¹ Ukiratsɨ mɨkɨ uka manaya´ha meta siere iwemama; mɨkɨmexi ne‘newareɨya´hɨwa sasunimekɨ, ne xeikɨa hawaikɨ, siere me´yunaime ke´ane sasuni me maku´mate ; ² Sasunitsie ha kunekaku, ta´hetsie kayukanieritɨaka, ta hamatɨa yukanieritɨa heyeme . ³ Imikieri, nenimayatsika, uxipiya, tahamatɨa yukanieritɨaka, Kakaɨyari yaukame siere Jesucristo, nu´aya yauya , sasunimekɨ siere wareuya ´hɨatɨ. ⁴ Ne puyukatemawi waɨkawa ,ne waruka xeikɨ hipame a niwema me u´hukame sasunimekɨ ; tame keten'teyatuiriyarie yaukame nɨ'arieya . ⁵ Hikɨta ne pɨnemeraya'wawirie ekɨ uka, ne nekwa ita utɨani hapaɨ nɨ´aritsika hekwame, ka´hɨkɨtɨni ke´aneme meripaitɨ matɨari te mei´xeiyakai, teke hauyuyahɨaka teyunaitɨ. ⁶ Ka hɨkɨtɨni aixɨ eriyarika, ya tetekahutɨ ketente nɨ'arie, ikɨ hɨkɨ nɨ'ariya, xeniu pemi'eni matɨaripai, akɨ pemumieni hamatɨana . ⁷ Yu waɨkawatɨ te itawamete menayakɨne kwie'tamatsie, mɨkɨta pɨ mekwahaitɨka kename Jesucristo hau'ku yeixia waiyaritsie. Ikɨ ka´hɨkɨtɨni ti itawame meta siere ka hɨkɨtɨni anticristo. ⁸ Xekeneniereni yaxeikɨa, xeme xekwate´hauya hɨpani tixaɨtɨ yu pini, yunaitɨ xete'uta'uximayataxɨ, xeme xete´anpinikɨ imikieriraya arɨkame. ⁹ Ke ane manya yarɨni mɨta kwayukanieritɨaka Cristo tiuta'ɨkitɨa tsie, kakaɨyari kwahexeiya. Ke ane ɨkitiarikatsie yu ka nieritɨaka hutame ware xeiyani, yaukame meta siere nu'aya . ¹⁰ Xɨka xewitɨ a hatsɨa wa yani mɨta ikɨ ɨkitɨarika ka'u'atɨani, pekwa enkwewieka a kie pe kwa´he hɨaweni. ¹¹ Ke ane iya mita hɨawe katiparewieka tsitiyurienetsie. ¹² Waɨkawa ne´netexeiyani´netita´utɨanikɨ nita pɨ ne kwareuya hɨwa ne mita´utɨani xapatsie meta siere ti utɨwamekɨ. Ya ti anekaku pɨ ne reuyahɨwa neyemie xe hatsia mɨta pɨ ne xeretahɨawe nexe antaxeiyatɨ, ta temawiya ma ya arɨkanikɨ. ¹³ Iwaya niwemama me manaya hapanie me pe hɨawe