¹ Jnite Josué Nun iri limanaka matjinaatsa icapacaopc yamada achianai sitimperi licaite nasro: wasra yawa, icapaca jlianji jiipai mitsa jliapja jlianji Jericó. Jnite namuto nawa naukakao apama inaru caviledarum ipanalico ruipitana Rahab. Jnite naufakao nimi. ² Nakaite Jericó italicana isru. Picapa, aachianai Israel Jniteperi nanuka nacapa jliaji jiiipai. ³ Jnite jlianji Jericó italicana, limenáka yakoti Rahab isru: Pjita jnanji aachianai inukape pidesre, jiewakape piipanaliku, imananuka nakapa licapacaná jlianji wepaite. ⁴ Mitsa sruanji inaru rudecayamí jnanji yamade aachianai rudawana jnite rukaite sruanji inarú: aja najnuen nuikjaule jnanji aachianai,mitsa kurikanuajni kjaiteca nanu. ⁵ Mitsa upi nawa deepinakojle, lipjeyatua naitakaro pjiome jnanji yakaale ipananoma Kurim , nuajní , akjereka, nawa. Mitsa pjia pitaita piuketana, pikjeyapitacadá piaca jnapudam. ⁶ Mitza rudecayaaminana pantinako rudáwacana ruruetacawa pacudape yamakatilina rumetatajne pantinaco. ⁷ Caishopa jnanji aachianai napinietacona inipolico pacawa tumuitacawalico Jordán lico. jnite naitaaka jnanji pantinoma yacaale ipananoma namotaca jnanji zipinietakapena. ⁸ Curim tsú namaacataa jnanji aachianai ruacadanaco rucapana. ⁹ Jnite ruaco nasro: nuajnintsa Jlianji waminali liaaca isro Jlianji jiipai kaishopafaá wafino iwana. Jniteosta pjiomi jnanji inaiki yuwacapa lirikuda Jiipaika jlianji, shaawatsa, iajni nanak. ¹⁰ Fémitsakja waminali imetataca, jlianjiúuni macapawam iraclali Jiyapakaro imotokjaili Egipto likjuite. Jnite fémi jlianji jinaitali nasro jnanjo yamadade talicanáatinai Jordán pemajle neepitana, Sehón, jnite Og, jnanji iinujne. ¹¹ Femikadanaco linakoapam wakaole ifiúokao ,jnite liwayakakao waoya ljianji wachiacampia Jnite Jlianji, Iminali, Jlianji, Eeno italicana,Jiipaistakja ¹² Niini páanaya, jinaitamatsiakale, icaite nosro iakoti áajadali waminalinaco, linaco jlianji matsiadali nujnaitali isro, kaitsakja numa matsíaca sháa jnuniri iipanéeta iapiya. ikjatjiinata nosro nuajnishopa. ¹³ Sháakaptsa íidanata nacáfica: Jnanji jnuniri, jnuduatsakja, nuwenai, nuweduanaipe, jnite pjiomi jnanji nukitsiñape, sháakaotsa imanakotana mayamicali iuya. ¹⁴ Jnite náaco jnánji aachianai: ajadaliwacaite pisro wacaficasho curicadaotsa picaitepe linaco ljianji waomali faanaitaca; waminali icadacádanacoatsa waro jlianji jíipai, ajádali kjenaotsa wacapa isro, curiotsa fáanaita isro matsia ¹⁵ Níini rurúcuetacana ventanalikjuite, jinurutikjanaco. jnite jlinji panti rufáli íricuda jnanaitacani lidáanaitanaco jlianji iacale. ¹⁶ Ruaco nasro: iawa awakadalico idawácao nisre wadetsa jnanji ipinietacape naoketaca sha. Idawáacaotsa madalida jaledaoca, atée nadiacayami jnanji ipinietacape sha. jnitenaotsa iawa inipolico. ¹⁷ Jnite jnanji áachianai nacaite rusro: curiotsa fanaita pisro cainji wacaitecapisho. linaco jlianji iaoti ajádali, pináali wacaiteca pisro. Curicadáa pijnaita cainjii: ¹⁸ Waocacadanacuenaotsa jiipaica jlianji pisrotsa pipapica pakja yamacati iraikjai ventanalico pimutuetacurom fá, jniteotsa píwáketácao. pjiniri pjidua, iipanalico, jnite jnanji piwenai, jnite pjiomi jnanji pjiniri íipanéta. ¹⁹ Apadacadáa imotojne pantirikjuite, padáanale liomandenaatsa mayamicam curiíotsa fáa isro matsicali. Mitsa áapecada jiréta icacapi wanakjwitedali, lijnaita matsi píipaneeta isro. Mayamiotsa fáa. Curicapao wamatsieta ljianji iacoti anjadali wacaitendam. ²⁰ Mitsa icaitepecádáa linaco jlianji waomali fajnaitaca, curiotsa wasro máatsicali linaco jlinaji iacoti ajádali píináli wacaiteca. ²¹ Niini Rahab icaite nasro: caipedaotsa icaitecapi sho jníte rucaite ruacono nadíacoroena, jnite rupápi yamacatí iraidali ventanalico. ²² Jnite nawa awacadalicojle nao fáa nisre madalidáa jaledauca. Atée nadiocayamina jnanji ipinietacapena. jnite jnanji ipinietacapena naomajnecana pjiomi inipolico, jnite curím naoketacana. ²³ Jnite jnanji yamadade aatsianai naorocokadanoco awacadalikjuite nadia Josué ídesre, Nun iri, nacaite lisro, pjiomi cuajeca jneyapacao. ²⁴ jnite nacaite Josué isro. anjádali waminali iaca wasro jlianji jiipai. Ima pjiomi jnanji linaikitena jlianji jiipai nafíúca waivana.