wwä cönääneacä yää tawaanato yaawä töwö yää tawanato cönsacwajoi töjaato acä yeicho jonno. ⁵ Yää tawaanato Wanaadi cönetöi yaawä anootoje yää tööjato mmane cönetöi coijaichoje määdä yää awadeenato anooto wanaadi nanodenöjödö. ⁶ yääjema yaawä wanaadi cönädöadea Töweiye nädönñojo tuna antawä tuna shancwajoonei .que cönädöacä ⁷ .Wanaadi cönnöi yaawä sancwajotojo,cösancwajoichea tuna toni ijujä yeichö jonno shancwajotojo yaawä wanaadi wädööjödö ⁸ nönge.Wanaadi cönetöi yaawä yää shancwajonei cajuuje mädä cönäjacä acääto anooto. ⁹ Wanaadi cönädöacä,tunacomo cajuu onä naadö nejummañojo tooni ijuujö mma yeicho wetä,nono sedejjato ejacaiye yaawä que cönädöacä,mädääje cönejadötöi yaawä wanaadi wödäjödö ¹⁰ nönge.Wanaadi cönetöi yaawä sedejjato nonoje tuna wejummajä mmane damaje cönetäi ashicha wanaadi wä cönääneacä yääje yeichö. ¹¹ Wanaadi cönädöaca ,chuutacomo mmaja namoodetañojode eduuwa nono dewä ännenejödöödä,woi mmaja ,dee täjujäcacomo mmaja dhadöödö jacomo mmaja chääwaadäiñe yeichöwacä que cönädöacä,mädääje cönejadötai yaawä wanaadi wodäjödö nönge. ¹² Nono dewä chutacomo cönejacajötoi yaawä äneenejödöödö ,woi mmaja dee täjujäcacomo mmaja dhadädäjacomo mmaja chääwadäiñe yeichö wacä ashicha wanaadi wwä cönääneacä yääje yeichö. ¹³ Määdä cönäjacä aaduwaawoto anooto awä wanaadi namodenöjödö. ¹⁴ Wanaadi cönädöaca tawanato töweiye nödöñojo cajunña ,anooto acä cojaicho töudäje tädöjonnamoje ,anooto wätadö enejutotoje eiye ,wedu wötotojo enejutojoje mmaja. ¹⁵ Nono decäi awananöcaneije neñojo cajunñano que cönädöacä mädääje conejadötöi wanaadi wädöjödö nönge. ¹⁶ Wanaadi cönaamodenöi aacä yeijonei adaijocomo, toni adaijoto cönnöi anooto yeijonei ,toni mmane coijaicho yeijoneije, shiidiichä mmaja cönamodenoichodea. ¹⁷ Määdä wanaadi cönöi cajunña,nono yeijoneije. ¹⁸ Anooto yeijoneije,cojaiccho yeijoneije mmaja ,anooto shancwajoneije yeicho wetä ,ashicha wanaadi wä cönääneacä yoije yeichö. ¹⁹ Määdä cönäjacä acächeato anoototo awä wanaadi namodenöjödö. ²⁰ Wanaadi cönädöaca ,Nacwancomo mmaja töweye nädöñato wanna ,ännenejödöödä tadiiñaamo mmaja nädöñatode nono ejodhacääcä töwaiñöngaamo que cödäacä. ²¹ Mädääje wanaadi cönaamodenoicho tameedä ñanno damacwawoncomo ajocomo wiyu ,tameedä na´cwacancomommaja änneene´jöödä,töwä´´jimiche naatodö chääwaadäiñe yeichö woije. ²² Towö ashichatoje cönaadewöi cönädöacä,jooje adhejaantäcä dama chucamöiye tadiiñamo mmaja nejammiñatode edää nono dewä töweiyamö que cönädöacä wanaadi. ²³ Määdä cönäjaacä ijaatoodeato anoototo ai. ²⁴ Wanaadi cönädöacä ,,nono dewä nädöñato odoocoja´como äcöönö mmaja,chutacomo mmaja töweenöca´como wötäädö,ännene´jödödöödä,chäwadäiñe yeicho wa´cä que cönädöacä wanaadi mädääje cönädöi yaawä wanaadi wödöjödö nönge. ²⁵ Mädääje wanaadi cönamode´noicho tameedä odööcojacomo ,äcöönö mmaja chuutacomo mmaja töwenöcacomo wötäädö ännenejöödä naatodö chääwadeiñe yeichö wa´cä aashicha wanaadi wwä cönääneacä yääje yeichö. ²⁶ Wanaadi cönädöacä ''Eduuwaane sooto cänaamodenätäiye cönängeiñe cöödötäiye ,cöweichocomo nöngene,ñäädä sooto na´de tameedä amodenacomo adhajotoncomoje ,ñanno nacwacancomo tadiiñamojo mmaja äcöönö ,chuutacancomo mmaja ,towenöcacomo wötäädö adhajotoncomoje mmaja'' que cönädöacä wanaadi. ²⁷ Mädäje wanaadi tönönge soto cönamodenäi yaawä wanaadi nönge dea cönamodenäi dhanwa wodi acä cönamodenöicho. ²⁸ Towö aashichatoje cöna'deuwöi yaawa chäwwäiñe cönädöacä ''jooje adhejantöcä nono chucannojotöcä,nono edhajöje eichäcäde ,nacwacancomo edhajotoncomooje mmaja ,tadiiñamo mmaja ,nono de'woncomo odoocoja'como mmaja '' que cönädöaca wanaadi ñanno aaco'como soto tönaamode'nädö wäiñe. ²⁹ Yääjeje edääje mmaja wanaadi cönädöacä chöwäiñe enecäjan'mma äwäiñe wu'a tameedä naatö dhatöödö'jano ,dee chäjödädäjacomo mmaja adhewanshicomoje wetä. ³⁰ Ñanno odoocajacomo chuutacancomo ewashi'ñocomoje mmane chuuta manne wua ,ñanno töwenöcacomo wötädö mmaja tadiiñamo mmaja ,que cönädöacä wanaadi soto wwäiñe yääje cönädöacä yaawä. ³¹ Wanaadi cöneenemacä yaawä tameedä tönamodenöjödö joje aashicha cönäneacä chääwä.