¹ Njite cai roaco sho Ana rotatjacadanaco Diu iinai: ''Catimaca nocaolre Diu naco. Cjaida noanjiacacawa Diu naco. Notaita caacoca njoa mapaimantsa nocoema isho, Catima njoa Piyomjeta capoa njoa. ² Corrí pacapa pada mamatsicanáadalri cayoji no Minalri sho, corrí pacapa pada pja lrioya, jiipada idaanatacada shoca pja jliaji wa Diute njite corrí pacapa apada caidalri lricayosho. ³ Manjiacatsawa pjia pjaca apjetsida ioya, wadee pipadalretacawa caaco cadanaco pjia. Ima jliaji wa Minalri Diu ianjíi pjiomi cocacatsan; njite jliatsa icaweña washo wanaitjanda icoada. ⁴ Lritocjoa caotsa njaji nayawitjiapo njaji cjaidaperri, njite lricjaidata caotsa njaji atsianai mjaidáaperri. ⁵ Njaji corriperritsa caiwi isho maawitacai nadenje nataitá carro nainjaca; njaji caiwiperri pia isho maawitacai corrinatsa naomaca nainjao. Cayo tsacja shoaji iinarro maweco, oopina keenipeno niini sieteca njaji roenipe, mitsa shoaji jorrédarro ienipe, opii mjaidano. ⁶ Jliaji wa Minalri lricadaa pacaficao njite lritaita tsacja jlitaca paoyani. Lricadaa tsacja paorroco irrirrí ricó njite jlirreta tsacja pja njiteo. ⁷ Wa Minalritsa icadaa cjenaa carro pja, njite jliatsa icadaa cayaarró carró pja. Lripaimanieta pja, mitsa lricadaa tsacja caconaa pjaca. ⁸ Jlirreta jliaji cjenaadalri jiipai italre iuya. Jlirreta tsacja jliaji canacaidalri isho pjiomi palripocjoa ricjoite lricadaa carró lriofaawa nainai njaji talricanaatinai ienipe lriofáa carroita nacó nanda lrisho naofacawa lricotsa njaji caaconaaperri. ⁹ Lriwapaotsa njaipa njaji Lrinaikite aimadan ipeyocapeni, mitsa njaji inaiki maatsiperri iwaopiacje corriotsa coca ianjíi nanaco, cadaocawerrico watsa lricadaa naufaawa, ima corritsa coca itaita iemacawa njaidasho tsanta. ¹⁰ Njaotsa njaji iemacape wa Minalri lcjoete, lriwayakeeta caotsana; Lrimeenaca watsa eeno nanaco. Diu watsa icaite naacona pjiomi njaji jalredaoca ricoperri. Lriáwatsa jliidao jliaji Italricanaa lrishodalri njite lricadawatsa itaitacjeti pekirridalri lrisho jliaji Lriniwananda. ¹¹ Icaamina Elcana idiawa lriipana Rama ricojledalri. Njite jliaji iempeti lridenjica wa Minalri isho lricapátsa jliaji sacerdote Elí. ¹² Njaji Elí ienipe inaiki maatsiperri piacana. Corri pia nanjíi wa Minalri naco. ¹³ Cayopia nanaitja manaca njaji sacerdotenai naapiya njaji inaiki aimadan, pada nanacjoite iinocadanco maaficalri Diu isho, njaji idenjicape sacerdotenai isho, njepa nacaapi ricó pada yamapalri shodalri madajliwi dalri ietsa, nayana cadaana toa lriipe jliaji maaficalri nainonda. ¹⁴ Lritaita pia lricamorriaca lrisho nayanan ricó. Niini pjiomi njaji lriipe njepanda lrisho jliaji yamapalri nacamorria cadanacó, lriyaadacan jliaji sacerdote. Cayo pia mana nanaitjaca Silo rico naapiya pjiomi njaji Iraelitanai iacape nirse. ¹⁵ Mitsa njaaji, lripjeyatoa namjaitaca lriiti, jliaji ideejicada sacerdote isho, lriaco mana lrisho jliaji iacada maficalri lrinoonda Diu isho cayoji: " Pia sacerdote isho njaji lriipe lrimitsirricarro; pia lrisho iñaadalri ima corri watsa jlipa pipjeya pumacadalri." ¹⁶ Mitsa jliepa cada cayoniji: " Imjaita toa inita jliaji lriiti, njite jliapodamina jipa cosho catsa itaita." Lriacontja lrisho: " Corrina, icaamina piaca noshoni, corri cada nosoni, njtaotsani jidaati rico. ¹⁷ Jliaji namatsicana njaji atsianai iempetipetoa macadalri cani Diu ipjeyajle, ima nameenata piaca njaji ofrenda Diu ishoperri. ¹⁸ Mitsa Samuel, lriyempetica rico lrideejica Diu isho, njite jlieta lritsayani sacerdote carroda yamacati lino dalri iipitana. ¹⁹ Jlidua inaitja mana lritsayaniwa sacerdote carroda lricoadalri njite rodee mana lrisho oonia icoam, roacadanaco roinirri iapiya nainó carró maaficalri Diu isho. ²⁰ Elí icadaapia iacoti matsiadalri Elcana isho njite lrino isho tsacja, lriaco mana cayoji: ''Diu icadaa pjawatsa pjienipewa