¹ Piwapa njoa, Dio, ima nocadaca nocaolre Pinaco. ² Noaco no-Minalri irso: ''Icatsa Pjia no-Minalri; corrin pacapa pada inaitja cada matsia cayo Picayosho. ³ Njaji pinaikite jalredaoca lricoperri, njaji inaiki matsiaperri, catiima Nocapaca narso. ⁴ Aima pjacaotsa njerrapitaca njaji iomacape narsowao idolonai. Corriotsa Njoaca nainai njaji inocaperri maficalri narso, corriotsa coancaojli caotsa nonomataca neepitana. ⁵ Nominalri, icatsa Pjia ikitsindatacada, njite Pinaitja norso matsia pjiomi nacó. Picaapi lricóca nocafica. ⁶ Matsia Pinaitjaca norso, ima matsiadalrica jliaji jiipai nacadalri noyadawa. ⁷ Nocaite matsiaperri Dio naco, jliaji icatimatalri njoa; njite lricananta tsakja njoa nowaopiakje lrico deepi. ⁸ Nocada nocaolre Pinacotsa caidalritsa, Niini corriotsa cocaca itaita shenetaca njoa Pioya. ⁹ Niini panaya, catima nocaolre panaya; corrin capaimanica noaca matsiadalri Pirso. Niini nofacaotsa nomaodacatsa. ¹⁰ Ima corriotsa Pimacá carroca njoa irrirri lrico. Corriotsa Picadaa carroca jliaji Pirsodalri iorsoawa irrirri lrico. ¹¹ Pjiatsa icananta njoa coajica pioma nofacawa cayoji Pioma capisho. Catima nofacawa Picodapi. Aima norsoca matsiaperri Piinai cádanaco njoa.''