¹ Ke paika Jesús waɨkawa warexei, ke pauka mɨkɨ montitɨatsɨe yakmuritsɨe mekateitsɨe, mɨkɨmexi nɨ arimama menakɨne hatsɨana. ² Mɨkɨ kananutayepieni yu teta ti wareti xatɨatɨya; mɨkɨ kaneta yɨni, ³ Aixi mekani itɨurieka ke ane memu mamawi yu kɨpɨritsɨe, maxi mɨkɨ mexi mekaniahɨkɨtɨni ke ane mete nakɨre yuawi tsɨe. ⁴ aixi mekani itɨarieka iyamexi memuti tsuaka, mɨkɨ mexi mekani nɨtɨariemɨkɨ. ⁵ Aixɨ mekani itɨarieka iyamexi tsɨmekate itɨtɨa, mɨkɨ meni paɨ tɨariekuni kuie. ⁶ aixi mekani itɨarieka iyamexi me mau haka kuiku paɨna me mau hariku iyakɨ mete yurikutɨ tita Dios ti nake. Mɨkɨ mexi meniti hɨniyariekuni. ⁷ Aixi mekani itɨarieka iyamexi mete uyukanenimaya, mɨkɨmexi paɨna menitinenimayatsɨekuni. ⁸ Aixi mekani itɨarieka iyamexi aixi memu anene yu iyaritsɨe, mɨkɨmexi meni xeiyakuni Dios. ⁹ Aixi mekani itɨarieka iyamexi ke ane uxipiya me mu wewie, mɨkɨmexi menakɨnimɨkɨ mete tetewatɨ niwemama Dios. ¹⁰ Aixi mekani itɨarieka iyamexi mekani hikɨtɨni ke ane memu weiyarie timiemekɨ tsɨe ti lasunimekɨ tsɨe, mɨkɨ watsɨekɨ kani hɨkɨtɨni ke ane mete nakire wawitsɨe. ¹¹ Aixi mekani itɨarieka xeme xekani hikɨtɨni ke pauka teuteri maxa sauntati 'a paɨna mexatsɨ weiyatɨ, yakɨxeikɨa maineni naimetsɨe haxa ti anene yu hetsɨe miemetsɨe nekɨmanakɨ. ¹² xekeneyute mamawieka waɨkawakɨ, kane waɨkawani ke tita xete hepaɨtɨarieni yuawi tsɨepai paɨna paɨmɨ teu teri meteni warweiyatɨkɨne mikɨmexi profetas ke pauka memu uwakai xeme xeka u'uwakaku kuxi. ¹³ xeme xeni hikɨtɨni úna ena kuiepa; xɨkata úna hauye hɨani yu kakariya, ¿keta yɨme tariekata hayukakariya tariekata? Tariekari aixi ka'aneni tixaikɨri, maxi pɨtari wamauka hɨiyanikɨ paɨna muti ketsɨnariexianikɨ pɨta ketatetɨa teuteri kanayeimɨkɨ. ¹⁴ xeme xeni hɨkɨtɨni xawatɨriya ena kuiepa. Xewitɨ kiekari hakerietɨ yate muritsɨe kayuti awietawetɨ. ¹⁵ Paɨna tauteri itaiyáme xeime kɨxeme mi kuwieni yu hetɨa tsamuri tɨata, pɨta tápai kaniku kemɨkɨ, kani xawatɨ riekamɨkɨ yu naime muwa kita. ¹⁶ Xene hayawani xe xawatɨriya mu xawatɨni wa hɨxia teuteri memi xeiyanikɨ aixi mu anene uximayatsɨka paɨna tsimete ikɨ hɨawenikɨ xe yau ke ane yuawi tsɨe meka. ¹⁷ Xe kuate ku eriwani kena ne nenua ne ita unake iki nɨ'ari ya'i mɨkɨ mexi Profetas; Ne naka nua ne ita unake, pɨta ne neraya atɨanike. ¹⁸ Yurimekɨ nexara hɨawe tse muta tɨ yuawi paɨna kuie, nitsɨkɨere xei jota ya paɨna taursɨyari waikɨ kuayɨwekaxiani mɨ xixiani ni'aritsɨe, ke pauka ke naitɨ pinite titi pareyu. ¹⁹ Ya umiemekɨ tse ke ane mita tsanaxi tsipeme ikɨkɨ nɨ'aritsɨxi ti ɨkitɨatɨ hipame paɨ mete yuriekakɨ, katini tateriwariemɨkɨ karaye atɨ uximayatsɨkaya tsɨe yuawi tsɨe. Ke aneta miti uta paɨna mita ɨkɨta kutinita teriwariemɨkɨ waɨkawa raya atɨ mana uximayatsɨkaya tsɨe yuowi tsɨe. ²⁰ Ne nexara hɨawekɨ yanusu nɨukɨ aixi manɨyɨneki neyeye'ii mɨkɨtsɨe aixi manɨyɨnetsɨe iyamexi te utuwametexi paɨna fariseos, waikɨ puɨ kati aneni me mauta haxiani uximatsɨkaya tsɨe manamɨ yuawi tsɨe. ²¹ Xeme reta enanawe ke mete utá hɨawarie meripaitɨ tsɨe: Peka ti yuku mimi ani, ke aneta ti yu mieni kanu yeikamɨkɨ hauye weine muta hekɨatsɨenitsɨe. ²² Neta nexara hɨawe iyatemexi kepai mu ha'aka yu iwa hatsɨa kanuyeikamɨkɨ hauye wenike muta hekɨatsɨenitsɨe; Paɨna xika xewiti tita hɨawe yu iwa: ¡ekɨ peni hɨkɨtɨni xewitɨ tewi karaye atɨ! Kanu yeikamɨkɨ hauye wenike manamɨ mari itamete wa hɨxie; paɨna kepane muta yɨni: ekɨ pemú erie, kanu yeikamɨkɨ hauye wenike mana kaxɨwemetsɨe tai. ²³ Ya umiemekɨta xɨka pe iyetuaximetɨ a imikɨeri manamɨ mete yetuayatsɨe manamɨya ya petu erieni kena a iwa raye xeiya tixaɨ a hetsɨe, ²⁴ neu hayawaka a imikɨeri manamɨ nɨxie mana tiye tuiwatsɨe, kene mienita a huyetsɨe. meri ke nauyunɨtɨa a iwa hatsɨa, merikɨta ka'u keneyetua a imikɨeri. ²⁵ Ya xete nauyu hayawa kepai as tati matɨa xeimiemekɨ kuxi meri hamatɨana pe umie mana huyetsɨe itsɨkatari wa hatsɨa, ya'i as ti ame ati yetua hatsɨa haxɨkati , ya ikɨ'ta haxɨkati as yetuani mɨkɨ juya hatsɨa, ekɨta pemanu hanieni pe manuta hɨiyanikɨ. ²⁶ Yurimekɨtsɨ ne xara hɨawe , waikɨ peka hewayeyani manamɨya perayukatuameke naime tumini kepame pera pine. ²⁷ xeme xeta enanawe ke tuta nukie: ke ane ka a ɨya ya'i ke ane ka a kɨna matɨa peka anu hupuni. ²⁸ Neta nexara hɨawe yu naime iyamexi ke ane ukaratsɨ muxeiya heiye hɨatɨ mayani'ta ari mɨkɨ kanuyu xɨrɨka mɨkɨ hatsɨa yu iyaritsɨe. ²⁹ Xɨkata a hɨxi tserieta mieme ase ka yɨpani, kene wati tu'i wa ke nauka hɨwa tewa; maxi axɨ kani aneni a hetsɨe tixaɨ a waiyaritsɨe ti mieme mauye weni, ke yu naiti a waiyari mauka hɨiyani kaxɨwemetsɨe tai tsɨe. ³⁰ Xɨkata a mama tserieta mieme ase ka hɨpani, kene waye xiteki wata kenauka hɨwa: aixɨ maxi kani aneni a hetsɨe mieme ke a waiyaritsɨe mieme ya pametɨ mauye wautseni, ke yu naimetɨ a waiyari meyeikani kaxɨwemetsɨe tai tsɨe. ³¹ Ipaɨ paɨna