¹ Haika tukariyari hauti'yaku'ta, neɨkixa kanatineni cana paitɨ Galilea kwieyaritsie. Jesus mamaya mana kane yeikakaitɨni. ² Neɨkixa meniuta inierieni Jesus yu discipulosmatɨ. ³ Kepauku winu mɨxɨtsie Jesus mamaya katinita hɨawe: "Ikɨmexi winu mekwa hexeiyari." ⁴ Tita hɨawixɨta Jesus: "Uka titakɨta ne hatsɨa peramieɨ Kwa'aye'awe kuxi ne tukari." ⁵ Mamayata te'uximayatamete katini waruta hɨawe: "Ke xera hɨaweni mɨkɨ, yaxeketeneu yuri." ⁶ Mana kanititekaitɨni ta xewi tetexi tekɨxiyari, mɨkɨ mekani'kɨ maɨwakaitɨni kepauku judiostsixi memuyuti hauxinakaitsie tukariyari maye'axetsie; mɨkɨ tekɨxite nauka tewiyari paɨna ta xewi tewiyari litroyari puye manekai. ⁷ Tiwaruta hɨawixɨ Jesus: "Tekɨxite hakɨ xekeneuti hɨniya." Mɨkɨ meniti hɨniya anu atɨkaime. ⁸ Te uximayatamete'ta tini waruta hɨawe: "Chiwa xene wati hanaka te 'uximayatamete wa'ukiari xekeneun haniri." Paɨ mekateniu yurieni mɨkɨ. ⁹ Te'uximayatamete wa'ukiyari kane inɨata ha winu mayeitɨariekai, perotsɨ mɨkɨ kwara maikai kewa me miemetɨkai (te'uximayatamete ke'ane memiwati'ha xeikɨa mete'amaikai). Merikɨtsɨ mɨkɨ uki neneɨkeme kaniuta hɨawe. ¹⁰ Ipaɨta katinita hɨawe: "Naitɨ teuteri winu aixɨ ma'ane meri mekani nawayani, metarɨwekakuri winu inɨari raye akame mekani nawayani. Perotsɨ ekɨ winu aixɨ ma'ane pekwane 'utakai hikɨke pe'iwaye hanake." ¹¹ Jesus ikɨkɨ katiniuka tsutɨani kemutiu yuri mana cana Galilea kwieyaritsie, katiniuta hekɨata ke'ane mɨhɨkɨ, discipulomama yuri meteniuta herieni. ¹² Ikɨ yatiɨ yɨku, Jesus, mamaya, iwamama paɨna discipulomama Capernaum menanakɨne, waɨkawa tukariyari mana meniuyuku hayewa. ¹³ Hikɨ judiostsixi wa Pascua ixɨarariyari naya aximekaitɨni, Jerusalen paitɨ nanutiyani Jesus. ¹⁴ Kani waruka xeiya mɨkɨ harerutsixi turutsixi, muxatsi paɨna wauraixi mewa tuakame paɨna mana mena tekaitɨni tumini patamete. ¹⁵ Kaunari anuku hurieka naime kaniwaranuye weiya tɨkita, paɨna muxatsi, turutsixi kaniwaranuye weiya. Mɨkɨ tumini patamete wa mesate kanati xɨrieni paɨna wa tuminite kaniuta xɨrieni. ¹⁶ Kukuruxi mewa tuakai katini waruta hɨawe: "Naime ikɨ uwa xeketenanuye pini. Xeketeneu hayewa ne yeu kita kewa rati tuiwatsie xekwa'a yeitɨaka." ¹⁷ Yameteniu erieni discipulomama kename ipaɨ rauku utsekai: "A kitatsie ti miemekɨ waɨka nepaɨ ɨtetsa." ¹⁸ Merikɨtsɨ judiostsixi wa itsɨkamete metenita eiya: "¿Tita petati hekɨatsirieni, ikɨ yapeti yurienekɨ?" ¹⁹ Jesus tini waru eiya:"Ikɨ tɨki xekeneuta una, ne haika tukari nekanenuku kemɨkɨ." ²⁰ merikɨtsɨ judios wa itsɨkamete meniuti yuani: "huta tewiyari heima ta xewi witariyari meteneu tere me'i wewietɨ, ¿ekɨta haika tukariyari pemenuku hana peraine?" ²¹ perotsɨ mɨkɨ tɨki yu waiyari muxatakai tɨtɨ. ²² Merikɨtsɨ anuku ketɨrieku mɨkite wa tsata, yameteniu erieni discipulomama mɨkɨ yamutayɨkairi, utsikatsie yuri meteniuta erieni paɨna Jesus niukieyatsie kemutiwaruta xatɨakai. ²³ Kepaukuta mɨkɨ Jerusalen meyeikakaitsie Pascua ixɨarariyari matinetsie, waɨkawa kemuti tewakaitsie meteniuta erieni kepauku memunierixɨtsie kemuti hekɨatakai mɨkɨ kemutiu yuri. ²⁴ Wa hetsie Jesus kwa haɨ waɨrekai, mɨkɨ naime wa maikaikɨ, ²⁵ mɨkɨ kwa heiye hɨakai xeitɨ yatita hɨawe teuteri wa hetsie timieme, mɨkɨ ramaikai tita ti xuawekai wa taɨta.