¹ Pjiwana kaida; jmafiutsau. Pjireleka pjiwedariku kaiji papiandatsu (trompeta). Iikuemata jnajji jnuyakaleta, jirite jlipana jliaji Jacob iimatsikanashu. ² Jnauma jnua jaleedaukakuan jnite katima, nakau jnuapuwariku, kaiji yakaletsu yufakada kaidalitsa jnunaku jnite kurimpjia jnamepatakami. Jnana jnunaitaka jnasu matsia; katiima jnemika jliaku jliaji jnaminali. ³ ¿Maiñakakafa? jnakaiteka ¿kurikadeka pjikapum? ¿Wakadakaa tewakjale fawida pisru, kurikadeka pjikapum? Jmaipakakuduaku tsaa imatsiakautsa yumaka jnite ikjuita jnaji iidenikape iisru. ⁴ Iikapa, jnuaiñaka tsaa iinuakakatsiw, jnite iitudakakau iikapishu kernakapuashai kutsauta jmainakakatja yumakupua matsiadali. ⁵ ¿Katsa jnumalika jinaitaka kuiji jmainakakasha jpadanta jaleedauka kuyulekarusha, iikapakaru teewakale, jlipeyukarunta jliaji iiminaliti? ⁶ Jkutsa jliaka jnumali jinaitaka: iiwatatakaru jnapapi jnaji matsiperi, jiitakaru jnaiñada, jmapapi karuetsma? ⁷ ¿Kulsa patjupaka jnaiña jnaji jmaiñakapen jnite padekaru jnaji kenaperi jnite jmapawaperi pjipanarikule? pjikapakada appe matsiuradaliru, pjietaka jlinaniu; kurim jnadawakakau jnakitsiñape yuya. ⁸ Jnite jlikanaka pisru jliaji kamakui kuiji jeeri iimutukapishu jnite keyaka matsiakani jlimatsiaka yaka iipeyale, jlimatsiaka jliaji Waminali katsa yapalikatsa. ⁹ Jnite jnawanakautsa, jnite jliepaka jliaji Waminali, iiwana jnakitsindatakaru tsaa, jnite jliepaka: "Aalitsa jnuaji." Jiitakada yuya jliaji matsili, jliaji iikapifidati ikapatalisha jnite jliaji yakuti matsidali, ¹⁰ tsaakadatsa yanaiña jnaji jmaiñakapen jnite iikitsindata jnaji kuyuleperi; iikamana iikanaka kadauka weriku, jnite kadaukakawa iikanaku kaiji juri ikanakadaku pamuyuaka jaleedauka. ¹¹ Jnite Waminali iidekasha kuidalitsa, jliawatsa iira uuni kurikawa pakapa, jnite jlikaidata yapiriku kaiwatsa yufakau jnarundatsu uuni jnapanianaku, uuni yarukawatsu, kurikawa uuni iiwayakau. ¹² Panapena iinakjuite yemetautsa tjenaka jnaji iipanana jiwakapeu, ikitsindatautsa juree inaiki; jnanikautsatsa "iimatsietape jliwai" "imatsietape pafakawa." ¹³ Jwakaitenta iipuaka teeku jliada jliaji pjaufetakarusha, jnite jinaitaka kukakatsa yuma jliada. Iimaudakakunda jliada iikaitanta jnanaku juaji jliduninpe natsiaperi jliaji Waminali. Iikadakanta jliada iiderika kurinta yuma iimatsiaka, jnite kakutsa kaiji ¹⁴ Jnite iikapaka jlimatsiaka jliaji Waminali, jnutadautsa yanikau jliyenunka jliaji jipai; jnauwatsa iiaña jlimanipen iimainaka jliaji jiniri Jacob, jlinumanrikjuite kakuka jliaji Waminali.