¹ Cayopia njaji Iraelitanai nja caojli pia italricanata nanaco njaji Juecenai jorre pia maawitacai njepoaite rico. Njite ape atsia iofaacada Belen rico Judá ricoda lriawa njiteo lriino iapiaya njite yaamé lrienipe atsianai tsacja Moab jiaitena ricojle. ² Elimelec pia lriipitana jliaji atsia, njite Iriino ipitana Noemí. Njite neenipe iipitana Mahlón pia jli pada njite Quelión jli pada, Efraín poco inacjoité perri piacana iofaacape Belen ricó Judá jipaite ricó. Naocawa Moab jipaite ricó njite naofaa nirse. ³ Mitsa Elimelec, Noemí iinirri, oopi mayamini, njite icaamitsa rokitsiñapeca njaji yaame roenipe. ⁴ Njaji yaame roenipe njeta nainowa nanacjoite njaji Moab ricope; Orfa roipitana sho apama, njite Rut sho apama. naofa niinio wadeepe die jamolri. ⁵ Njité dalri, njaji Mahlón njite Quelión oopi mayamina, niini mayamica Noemí ioya roinirri njite nja roenipenai yaame. ⁶ Niini Noemí iwaopia roá carro Moab ricjoite naapiya njaji rirriinonaipem Judá ricojle ima njemica pjiomi Moab ricó wa Minalri ikitsindataca njaji Irinaikite Iraelitanai pjiomi canacaidalri inaco njite lricadaa jorre injaodati nasho. ⁷ Niini Noemí iacawa naapiya nja yaamama rirrinonaipem naofaacarromjite, njite nainita naacawa inipolrico iacadao jiipai Judá ricojle, rudiáca nishe. ⁸ Noemí iaco nasho njaji rirrinonaipem, ''Wash idiawa jidoanai iipana lricojle. Matsia watsa Dio icapaca isho, cayoji matsia capisho pia jia naapiya nja noenipem njite noapiya tsacja. ⁹ Dio watsa icadaa iokeeta iinirrio tsenacja matsia carroatsa iofaacao. Njite rotsootsoca na cacoda naco, niini cjaida njeemataca njite naiyaca. ¹⁰ Naaco rosho: ''¡Corrina! Waacatsa piinai pikitsiñape icjaolre.'' ¹¹ Mitsa Noemí iaco nasho: ''¡Nirrinonaipemi, washa idiawa! ¿Coadamtja iawa noinai? Corrinatsa notaita keenipeca njoa njetá carromtja jia naninaiwa. ¹² Washa idiawa, nirrinonaipemi, idiawa iipana lricojle, ima pekirroena njoa cainirri carro tsenacjamtja njoa. Nocaite cadamtja isho: Cainirri caotsa njoa jlia deepica jliaji; njite nosoatsa yamada noenipe, ¹³ ¿iwapantja nataoñawa? ¿Corrintja cainirrica jia panaya iwapacapoa nataoñawa? ¡Corrina, nirrinonaipemi! Jamiña noanji nowaopakje rico icjoete, jorre pja lrioya jliaji ianjiirri, ima noMinalri icaapi iemaca nocjoete.'' ¹⁴ Niini njaji rirriino naipemi njeemata tsenacja cjaida naiyacayao. Orfa icaite roaconao ronjierro isho, rotsootso rocacoda nacó, mitsa Rut corri romacano. ¹⁵ Niino Noemí iaco Rut isho: ''Pjimi matsia, shoaji pipjendoa rodiacawa rokitsiñape icjaolre, naicjaolre njaji rodiote tsacja. Washa pidiawa roinai.'' ¹⁶ Mitsa Rut iaco Noemí isho: ''Macadatsa njoenaca pioya, ima akjerre cadaotsa piawa, noá tsacjaotsa piinai; kjerre cadaotsa piofaawaji, niini tsacjaotsa noofáa piinai; njaji pikitsiñape aimadan nonaikite tsacjaotsana, njite jliaji piDiote noDiote tsacjani. ¹⁷ Kjerrecadaotsa mayami pjia, niini tsacjaotsa mayami njoa, nadawaotsa njoa picodapitsa. Diowatsa jirrapiteeta njoa pekirritsa corricadaa nonaitja cayoji nocaite capisho, ikaamitsaotsa mayamicalri jliaji jienetalriotsa fa waoya waaca.'' ¹⁸ Noemí icapa cádanaco ajádalrica Rut iomaca iaca roinai, yaamica rocaitecano. ¹⁹ Niini naacawa yaamamapewa naocá carro yacaalre Belén ricojle. Njite naoca cádanaco Belén ricojle, pjiomi njaji inaili naocaji ikjaolre catiima nacapaca nasho. Naaco njaji inaitjepe, ''¿Icatsa Noemíca shoaji?'' ²⁰ Mitsa roaco shoepacana: ''Magiinatsa Noemíca njoa. Jipitídarro watsa ianjíica njoa, ima jliaji Cjaidádalri pja piomi ioya jlirrapitetaca njoa jipiti perri sho. ²¹ Nosho pia pjiomi noá cádanaco ajaiteji, mitsa noMinalri icada nodia tsenacaja noopana lricojle nocaapi iapiyatsa. ¿Niini coadamtja Noemí ianjiica njoa? icapa cadaana coanca noMinalri icaiteca nomatsicana; jliaji Cjaidádalri pja pjiomi ioya lricadaa njorrapitaca pekirritsa.'' ²² Niini Noemí njite shoaji rirrinomi Rut, Moab njité darro, nano jiipai Moab ricjoite. Naocawa Belén ricojle nainiita cádanaco naniwaca napania cebada.