¹ Ciro iniita caojli italricanaataca, jliaji Persia italricanaa, wa-Minalri icadaa lriocawa jlinana jliaji iakoti Lricaitenda pia Jeremia inoma lrikjoite lricadacawa pomenaca Ciro iwaopiakje rico. Pjiomi njaji inaiki lriwapaji njemica njaji iacoti Ciro imeenacalri narso. Nadana koanca caacacan, lriaco cayoji: ² ''Ciro, Persia italricanaa icaite cayoji: ''Jliaji wa Minalri, Dio eenolricojle dalri, icadaa norso njoá carro natalricanaa njaji talricanaatinai jalredaoca lricoperri, njite Jliatsa icatjinata norso nonaitja carro pada pana panti Lrirso Jerosalén lrico Judea lrico. ³ Coandalricatsa Dio inaikite nacjoite (lriinaicatsa Dio) lritaita lridiacawa jerosalén lricojle lrinaitjá carro pada pana panti wa Minalri irso, na Diote njaji Iraelnai, jliaminitsa Jerosalén iDiote tsacja. ⁴ Njaji iraelitanai, corri perrinatsa ioma idiacawa, kjerre cadaa naofawaji lri ricoda jiipaica jliaji, Jerosalén njite perrim narsotsa naaca narso palraata, owirro, nanaani narsompe, maaficalri, o pada ofrenda naomanda naaca nacaolre ricjoite Dio iipana icaoya Jerosalén lrico.'' ⁵ Njite naapiyawanai njaji Judá poco njite njaji Benjamin poco tsacja naapana icoam, njaji sacerdotenai njite njaji levitanai namatsietacacawa naa carro Jerosalén ricojle nanaitjá carro Dio iipanao njite njaji Dio ipomenataji icaolre rico tsacja. ⁶ Njite pjiomi njaji corri perritsa idia nainai, naa narso nacaolre ricjoite aima inaaniti macoadatsa: owirro, palraata, vaaca, njite paana pja inaaniti cacoadaperri. ⁷ Ciro jita tsacja njaji inaaniti Nabocodonosor idenji Dio iipana lricjoite Jerosalén ricoda lricadaa carrona lridiote idolonai icodapi. ⁸ Ciro icadaa Mitrídate icaapi ricona jliaji iwapaca lrisho lripalraatan lriniweeta carrona, njite lriá carrona Sesbasar irso, Judea iapiyawalri. ⁹ Icatsa njaji Mitrídate iniweetajica: treita nairra carrodape owirroapipe, mil nairra carrodape palrataapipe, ventinoeve malriyetape, ¹⁰ trenta tazapipe owirroapi, coatrociento die taza palrataapipe, njite mil pja paana tsacja. ¹¹ Niini pia mil coatrociento inaaniti pjiomi, owirrope njite palraatapé tsacja. Sesbasar idee pjiomina nadiaa cadanaco Babilonia lricjoite Jerosalén ricojle njaji iraelitanai.