¹ Nakaitenda Egipto naku. Ikapa, linuka NAMINALI lrikukau iyawada kaidadali lrinu Egipto nakule; Egipto idiote natjetjewa likjuete; na kkaule nja egipcionai nakudukau njewakawakatsau. ² Nukananitautsa jnaji Egipcionai nanakuwakatsa: Apada aatsia linuaka likjuete liaji likitsinda, jnite apada aatsia linuakawa tsa liapiya liaji yufacada likudapi; yakale kuan nainuakau nakjuetewaka, jnite talikanati kuan nainuakawatsa. ³ Mjaida watsa Egipto likaule likjuite. Nu wayaketwutsa likaitenda uupi; Mitsa naumapja nadiote ikaitenda uupi, nakaule jnaji aatsianai mayanpen, maaliri jnite inupa rutakada. ⁴ Nuakautsa jnaji egipcionai likapiliku liaji naminali matsidali, jnite apada watsa rey kjaidadali litalikanata nanakuwa kanaliaji likaitenda liaji naminali litsuludaute yapiya. ⁵ Liaji uuni makapawan metakautsan, jnite jnaji uuni putiyape metakautsana jnite nadiawa metadaa. ⁶ Jnaji uuni puutiyape maatsi watsa naitan; jnite liaji uuni shekukadau Egipto yada stukuatsan jnite metakautsan; pjiumi jnaji maapa jnite jnaji, junko metawatsana ⁷ Jnaji maapw Nilo ikudapipe, linumalikjuite liaji Nilo jnite pjiumi napananda naijau Nilo liku metakautsana kaiji lipale shu lipjiawatsa tekuni. ⁸ Jnaji ikupjeretakape naiyawatsa nakaule likjuite jnite pjiumi ikupjeretakape napeku watsa eepui Nilo liku kaiwi naiyaka nakaule likjuite, jnite ipekukape malla uuniliku kaiwi liwaka nanaku. ⁹ Idenjikape ipjia lino, jnite itsipatakape tsayape jalepe ewa kautsana. ¹⁰ Idenjikape tsayape Egipto liku napjua kapatsina; pjiumi identjikape ikauñape naiki idenji lisu naiyakawatsa nanakuwaka. ¹¹ Nenipe jnaji rei Zoán yape pjiumi mjepakapekana. Liaji ikaitekada jnaji yanjikape ikaite Faraón likadaka manjikadalin shu. ¿Kuanji pikaite Faraón ishu: "Njua aatsianai yenipe yanjikape, nenipe jnaji reynai uupipe? ¹² ¿Kjere tsaka jnaji aatsianai yanjikape? pikada nakaite pishu lianjikje likadanda liaji naminali litsuludaute Egipto nako. ¹³ Nenipe jnaji rey Zoán yape nakadakau manjikaperin shu, nenipejnaji rey Menfis likupe nakashatana, nakada Egipto iñawa, kjadape tja yemakau nanakite ishu. ¹⁴ Naminali ikewita ikauleti manjikete rupamuyuaka jnite nade iinipu matsikawa Egipto kukatsa shunaitali, kainji idewanakada patapatan likatan danaku. ¹⁵ Kurintsu kuka itaita jinaitaka Egipto naku, nintjatsa jiwidati kan kaitsaka itufiti kan, lipje kaitsaka maapa. ¹⁶ Apada watsa jaledauka, jnaji Egipcionai iinarukautsana. Natjetje kautsa jnite nafiuwatsa liretakautsa likapi naminali natsuludaute lireta nanakuwaka. ¹⁷ Judá jiipaite nafietukau nakapalan Egipto likupe, kaimintsa apada iwaupia runaku, nafiuwatsa ruiwana, liinakjuite likaitenda liaji naminali liinaitaliwatsa nanaku. ¹⁸ Apadawatsa jaledauka pakawatsa pema pakapi yakale lipaite naku liaji Egipto kakupe Canaán yakuliku jnite nakaite ajadali yakuti naminali natsuludaute. Apada watsa yakale nawana watsanu yakale jeeri yada. ¹⁹ Apada jaledauka pakawatsa altar naminali yada pamuyua lipaite liaji Egipto, njite taradali jiipada nakjuetewaka naminali. ²⁰ Kaiwatsa nakadanda nanjikaru linaku jnite apada ikapakaru linaitanda naminali itsukudaute Egipto jiipaite naku. Kakukenautsa naminali inai nama jnaji matsipe jipakana, limenaka watsa nasu imanakutakana jnite liaji ikitsindatakana, jnite litakana matsidali yuya. ²¹ Naminali nanji watsa linuku Egipto liku, jnite apada watsa jaledauka nanji pja watsa jnaji egipcionali linaku liaji naminali. Jnite watsa jnaji itudakape naushupada, jnainaitanda matsiadali ishu jnite naufukaru staka nainewakw njanaintape lishu liaji naminali. ²² Naminalli iyamita watsa Egipto, nauyaka staka nakaule likjuite njite limatsiata watsa naa. ²³ Apada watsa jaledauka pakapa watsa iinipu makaite Egipto njite Asiria le jnite jnaji asirionai nanu Egipto le jnite jnaji egipcionai Asiria le, jnite jnaji egipcionai nadiote watsa asirionai. ²⁴ Apada watsa jaledauka, madalida lirukau nashu jnaji Egipto jnite Asiria, pamuyua watsa bendición jiipai liku; ²⁵ Naminali natsuludaute yada likaitena: "Matsiadali liaji Egipto, nu yakale; jnite Asiria njunaitanda nukapi shu; njite Israel, nu kadanda nashu."