¹ Mayami cayami Josué, njaji inaiki aimadan natatjá njemio Dio iinai, naaco cayoji: ''¿Cocaotsa yaa inoacawa iniita nakjoete njaji cananeonai waikjaote? ² Niinin Wa Minalri jiepana, lriaco narso: ''Judánai watsa. Ima nocadaaca njaa-carro iajíi lrinaco jliaji jiipai'' ³ Njite njaji atsianai Judá poco naaco narso njaji naweenai Simeón poco: ''Inoatsa wainai wainoacá-carro nakjoete njaji cananeonai lrikjaote jliaji jiipai Dio icadaalri warso. Cayo tskjaotsa faamaoca shaa, waawatsa wakitsindata shaa lrikjaote jliaji jiipi nacadaalriotsa irso.'' Niini njaji Simeon poco naaca nainai. ⁴ Njaji atsianai Judá poco nainoacawa, njite Wa-Minalri icadaa njaamá carro njaji cananeonai njite njaji ferezeonai. Naino nanakjoite Die mil atsianai Besec rico. ⁵ Naoketa Adoni Bezec Bezec lrico, nainoacawa lrikjoete niini njameetaca njaji cananeonai njite njaji ferezeonai. ⁶ Mitsa Adoni Bezec ipitoca naoya, niini napinietacani atee naa njépani, njite nayoá njaji lricapjiwida pamoshoewi njite njaji jlipjewida pamoshoewi tsakja. ⁷ Niini Adonia icaiteca cayoji: ''Setenta talricanaatinai, njaji noyoaji icaapjiwida njite njaipjewida pamoyoá perri, nawakeeta piaca naijawa noijaca idopem no-mesan iapjite. Cayoji nonaitja capishona, cayo tsakja Dio inaitjaca noapiya.'' Nadeen Jerosalén lricojle, icatsa mayamica niini. ⁸ Njaji atsianai Judá lricope nainoacawa nakjoete njaji Jerosalén lricoperri atee njepa narsowao jliaji yacaalre. Nainona matseeta sho njite namjaita jliaji yacaalre. ⁹ Jliapomjite, njaji Judanai naa nainoacawa nakjoete njaji cananeonai iofacapewa awacada nacope, Neguev lricope, njite nakjoete njaji iofaacapewa jiipana itajida nacó jeeri jiewacawa ikjaolre. ¹⁰ Judá iawa nakjoete njaji cananeonai iofacapewa Hebrón lrico, jliaji Quiriat Arba dalri pia iipitana, icatsa njametaca njaji Sesai lricope, Ahimán lricope njite njaji Talmai lricope tsakja. ¹¹ Njité dalri, njaji Judánai naawa nakjoete njaji iofacapewa Debir lrico, jliaji Quiriat Séfer dalri pia iipitana. ¹² Njite Caleb iaco: ''Coca cadaotsa inoacawa Quiriat Séfer ikjoete njite jlipa jliaji yacaalre, nocadaawatsa lriinowa noito Acsa.'' ¹³ Niini Otoniél, Quenaz irri, Caleb iwerri irri, jlipa jliaji yacaalre Debir, niini Caeb iaca lriito Acsa Otoniél iinowa. ¹⁴ Niini Otoniel idee cádanaco shoaji lrino Acsa, lrinaa rotatjá carró shonirri iinaí njepaitewa lricodapitsa. Niini rórroco cádanaco roborrón ioya, Caleb iaco rosho: ¿Cocao pioma noinai? ¹⁵ Njite Acsa jiepani: ''Picadaa norso piaco matsiadalri, ima picadenina norso jiipai Neguev ricó, piaa tsakja norso njaji onipaokja''. Niini Caleb iaca rorso njaji onipaokja jiipana nacope njite tjewacajle ricope tsakja. ¹⁶ Njite njaji ceneo inakjoité prri, Moisé ijawerrim, naawa lrioshete jliaji Yacaalre Yaawa coa dalri iipitana nainai njaji Judánai, jalrapocolri Judá lricoda, jliaminitsa jliaji nacaiterri Neguev, naofaa-carro nainai njaji Judá poco tsoomi Arad ioya. ¹⁷ Njite njaji atsianai Judánai naawa nainai njaji nakitsiñape atsianai Simeón poco iyaape, njite nainoacawa nakjoete njaji iofacapewa Sefat lrico atee nawayaketa pjiomina. Horma pia lriipitana jliaji yacaare. ¹⁸ Njaji Judánai, njepa tsakja narsowao jliaji yacaalre Gaza, njite pjiomi jliaji jiipai lriwaida nacope, Ascalón tsakja, njite pjiomi njaji jiipai lriwaida nacope, Ecrón tsakja, njite pjiomi njaji jiipai lriwaida nacope. ¹⁹ Wa-Minalritsa ikitsindata njaji inaiki aimadan Judá lricope njepá-carro narsowao jliaji jiipai