eatinuta nukɨeni: iyata kepai manunɨ ani tewapaitɨ yu ɨya, mi hayawa mɨkɨ miye tuiriekinikɨ mɨkɨ xapo kena meka ayuwi tɨkɨ haineme. ³² Neta nexara hɨawe ke ane iya yu ɨya mu ku eirieni, xɨkata xeime matɨa ika xeiyakaitɨni kaneyeitɨwani iya kanuyu xɨrika ke ane ka kɨnayakai matɨa; ke aneta muti naɨke mɨkɨ hatsɨa yu kɨna ku eirieyu paɨna kaniyu xɨrikamɨkɨ. ³³ Tariekata, xeta enanawe ke tuta nukɨe merpatɨ: pekatiye itaka kename kepeti yurieni pe haitɨ, ketaye atɨiriwanita ke pemuta yɨ ta ukiyari. ³⁴ Ne ara hɨaweta ekɨ tixaɨtsɨe pekatitipika: ni yuawitsɨe paɨna, kakaiyari ɨparieya mɨyɨkɨkɨ; ³⁵ Ni kuietsɨe, muka uxipiwaki mana ɨkateya; ni paɨna hetsɨe Jersusalén, mu kiekarieyakɨ mu tɨrɨkaiye Rey. ³⁶ Paɨna peka iti pika a mu'ukɨ, peka eyeitɨawekɨ xei kɨpa tuxame ya'i hɨxaɨyeme. ³⁷ Pɨta kene hayawani ke a nuki nanɨyɨneni, hɨ, hɨ, ya'i waikɨ, waɨki. Naitɨ tita ti waɨkawa maxi kani miemetɨniri ká hauyumarie hatsɨa. ³⁸ Pera enawe me haitɨkaime: xeime hɨxi miemekɨ xeime hɨxi, paɨna xeime tamé miemekɨ xeime tamé. ³⁹ Ne ara hɨaweta, waikɨ peka inewieka ke pai tuyuka nanaima; katni aneni pɨta, tse kepane a sonti hutsu a hɨxie atapana tserieta, paɨnata ke itserieni xeitapata mieme. ⁴⁰ Xɨkata xewitɨ a hamatɨa hauyeinkɨni manamɨya itsɨkatari wá hɨxie xɨkata atsɨ nawai rieni a ɨkari paɨna ke nau haxawa mɨkɨ tawi manu hurieni a kutuni. ⁴¹ Ke aneta atsɨ inie waɨriyarika yu hamatɨa xeime kilometro, kenemie hamatɨana maxi huta tsɨe. ⁴² Ke tiniwakɨpaɨtɨwani iya ke ane ati wawirie, paɨna peka iku wariwiyani iya ke ane mu araunɨwiriemɨkɨ. ⁴³ Xeta enanawe ke tuta nukie: pe mi nake erieka ke ane a aurie muka paɨna pe mi hekani iya ke ane atsɨ heka. ⁴⁴ Ne xara hɨaweta ne, xene wanake erieka ke ane me xatsɨ heka paɨna xene yu nenewieka iyamexikɨ ke ane me xatsɨ weiya. ⁴⁵ Me makɨnekɨ niwemama tá yau yuawitsɨe kiekame. Kana ti netɨwani tau tsɨmete itɨtɨa wakɨ wa hetsɨe paɨna aixɨ mete uka iyayari wa hetsɨekɨ. Paɨna witari kananaka nɨ awani aixɨ mete uka iyayari wa hetsɨe paɨna haxa mete uka iyayari wa hetsɨe. ⁴⁶ Xɨka xe wanake erieka ke ane maxatsɨ nake erie, ¿ke tita imikɨeri xeta iwaxɨ xete mikieni? ¿Paɨ mekate itɨtɨa iyamexi tuminikɨ meteyu wiwiya? ⁴⁷ Xɨkata xeikɨa xewa hɨhɨaweni xe iwama, ¿ke xete yurie maxɨ ke hipame wa hepaɨsta? ¿Ipaɨ maxi mekate itɨtɨa iyamexi ke ane Dios maka mate? ⁴⁸ Ya umiemekɨ aixɨ xene aneneni, Paɨmɨ hapaɨ xe yau aixɨ mu ane.