roapiya shoaji iinarro, lriicjaote jliaji rotatjalri pia Wa Minalri iinai.'' Jliapodamjite nadia manawa naapana ricojle. ²¹ Njite wa Minalri ikitsindata Ana, nini kewedan tseenacjano. Keenipepiano, madalrida roenipe atsianai njite yaamama inaitjepe. Cayocadaana, jiaji iempetitoa Samuel paa lritawiñacao Diu ipeyajle. ²² Njite Elí, pekirri keenani, njite jlimi pjiomi njaji maatsirri nanaitjalri njaji lrienipe Iraelnai isho, njite coanca njenácoaca manaca naapiya njaji inaitjepe idenjicape pjeewacawa ricó lrisho jliaji panti nawacaacacarroda lrico. ²³ Elí iaco nasho njaji yamada lrienipe: ''¿Cuada inaitja njaji imatsicanaati?'' Ima pjiomi njaji inaiki nacaite nosho cuanca inaitjaca imatsicanawa nasho. ²⁴ Corrina noenipe, cutsa matsiperrica njaji iacoti njomirri inaco. Imaca nanaitjaca namatsicanao njaji wa Minalri inaikite. ²⁵ ''Pada atsia inaitja cadaa imatsicanao pada atsia isho, Diu watsa icaite lriaconao, mitsa pada inaitja cadaa maatsi Diu icjoete,'' ¿Cocaotsa caaco lriicjaaote? Mitsa njaji lrienipe corrim njemica njanirrí isho ima Diu iumapiena mayamicana. ²⁶ Njite jliaji iempetiapa Samuel lritawiña njite matsia wa Minalri icapaca lrisho njite matsia tsacja nacapacan njaji inaiki aimadan. ²⁷ Ape atsia Diu ishodalri lriocawa Elí icjaolre, lriaco lrisho: ''Cai lriaco jliaji wa Minalri: Nocadaa pia nacapaca njoa njaji iferrinaipemi Egipto lrico cádanacona Faraón caojli pía ianjíi nanaco. ²⁸ Noniwana pia jia naojiete njaji papoco Irael iipaneta sacerdote carro jia Nosho, jia carró imjaita njaji maaficalri lrinaco jliaji jiipada njerretanda nosho, jietaacá carró sacerdotenai itsayan Nocapá werrico. Nocadaa pia iferrinaipem isho pjiomi njaji maaficalri namjaitampe nampe nosho njaji Iraelnai. ²⁹ Njite, ¿Coada caa tsacjao imenata njaji maaficalri inoape Noshowalre, njite njaji nadempe Noipitana naco nofacaawa lrico? ¿Coadao pioma pja nja pienpe nooye nacja, ikeepetacacao matsia nasho njaji maaficalri iipe nadempe nosho njaji Nonaikite aimadan Iraelnai? ³⁰ Ima jliaji wa Minalri, na Diute njaji Iraelnai, lriaco cayoji: Nocaite pia piipaneta isho njite piferrinaipem iipaneta isho tsacja iinai catsa njoa caidalritsa. Mitsa panaya cayoenacja lriaco jliaji wa Minalri: Corritsa nonaitjá carro cayoji nocaite capisho pia isho, ima nonaitjaotsa matsia nasho njaji inaitjacape nosho matsia, mitsa njaji imenatacape njoa corriotsa nocapá carocaotsa nasho. ³¹ Picapacje, naoca keenao njaji jalredauca, noino cawenaotsa pjia njite njatsaca njaji pjinirri iipana ricoperri, corri carroetsaotsa pacapa pekipenai aji pipana rico. ³² Picapa caotsa jirrapjitakjeti piofaacawa rico. Matsia watsa nonaitjaca Israel isho, mitsa corri ketsaota paca pekipenai piipana rico. Njawatsa njaji corriperri nopeeco inacjoite jaiteji jipada naretanda nosho, nonaitjacaotsa corri carro natji icapa njite nocada watsa icaiyati nacafica isho. Pjiomi watsa naji atsianai imotocape pipana rico mayami caotsana. ³³ Nocañjata shopa watsa picapa jliaji inolriwatsa nanaco njaji yamadade pienipe, Ofni njite Finees: mayami caotsana jliadatsa jalredaoca. ³⁴ Nocañjata shopa watsa picapa jliaji inolriwatsa nanaco njaji yamadade pienipe, Ofni njite Finees: mayami caotsana jliadatsa jalredaoca. ³⁵ Nonaitja watsa noshowawa apada atsia sacerdote jiepacada noaco, inaitjacaoda jliaji nomalri lrinaitjaca njite nonalri lrinaitjaca. Nowapa watsa njaji lrienipenaipe sacerdote carro watsana ; nijte nemaji carrowatsa caidalriwetsa lripjeyajle jliaji talricanati noniwananda. ³⁶ Pjiomi watsa jliaji yofacada caafi piipana rico, lrino caotsa lritoda lrioshipadao lripjeyalre jliaji no sacerdoten, lritatja carro lriinay palraata njite pawajle peetje, lricaitewatsa: "Pinaitja matsiacalri, pia nodeejicalrewa sacerdotenai inai notaita carro noijaca pawajle peetje.''