awacadacawa, mitsa corrin nataita njetaca njaji inaiki iofacapea malritsicoa lrico ima narsoca naoya njeco carrofia tsipalrafiape. ²⁰ Nacadaa Hebrón caleb irso, cayotsa Moisé icaite apisho pia, lrimotoita njiteo njaji madalrida Anac ienipenaipe. ²¹ Mitsa njaji aimadan Benjamín poco corrin namotoita njaji jebuseonai Jerosalén lrikjoite. Niini njaji jebuseonai naofaaca nainai njaji aimadan Benjamín poco Jerosalén lrico atee panashete. ²² Njaji José iipaneta inakjoitepe namatsietaacawa nainoacá carroa nakjoete njaji inaiki iofaacapewa Betel rico, Njite Dio ikitsindatana. ²³ Nameenaca atsianai iacape icapa naicao dawacalri ricotsa jliaji yacaalre Betel, jliaminitsa jliaji yacaalre najirri piatoa, Camarrai. ²⁴ Njaji atsianai iacape icapa naicao, nacapa ape atsia imotocawa lrioya jliaji yacaalre, niini naaco lrirso: ''Pinaitja matsiacalri picañjata wacapa coanca pjewacawa lri-ricoda jliaji yacaalre njite corriotsa wanaitjá carroca pirso maatsi.'' ²⁵ Niini lri-cañjata nacapa papeco inipo pjewa carroda lrirso jliaji yacaalre. Naino njaji inaiki yacaalre ricope matseeta-sho, mitsa nacadaa lriawa jliaji atsia ikitsindatacadana pjiomi lrikitsiñape iapiya. ²⁶ Jliaji atsia lriawa njepaite ricojle njaji Hititanai, lrinaitja pacoa yacaalre nirse njite lricadaa lriipitanao Camarrai, icatsa lriipitanaca atee panashete. ²⁷ Njaji aimadan Manasé poco corrin tsakja napeeco naawa njaji inaiki iofaacapewa nerricoda njaji yacaalre Bet Seán lricoperri , Tanac lricoperri, Dor lricoperri, Ibleam lricoperri, Meguido lricoperri njite njaji iofacapewa yacalreewape rico nanomapiana lrico njaji yaalre, ima njaji cananeonai nacadaacawa naofáa-carro nerricoda njaji jiipai. ²⁸ Njaji Iraelnai nakjaidataacawa, niini nacadaa nadejíi-carro jiidati rico idejikjeti jamiñaperri iraelitanai irso, mitsa corrin napeeco naoyao nayacalre ioya. ²⁹ Njaji Efraín poco corrin tsakja napeeco njaji cananeonai iofacapewa Gezer ricó, niini njaji cananeonai naofaacatsawa nainai Gezeer lrico. ³⁰ Njaji Zabulón poco corrin tsakja napeeco njaji inaiki iofacapewa Quitrón lrico, corrin tsakja njaji iofaacapewa Naalal lrico, niini njaji cananeonai naofaacatsawa nainaitsa, mitsa njaji Zabulón poco nacadaa nadejíi-carro narso idenjikjeti jamiñaperri jidaati ricó. ³¹ Njaji Aser poco corrin napeeco njaji inaiki iofaacapewa Aco lrico, corrin tsakja njaji iofaacapewa Sidón lrico, corrin tsakja njaji Ahelab lricoperri, Aczib, Helba, Afec, njite Rehob. ³² Niini njaji Aser poco naofaacawa napecolrico njaji cananeonai, njaji jiipai iminanai, ima corrin napeecona naoyawana. ³³ Njaji Neftalí poco corrin napeeco njaji iofacapewa Bet semes rico, corrin tsakja njaji Bete Anat lricoperri. Niini njaji Neftalí poco naofaacawa napecolricotsa njaji cananeonai, njaji njaji jiipai iminanaitsa. Mitsa njaji Neftalí poco nacadaa nadejica idejikjeti jamiñaperri jiidati rico njaji Bete Semes njite Bet Anat lricope, Neftalí irsoperricana. ³⁴ Njaji amorreonai napiajleta njaji Dan poco naofaa-carro awacada cawa lrico, corrin nacadaa naorrocowa malritsicoa lrico. ³⁵ Niini njaji amorreo naofacawa Awacada Heres lrico, Ajalón lrico, njite Saalbin lrico, mitsa njaji José iipaneta itsolrodaonai nainoacawa nakjoete njite njaamana njepá-carro narsowao njaji yacaalre, njite nacadaa nadejica narso jiidati rico idenjikjeti jamiñaperri sho. ³⁶ Njepaite jinaa njaji amorreonai lrinitawa jiipana itajida nakjoite Acrabim dalri Sela ricoda, lriocawa awacada cawa nacojle