¹ Njoaca pjisro maatsiadali pjía waminali piomi nocaolrelricoite, njoa nocaitepewatsa nanaco piomi njaji maatsiaperi pjinaitjánji . ² Catimacaotsa jnoa njite nojoiwitacaotsa pinacolre; ¡nocantawatsa maatsiaperi canción pjipitanja naco, pjia yeenonjitjedali! ³ Nafiocadana cowatsa njaji pjicoema, njaawatsa natoda naipa fidasho njite naawayacotsa pipjeyalre. ⁴ Ninipjia oopi pjidanatja njoaconja maashadali; ¡Pjia pjifao pjifacarodalrico pjicaite naaconja, icaitjecada naaconjá ajadalri ⁵ Pjía icaitecada iacoti kjaidadali njasro njaji ináikipje; pjia iwayacadá njaji maatsiperi; pjia iatjacada naipitana pjiketem jnite kjaidalriwatsa. ⁶ Lriaji pjicoema bikji biki dawatsani cainji lriwacapisho lriaji panti pipecocadanaco njaji lridanam lriaji yacalre. Piomi njaji nawopjáke opidalim lriwayacaotsa. ⁷ Mitsa lriaji waminali lrifaka kjaidalritsa, lria lrinaitja lrifacaraoitja lricaitecaro naaconja ajadali. ⁸ Lria lricaitewatsa naaconjá njaji iñaiki iacoti ajadali, jnite lria lricaitewatsa naaconja ajadali piomi njaji inaikipe mayacandalisho. ⁹ Lriaji waminali lriawatsa lridanam lrisro lrraji inaiki inoonjadali, pada lridanan lriyapacadanaco maatsi. ¹⁰ Njaji ianjicoipe pjipitana njacadá njacaolre pjinaco, nini pjia, waminali, corin pjimaka njaji iomacape pjia. ¹¹ Icanta matsiadali lriso iraji waminali, lriaji italri canatalri Siónlrico; icaite njasro njaji inaiki njaji lrinaitjaji. ¹² Iriatsa lraji Dios iomacaita nacoadao njaji naapeconji irenja corin lrimaodaka nauya njaji inonapje. ¹³ Kjénja pjcapaca nosro, pjia waminli, pjicapentsa coamka njorapittaca naamjá njaji icapjacape maatsi nosro, pjia iitaitja jinicoetjaca lripananoma lriaji maayancalri. ¹⁴ Oh, nini jnoa notaitja nocaitepeca piomi lriaji pjimatsiaka. ¡lripanonomalrico lriaji Sión lenipe jnojoiwitacawatsa lrikjaotje lriaji lriaji yomjecalri. ¹⁵ Njaji inaikipe oopi njapoa lriricoda lriaji neecanda ooni lriaji nanaitjanda naawacatsa; njaji pjiipa oopi naapjapiacao lriricoda lriaji natodalre nadawanda iofao. ¹⁶ Liaji waminali lrianita caishonji lrianjicapisho; lria lrirapitetja ajadalisho; lriaji maatsittjé lriwacaotsa naamjá njaji lrinaitjaji ¹⁷ Njaji maatsipetsa nadietjawutsanjá njite namenacawatsanjá infiernolricolre, icatsa naalrineelre piomi njaji inaiki imaodacapje Dios ioyo. ¹⁸ Nini njaji canakjaipe isro coriwatsa pjimaodaka naoya, naatsaca njaji kjenaperi icacapa naasro njaji iinonjaperi coriwatsa coamkadanaco pjiimjepatjana kjaidalritsa. ¹⁹ Pjinicoa, pjia waminali, mjácadatsa lriaji aatsia lriapjaka pjipjeyalre; nini njaji eepadan inaiki pjiawatsa icaite naaconja pjicapawlrico. ²⁰ Pjicada naaficao, waminali, nini njaji eepadam inaiki naanjicaro jnaatsa jnaa piómi inaikipe.